Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
Pañcaka-Nipāta
22. Akkosaka Vagga

Sutta 218

Dutiyo Apāsādika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañc'ime bhikkhave ādīmavā apāsādike.|| ||

Katame pañca?|| ||

[256] 2. Appasantā na ppasīdanti,||
pasannānañ ca ekaccānaɱ aññathattaɱ hoti,||
satthusāsanaɱ akataɱ hoti,||
pacchimā janatā diṭṭhānugatiɱ āpajjati,||
cittamassa na ppasīdati.|| ||

Ime kho bhikkhave pañca ādīnavā apāsādike.|| ||

3. Pañc'ime bhikkhave pañca ādīnavā pāsādike.|| ||

Katame pañca?|| ||

4. Appasannā pasīdanti,||
pasannānañ ca bhīyyo bhāvo hoti,||
satthu sāsanaɱ kataɱ hoti,||
pacchivā janatā diṭṭhānugatiɱ āpajjati,||
cittamassa pasīdati.|| ||

Ime kho bhikkhave pañca ānisaɱsā pāsādiketi.|| ||


Contact:
E-mail
Copyright Statement   Webmaster's Page