Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Pañcaka Nipāta
XXII. Akkosaka-Vagga

Sutta 215

Paṭhama Akkhanti Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'ime bhikkhave ādīnavā akkhantiyā.|| ||

Katame pañca?|| ||

Bahuno janassa appiyo hoti amanāpo,||
verabahulo ca hoti,||
vajjabahulo ca,||
sammūḷho kālaɱ karoti,||
kāyassa bhedā param maraṇā apāyaɱ duggatiɱ vinipātaɱ nirayaɱ uppajjati.|| ||

Ime kho bhikkhave pañca ādīnavā akkhantiyā.|| ||

 


 

Pañc'ime bhikkhave ānisaɱsā khantiyā.|| ||

Katame pañca?|| ||

Bahuno janassa piyo hoti manāpo,||
na verabahulo hoti,||
na vajjabahulo,||
asammūḷho kālraɱ karoti,||
kāyassa bhedā parammaṇā sugatiɱ saggaɱ lokaɱ uppajjati.|| ||

Ime kho bhikkhave pañca ānisaɱsā khantiyā" ti.|| ||


Contact:
E-mail
Copyright Statement   Webmaster's Page