Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
Pañcaka-Nipāta
23. Dīghacārika Vagga

Suttas 229-230

Kaṇhasappa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

Sutta 229

Paṭhama Kaṇhasappa Suttaɱ

[229.1][pts][olds] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañc'ime bhikkhave ādīnavā kaṇhasappe.|| ||

Katame pañca?|| ||

Asucī,||
duggandho,||
sabhīru,||
sappaṭibhayo,||
mittadubhī ime kho bhikkhave pañca ādīnavā kaṇhasappe.|| ||

Evam eva kho bhikkhave pañcime ādīnavā mātugāme.|| ||

Katame pañca?|| ||

Asucī dugagandho,||
sabhīru,||
sappaṭibhayo,||
mittadubhi.|| ||

Ime kho bhikkhave pañca ādīnavā mātugāmeti.|| ||

 

§

 

Sutta 230

Dutiya Kaṇhasappa Suttaɱ

[230.1][pts][olds] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañc'ime bhikkhave ādīnavā kaṇhasappe.|| ||

Katame pañca?|| ||

Kodhano,||
upanāhī,||
ghoraviso,||
dujīvho,||
mittadubhī|| ||

[261] Ime kho bhikkhave pañca ādinavā kaṇahasappe.|| ||

Evam eva kho bhikkhave pañca ādīnavā mātugāme.|| ||

Katame pañca?|| ||

Kodhano,||
upanāhī,||
ghoraviso,||
dujīvho,||
mittadubhī.|| ||

Tatiradaɱ bhikkhave mātugāmassa ghoravisatā:||
yebhuyyena bhikkhave mātugāmo tibbarāgo.|| ||

Tatiradaɱ bhikkhave mātugāmassa dujīvhatā:||
yebhuyyena bhikkhave mātugāmo pisunāvāco.|| ||

Tatiradaɱ bhikkhave mātugāmassa mittadubhitā:||
yebhuyyena bhikkhave mātugāmo aticārinī.|| ||

Ime kho bhikkhave pañca ādīnavā mātugāmeti.|| ||

Dīghacārikavaggo tatiyo.|| ||


Contact:
E-mail
Copyright Statement   Webmaster's Page