Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
13. Gilāna Vaggo

Sutta 128

Samaṇa-dukkha-sukha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Pañc'imāni bhikkhave samaṇadukkhāni.|| ||

Katamāni pañca?|| ||

Idha, bhikkhave, bhikkhu asantuṭṭho hoti itaritarena cīvarena,||
asantuṭṭho hoti itaritarena piṇḍapātena,||
asantuṭṭho hoti itaritarena senāsanena,||
asantuṭṭho hoti itaritarena gilāna-paccaya-bhesajja-parikkhārena,||
anahirato ca brahmacariyaɱ carati.|| ||

Imāni kho bhikkhave pañca samaṇadukkhāni.

 


 

Pañc'imāni bhikkhave samaṇasukhāni.|| ||

Katamāni pañca?|| ||

Idha, bhikkhave, bhikkhu santuṭṭho hoti itaritarena cīvarena,||
santuṭṭho hoti itaritarena piṇḍapātena,||
santuṭṭho hoti itarītarena senāsanena,||
santuṭṭho hoti itaritarena gilāna-paccaya-bhesajja-parikkhārena,||
abhirato ca brahmacariyaɱ carati.|| ||

Imāni kho bhikkhave pañca samaṇasukhānī ti.|| ||


Contact:
E-mail
Copyright Statement   Webmaster's Page