Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
13. Gilāna Vaggo

Sutta 121

Gilāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Evaɱ me sutaɱ:|| ||

Ekaɱ samayaɱ Bhagavā Vesāliyaɱ viharati Mahāvane Kuṭāgārasālāyaɱ.|| ||

Atha kho Bhagavā sāyaṇhasamayaɱ patisallānā vuṭṭhito yena gilānasālā ten'upasaŋkami.|| ||

Addasā kho Bhagavā aññataraɱ bhikkhuɱ dubbalaɱ gilānakaɱ.|| ||

Disvā paññatena āsane nisidi.|| ||

Nisajja kho Bhagavā bhikkhu āmantesi:|| ||

Yaɱ kañci bhikkhave dubbalraɱ gilānakaɱ pañca dhammā na vijahanti,||
tass'etaɱ pāṭikaŋkhaɱ:||
na cirass'eva āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe va dhamme sayaɱ abhiññā sacchikatvā upasampajja viharissatī ti.|| ||

Katamehi pañca?|| ||

Idha, bhikkhave, bhikkhu asubhānupassī kāye viharati,||
āhāre paṭikkulasaññī,||
sabbaloke anabhiratasaññī,||
sabba- [143] saɱkhāresu aniccānupassī,||
maraṇasaññā kho panassa ajajhattaɱ supaṭṭhitā hoti.|| ||

Yaɱ kañci bhikkhave dubbalaɱ gilānakāɱ ime pañca dhammā na vijahanti,||
tass'etaɱ pāṭikaɱkhaɱ:||
na cirass'eva āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe va dhamme sayaɱ abhiññā sacchikatvā upasampajja viharissatī ti.|| ||


Contact:
E-mail
Copyright Statement   Webmaster's Page