Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
14. Rāja Vaggo

Sutta 138

Bhattādaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Pañcahi bhikkhave aŋgehi samannāgato rañño nāgo bhattādako ca hoti||
okāsapharaṇo ca,||
laṇḍasādhano ca,||
salākagāhī ca,||
rañño nāgo tv eva saŋkhaɱ gacchati.|| ||

Katamehi pañcahi?|| ||

3. Idha, bhikkhave, rañño nāgo akkhamo hoti rūpānaɱ,||
akkhamo saddānaɱ,||
akkhamo gandhānaɱ,||
akkhamo rasānaɱ,||
akkhamo phoṭṭhabbānaɱ.|| ||

Imehi kho bhikkhave pañcahi aŋgehi samannāgato rañño nāgo bhattādako ca hoti||
okāsapharaṇo ca,||
laṇḍasādhano ca,||
salākagāhī ca,||
rañño nāgo tv eva saŋkhaɱ gacchati.|| ||

 


 

4. Evam eva kho bhikkhave pañcahi dhammehi samannāgato bhikkhu bhattādako ca hoti bhattādako ca hoti||
okāsapharaṇo ca,||
laṇḍasādhano ca,||
salākagāhī ca,||
bhikkhu tv eva saŋkhaɱ gacchati.|| ||

Katamehi pañcahi?|| ||

[157] 5. Idha, bhikkhave, bhikkhu akkhamo hoti rūpānaɱ,||
akkhamo saddānaɱ,||
akkhamo gandhānaɱ,||
akkhamo rasānaɱ,||
akkhamo phoṭṭhabbānaɱ.|| ||

Imehi kho bhikkhave, pañcahi dhammehi samannāgato bhikkhu bhattādako ca hoti bhattādako ca hoti||
okāsapharaṇo ca,||
laṇḍasādhano ca,||
salākagāhī ca,||
bhikkhu tv eva saŋkhaɱ gacchati.|| ||


Contact:
E-mail
Copyright Statement   Webmaster's Page