Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
Pañcaka-Nipāta
24. Āvāsika Vagga

Sutta 231

Abhāvanīya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañc'ime bhikkhave dhammehi samannāgato āvāsiko bhikkhu abhāvanīyo hoti.|| ||

Katamehi pañcahi?|| ||

2. Na ākappasampanno hoti na vattasampanno,||
na bahussuto hoti na sutadharo,||
na paṭisallekhitā hoti na paṭisallāṇārāmo,||
na kalyāṇavāco hoti na kalyāṇavākkaraṇo,||
duppañño hoti jaḷo eḷamūgo.|| ||

Ime kho bhikkhave pañcahi dhammehi samannāgato āvāsiko bhikkhu abhāvanīyo hoti.|| ||

 


 

3. Pañcahi bhikkhave dhammehi samannāgato āvāsiko bhikkhu bhāvanīyo hoti.|| ||

Katamehi pañcahi?|| ||

[262] 4. Ākappa sampanno hoti vattasampanno,||
bahussuto hoti sutadharo,||
paṭisallekhitā hoti paṭisallāṇārāmo,||
kalyāṇavāvo hoti kalyāṇavākkaraṇo,||
paññavā hoti ajaḷo aneḷamūgo.|| ||

Imehi kho bhikkhave pañcahi dhammehi samannāgato āvāsiko bhikkhu bhāvanīyo hotī" ti.|| ||


Contact:
E-mail
Copyright Statement   Webmaster's Page