Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
11. Phāsuvihāra Vagga

Sutta 104

Samaṇa Sukhumāla Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañcahi bhikkhave,||
dhammehi samannāgato bhikkhu samaṇesu samaṇasukhumālo hoti.|| ||

Katamehi pañcahi?|| ||

Idha, bhikkhave, bhikkhu yācito'va bahulaɱ cīvaraɱ paribhuñjati,||
appaɱ ayācito.|| ||

Yācito'va bahulaɱ piṇḍapātaɱ paribhuñajati,||
appaɱ ayācito.|| ||

Yācito'va bahulaɱ senāsanaɱ paribhuñajati,||
appaɱ ayācito.|| ||

Yācito'va bahulaɱ gilānapaccayabhesajjaparikkhāraɱ paribhuñjati,||
appaɱ ayācito.|| ||

Ye hi [131] kho pana sabrahmcārihi saddhiɱ viharati,||
tyāssa manāpen'eva bahulaɱ kāya-kammena samudācaranti,||
appaɱ amanāpena;|| ||

manāpen'eva bahulaɱ vaci-kammena samudācaranti,||
appaɱ amanāpena;|| ||

manāpen'eva bahulaɱ mano-kammena samudācaranti,||
appaɱ amanāpenaɱ;|| ||

manāpaɱ yeva bahulaɱ upahāraɱ upaharanti,||
appaɱ amanāpaɱ.|| ||

Yāni kho pana tāni vedayitāni||
pitta-samuṭṭhānāni vā||
semha-samuṭṭhānāni vā||
vāta-samuṭṭhānāni vā||
sannipātikāni vā||
utuparināmajāni vā||
visamaparihārajāni vā||
opakkamikāni vā||
kammavipākajāni vā,||
tānissa na bahudeva uppajjanti||
appābādho hoti.|| ||

Catunnaɱ jhānānaɱ ābhicetasikānaɱ diṭṭha-dhamma-sukha-vihārānaɱ nikāmalābhī hoti akicchalāhi akasiralābhi.|| ||

Āsavānaɱ khayā anāsavaɱ ceto-vimuttiɱ paññā-vimuttiɱ diṭṭh'evadhamme sayaɱ abhiññā sacchikatvā upasampajja viharati.|| ||

Ime kho bhikkhave, pañcahi dhammehi samannāgato bhikkhu samaṇesu samaṇasukhumālo hoti.|| ||

Yaɱ hi taɱ bhikkhave, sammā vadamāno vadeyya,||
'samanesu samaṇasukhumālo' ti||
mameva taɱ bhikkhave sammā vadamāno vadeyya,||
'samaṇesu samaṇasukhumālo' ti.|| ||

Ahaɱ hi bhikkhave yācitova bahulaɱ cīvaraɱ paribhuñjāmi,||
appaɱ ayācito;|| ||

yācitova bahulaɱ paṇḍapātaɱ paribhuñjāmi,||
appaɱ ayācito;|| ||

yācitova bahulaɱ senāsanaɱ paribhuñjāmi,||
appaɱ ayācito;|| ||

yācitova bahulaɱ gilānapaccayabhesajjaparikkhāraɱ paribhuñjāmi,||
appaɱ ayācito.|| ||

Ye hi kho pana bhikkhuhi saddhiɱ viharāmi,||
te maɱ manāpen'eva bahulaɱ kāyakammena samudācaranti,||
appaɱ amanāpena;|| ||

manāpen'eva bahulaɱ vacikammena samudācaranti,||
appaɱ amanāpena;|| ||

manāpen'eva bahulraɱ manokammena samudācaranti,||
appaɱ amanāpena;|| ||

manāpaɱ yeva bahulaɱ upahāraɱ upaharanti,||
appaɱ amanāpaɱ.|| ||

Yāni kho pana tāni vedayitāni||
pitta-samuṭṭhānāni vā||
semha-samuṭṭhānāni vā||
vāta-samuṭṭhānāni vā||
sannipātikāni vā||
utuparināmajāni vā||
visamaparihārajāni vā||
opakkamikāni vā||
kammavipākajāni [132] vā,||
tāni me na bahudeva uppajjanti,||
appābādhohamasmi.|| ||

Catunnaɱ kho panamhi jhānānaɱ ābhicetasikānaɱ diṭṭha-dhamma-sukha-vihārānaɱ nikāmalābhī akicchalābhī akasiralābhī.|| ||

Āsavānaɱ khayā anāsavaɱ ceto-vimuttiɱ paññā-vimuttiɱ diṭṭh'evadhamme sayaɱ abhiññā sacchikatvā upasampajja vihārāmi.|| ||

Yaɱ hī taɱ bhikkhave, sammā vadamāno vadeyya,||
'samaṇesu samaṇasukhumālo' ti||
mame va taɱ bhikkhave sammā vadamāno vadeyya,||
'samaṇesu samaṇasukhumālo" ti.|| ||


Contact:
E-mail
Copyright Statement   Webmaster's Page