Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
14. Rāja Vaggo

Sutta 133

Dhammarāja Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Yo pi kho bhikkhave rājā cakkavatti dhammiko dhammarājā so pi na arājakaɱ cakkaɱ vattetiti.|| ||

Evaɱ vutte aññataro bhikkhu Bhagavantaɱ etad avoca:|| ||

"Ko pana bhante rañño cakkavattissa dhammikassa dhammarañño rājā" ti?|| ||

"Dhammo bhikkhū" ti Bhagavā avoca.|| ||

"Idha bhikkhu rājā cakkavatti dhammiko dhammarājā||
dhammaɱ yeva nissāya||
dhammaɱ sakkaronto||
dhammaɱ garu karonto||
dhammaɱ apacāyamāno||
dhammaddhajo||
dhammaketu||
dhammādhipateyyo||
dhamimikaɱ rakkhāvaraṇaguttiɱ saɱvidahati antojanasmiɱ.|| ||

Puna ca paraɱ bhikkhu rājā cakkavatti dhammiko dhammarājā||
dhammaɱ yeva nissāya||
dhammaɱ sakkaronto||
dhammaɱ garukaronato||
dhammaɱ apacāyamāno||
dhammadadhajo||
dhammaketu||
dhammādhipateyyo||
dhammikaɱ rakkhāvaraṇaguttiɱ saɱvidahati khattiyesu anuyuttesu,||
balakāyasmiɱ,||
brāhmaṇagahapatikesu,||
negamajānapadesu,||
samaṇabrāhmaṇesu,||
migapakkhisu.|| ||

[150] Sa kho so bhikkhu rājā cakkavatti dhammiko dhammarājā||
dhammaɱ yeva nissāya||
dhammaɱ sakkarontā||
dhammaɱ garukaronto||
dhammaɱ apacāyamāno||
dhammaddhajo||
dhammaketu||
dhammādhipateyyo||
dhammikaɱ||
rakkhāvaraṇaguttiɱ||
saɱvidahitvā||
antojanasmiɱ,||
dhammikaɱ rakkhācaraṇaguttiɱ saɱvidahitvā khattiyesu anuyuttesu,||
balakāyasmiɱ,||
brahmaṇagahapatikesu negamajānapadesu,||
samaṇabrāhmaṇesu,||
migapakkisu,||
dhammen'eva cakkaɱ pavatteti,||
taɱ hoti cakkaɱ appativattiyaɱ kenaci manussabhutena paccatthikena pāṇinā.|| ||

Evam eva kho bhikkhu Tathāgato arahaɱ sammāsambuddho dhammiko dhammarājā||
dhammaɱ yeva nissāya||
dhammaɱ sakkaronto||
dhammaɱ garukaronto||
dhammaɱ apacāyamāno||
dhammaddhajo||
dhammaketu||
dhammādhipateyyo||
dhammikaɱ rakkhāvaraṇagutkiɱ saɱvidahati bhikkhusu.|| ||

Evarūpaɱ kāyakammaɱ sevitabbaɱ,||
evarūpaɱ kāyakammaɱ na sevitabbaɱ,||
evarūpaɱ vacīkammaɱ sevitabbaɱ,||
evarūpaɱ vacīkammaɱ na sevitabbaɱ,||
evarūpaɱ manokammaɱ sevitabbaɱ,||
evarūpaɱ manokammaɱ na sevitabbaɱ,||
evarūpo ājīvo sevitabbo,||
evarūpo ājivo na sevitabbo,||
evarūpo gāmanigamo sevitabbo,||
evarūpo gāmanigamo na sevitabbo" ti.|| ||

Puna ca paraɱ bhikkhu Tathāgato arahaɱ sammāsambuddho dhamimiko dhammarājā||
dhammaɱ yeva nissāya||
dhammaɱ sakkaronto||
dhammaɱ garukaronto||
dhammaɱ apacāyamāno||
dhammaddhajo||
dhammaketu||
dhammādhipateyyo||
dhammikaɱ rakkhāvaraṇaguttiɱ saɱvidahati bhikkhunīsu||
evarūpaɱ kāyakammaɱ sevitabbaɱ,||
evarūpaɱ kāyakammaɱ na sevitabbaɱ||
evarūpaɱ vacikammaɱ sevitabbaɱ||
evarūpaɱ vacikammaɱ na sevibbaɱ||
evarūpaɱ manokammaɱ sevitabbaɱ,||
evarūpaɱ manokammaɱ na sevitabbaɱ,||
evarūpo ājīvo sevitabbo,||
evarūpo ājivo na sevitabbo,||
evarūpo gāmanigamo sevitabbo,||
evarūpo gāmanigamo na sevitabboti.|| ||

Upāsakesu||
evarūpaɱ kāyakammaɱ sevitabbaɱ,||
evarūpaɱ kāyakammaɱ na sevitabbaɱ||
evarūpaɱ vacikammaɱ sevitabbaɱ||
evarūpaɱ vacīkammaɱ na sevitabbaɱ,||
evarūpaɱ manokammaɱ sevitabbaɱ,||
evarūpaɱ manokammaɱ na sevitabbaɱ,||
evarūpo ājivo sevitabbo,||
evarūpo ājivo na sevitabbo,||
evarūpo gāmanigamo sevitabbo,||
evarūpo gāmanigamo na sevitabbo ti.|| ||

Upāsikāsu:||
evarūpaɱ kāyakammaɱ sevitabbaɱ||
evarūpaɱ kāyakammaɱ na sevitatabbaɱ,||
evarūpaɱ vacīkammaɱ sevitabbaɱ,||
evarūpaɱ vacīkammaɱ na sevitabbaɱ,||
evarūpaɱ manokammaɱ sevitabbaɱ,||
evarūpaɱ manokammaɱ na sevitabbaɱ,||
evarūpo ājivo sevitabbo,||
evarūpo ājivo na sevitabbo,||
evarūpo gāmanigamo sevitabbo,||
evarūpo gāmanigamo na sevitabbo" ti.|| ||

Sa kho so bhikkhu Tathāgato arahaɱ sammāsambuddho [151] dhammiko dhammarājā||
dhammaɱ yeva nissāya||
dhammaɱ sakkaronto||
dhammaɱ garukaronto||
dhammaɱ apacāyamāno||
dhammaddhajo||
dhammaketu||
dhammādhipateyyo||
dhammikaɱ rakkhāvaraṇaguttiɱ saɱvidahitvā bhikkhusu,||
dhammikaɱ rakkhāvaraṇaguttiɱ saɱvidahitvā bhikkhunīsu,||
dhammikaɱ rakkhāvaraṇaguttiɱ saɱvidahitvā upāsakesu,||
dhammikaɱ rakkhāvaraṇaguttiɱ saɱvidahitvā upāsikāsu,||
dhammen'eva anuttaraɱ dhammcakkaɱ pacatteti,||
taɱ hoti cakkaɱ appativattiyaɱ samaṇena vā brāhmaṇena vā devena vā mārena vā brahmunā vā kenaci vā lokasminti.|| ||


Contact:
E-mail
Copyright Statement   Webmaster's Page