Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
16. Saddhamma Vaggo

Sutta 158

Sārajja Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Pañcahi bhikkhave dhammehi samannāgato bhikkhu sārajjaɱ okkanto hoti.|| ||

Katamehi pañcahi?|| ||

Idha, bhikkhave, bhikkhu assaddho hoti,||
dussilo hoti,||
appassuto hoti,||
kusīto hoti,||
duppañño hoti.|| ||

Imehi kho bhikkhave pañcahi dhammehi samannāgato bhikkhu sārajjaɱ okkanto hoti.|| ||

 


 

Pañcahi bhikkhave dhammehi samannāgato bhikkhu visārado hoti.|| ||

Katamehi pañcahi?|| ||

Idha bhikakhave bhikkhu saddho hoti,||
sīlavā hoti,||
bahussuto hoti,||
araddhaviriyo hoti,||
paññavā hotī ti.|| ||

[184] Imehi kho bhikkhave pañcahi dhammehi samannāgato bhikkhu visārado hoti" ti.|| ||


Contact:
E-mail
Copyright Statement   Webmaster's Page