Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
15. Tikaṇḍaki Vaggo

Sutta 143

Sārandada Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Vesāliyaɱ viharati Mahāvane Kūṭāgārasālāyaɱ.|| ||

Atha kho Bhagavā pubbaṇhasamayaɱ nivāsetvā pattacīvaram ādāya Vesāliɱ piṇḍāya pāvisi.|| ||

Tena kho pana samayena pañcamattānaɱ Licchavīsatānaɱ Sārandade cetiye sannisinnānaɱ sannipatitānaɱ ayam antarā kathā udapādi:|| ||

2. 'Pañcannaɱ ratanānaɱ pātubhāvo dullabho lokasmiɱ.|| ||

Katamesaɱ pañcannaɱ?|| ||

Hatthiratanssa pātubhāvo dullabho lokasmiɱ,||
assaratanassa pātubhāvo dullabho lokasmiɱ,||
maṇiratanassa pātubhāvo dullabho lokasmiɱ,||
itthiratanassa pātubhāvo dullabho lokasmiɱ,||
gahapatiratanassa pātubhāvo dullabho lokasmiɱ|| ||

Imesaɱ pañcannaɱ ratnānaɱ pātubhāvo dullabho lokasmin' ti.|| ||

[168] 3. Atha kho te Licchavī magge purisaɱ ṭhapesuɱ,||
'yadā tvaɱ1ambho purisa passeyyāsi Bhagavantaɱ āgacchantaɱ,||
atha amhākaɱ āroceyyāsī' ti.|| ||

Addasā kho so puriso Bhagavantaɱ dūrato'va āgacchantaɱ,||
disvāna yena te Licchavī ten'upasaŋkami.|| ||

Upasaŋkamitvā te Licchavī etad avoca:|| ||

'Ayaɱ so bhonto Bhagavā āgacchati arahaɱ sammāsambuddho,||
yassa dāni kālaɱ maññathā' ti.|| ||

Atha kho te Licchavi yena Bhagavā ten'upasaŋkamiɱsu.|| ||

Upasaŋkamitvā Bhagavantaɱ abhivādetvā ekam anataɱ aṭṭhaɱsu.|| ||

Eka-m-antaɱ ṭhitā kho te Licchavī Bhagavantaɱ etad avocaɱ:|| ||

'Sādhu bhante Bhagavā yena Sārandadaɱ cetiyaɱ ten'upasaŋkamatu anukampaɱ upādāyā' ti.|| ||

Adhivāsesi Bhagavā tuṇhībhāvena.|| ||

Atha kho Bhagavā yena Sārandadaɱ cetiyaɱ ten'upasaŋkami.|| ||

Upasaŋkamitvā paññatte āsane nisidi.|| ||

Nisajja kho Bhagavā te Licchavī etad avoca:|| ||

'Kāya nu'ttha Licchavi,||
etarahi kathāya sannisinnā?|| ||

Kā ca pana vo antarā kathā vippakatā' ti.|| ||

'Idha bhante amhākaɱ sannisinnānaɱ sannipatinānaɱ ayamantarā kathā udapādi:|| ||

Pañcannaɱ ratnānaɱ pātubhāvo dullabho lokasmiɱ.|| ||

Katamesaɱ pañcannaɱ?|| ||

Hatthiratanssa pātubhāvo dullabho lokasmiɱ,||
assaratanassa pātubhāvo dullabho lokasmiɱ,||
maṇiratanassa pātubhāvo dullabho lokasmiɱ,||
itthiratanassa pātubhāvo dullabho lokasmiɱ,||
gahapatiratanassa pātubhāvo dullabho lokasmiɱ|| ||

Imesaɱ pañcannaɱ ratnānaɱ pātubhāvo dullabho lokasmin' ti.|| ||

4. 'Kāmādhimuttānaɱ vata bho Licchavīnaɱ kāmaññ yeva arabbha antarā kathā udapādi.|| ||

Pañcannaɱ Licchavī, ratanānaɱ pātubhāvo dullabho lokasmiɱ.|| ||

Katamesaɱ pañcannaɱ?|| ||

Tathāgatassa arahato sammāsambuddhassa pātubhāvo dullabho lokasmiɱ.|| ||

Tathāgatappaveditassa dhamma-vina- [169] yassa desetā puggalo dullabho lokasmiɱ.|| ||

Tathāgatappaveditassa dhamma-vinayassa desitassa viññātā puggalo dullabho lokasmiɱ.|| ||

Tathāgatappaveditassa dhamma-vinayassa desitassa viññātassa dhammānudhammapaṭipanno puggalo dullabho lokasmiɱ.|| ||

Kataññu katavedi puggalo dullabho lokasmiɱ.|| ||

Imesaɱ kho Licchavī, pañcannaɱ ratanānaɱ pātubhāvo dullabho lokasmin' ti.|| ||


Contact:
E-mail
Copyright Statement   Webmaster's Page