//* AN 5: 112: Pacchasamana Suttam

Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya
Pañcaka-Nipāta
12. Andhakavinda Vagga

Sutta 112

Pacchāsamaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Pañcahi bhikkhave, dhammehi samannāgato pacchāsamaṇo na ādātabbo.|| ||

3. Katamehi pañcahi?|| ||

Atidure vā gacchati||
accāsanne vā,||
pattapariyāpannaɱ na gaṇhāti,||
āpattisāmantā bhaṇamānaɱ||
na nivāreti,||
bhaṇamānassa antarantarā kathaɱ opāteni,||
duppañño hoti||
jaḷo||
eḷamugo.|| ||

Imehi kho bhikkhave, pañcahi dhammehi samannāgato pacchāsamaṇo na ādātabbo.|| ||

 


 

4. Pañcahi bhikkhave, dhammehi samannāgato pacchāsamaṇo ādātabbo.|| ||

5. Katamehi pañcahi?|| ||

Nātidure gacchati||
na accāsanne,||
pattapariyāpannaɱ gaṇhāti,||
āpattisāmantā bhaṇamānaɱ nivāreti,||
bhaṇamānassa||
na antarantarā kathaɱ opāteti,||
paññavā hoti||
ajaḷo||
aneḷamugo.|| ||

Imehi kho bhikkhave, pañcahi dhammehi samannāgato pacchāsamaṇo ādātabbo" ti.|| ||


Contact:
E-mail
Copyright Statement   Webmaster's Page