Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
11. Phāsuvihāra Vagga

Sutta 105

Phāsuvihāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'ime bhikkhave, phāsuvihārā.|| ||

Katame pañca?|| ||

Idha, bhikkhave, bhikkhuno||
mettaɱ kāya-kammaɱ paccupaṭṭhitaɱ hoti sabrahmacārisu||
āvi c'eva raho ca;|| ||

mettaɱ vacī-kammaɱ paccupaṭṭhitaɱ hoti sabrahmcārisu||
āvi c'eva raho ca|| ||

mettaɱ mano-kammaɱ paccupaṭṭhitaɱ hoti sabrahmacārisu||
āci c'eva raho ca.|| ||

yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaɱvattanikāni,||
tathārūpehi sīlehi sīlasāmaññagato viharati sabrahamcārihi||
āvi c'eva raho ca.|| ||

yāyaɱ diṭṭhi ariyā niyyānikā niyyāti takkarassa sammā dukkhakkhayāya,||
tathārūpāya diṭṭhiyā diṭṭhisāmaññagato viharati sabrahmcārihi||
āvi c'eva raho ca.|| ||

Ime kho bhikkhave pañca phāsuvihārāti.|| ||


Contact:
E-mail
Copyright Statement   Webmaster's Page