Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
10. Kakudha Vagga

Sutta 97

Tatiya Akuppa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'ahi bhikkhave dhammehi samannāgato bhikkhu ānāpānasatiɱ bhāvento na cirass'eva akuppaɱ paṭivijjhati.|| ||

Katamehi pañcahi:|| ||

Idha, bhikkhave, bhikkhu appaṭṭho hoti appakicco subharo susantoso jivitaparikkhāresu||
appāhāro hoti anodarikattaɱ anuyutto,||
[121] appamiddho hoti jāgariyaɱ anuyutto, yāyaɱ kathā ābhisallekhikā cetovivaraṇasappāyā - seyyath'idaɱ.|| ||

Appicchakathā santuṭṭhīkathā pavivekathā asaɱsaggakathā viriyāramhakathā sīlakathā samādhikathā paññākathā vimuttikathā vimuttiñāṇassakathā,||
evarūpāya- kathāya nikāmalābhī hoti akicchalābhī akasiralābhī.|| ||

Yathāvimuttaɱ cittaɱ paccavekkhati.|| ||

Imehi kho bhikkhave pañcahi dhammehi samannāgato bhikkhu ānāpānasatiɱ bhāvento na cirass'eva akuppaɱ paṭivijjhatī ti.|| ||


Contact:
E-mail
Copyright Statement   Webmaster's Page