//* AN 5: 111: Kulupaga Suttam

Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya
Pañcaka-Nipāta
12. Andhakavinda Vagga

Sutta 111

Kulupaga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañcahi bhikkhave, dhammehi samannāgato kulupago bhikkhu kulesu||
appiyo ca hoti,||
amanāpo ca,||
agaru ca,||
abhāvaniyo ca.|| ||

Katamehi pañcahi?|| ||

Asanthavavissāsī ca hoti,||
anissaravikappī ca,||
vyatthupasevī ca,||
upakaṇṇakajappī ca,||
atiyācanako ca.|| ||

Imehi kho bhikkhave pañcahi dhammehi samannāgato kulupago bhikkhu kulesu||
appiyo ca hoti,||
amanāpo ca,||
agaru ca,||
abhāvanīyo ca.|| ||

 


 

Pañcahi bhikkhave, dhammehi samannāgato kulupago bhikkhu kulesu||
piyo ca hoti,||
manāpo ca,||
garu ca,||
bhāvanīyo ca.|| ||

Katamehi pañcahi?|| ||

Na asanthavavissāsī ca hoti,||
na anissaravikappī ca,||
na vyatthupasevī ca,||
na upakaṇṇakajappi ca,||
na atiyācanako ca.|| ||

[137] Imehi kho bhikkhave, pañcahi dhammehi samannāgato kulupago bhikkhu kulesu||
piyo ca hoti,||
manāpo ca,||
garu ca,||
bhāvaniyo cāti.|| ||


Contact:
E-mail
Copyright Statement   Webmaster's Page