Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
Pañcaka-Nipāta
24. Āvāsika Vagga

Sutta 235

Anukampaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañcahi bhikakhave, dhammehi samannāgato āvāsiko bhikkhu gihīnaɱ anukampati.|| ||

Katame pañcahi?|| ||

2. Adhisīle samādapeti.|| ||

Dhammadassane niveseti.|| ||

Gilānake upasaŋkamitvā satiɱ uppādeti:|| ||

'Arahaggataɱ [264] āyasmanto satiɱ upaṭṭhāpethā' ti.|| ||

Mahā kho pana bhikkhusaŋgho abhikkanto nānāverajjakā bhikkhu,||
gihīnaɱ upasaŋkamitvā āroceti:|| ||

"Mahā kho āvuso, bhikkhusaŋgho abhikkanto,||
nānāverajjakā bhikkhu,||
tarotha puññāni,||
samayo puññāni kātun" ti.|| ||

Yaɱ kho pan'assa bhojanaɱ denti lūkhaɱ vā||
paṇitaɱ vā||
taɱ attanā paribhuñjati,||
saddhādeyyaɱ na vinipāteti.|| ||

Imehi kho bhikkhave, pañcahi dhammehi samannāgato āvāsiko bhikkhu gihīnaɱ anukampatī" ti.|| ||


Contact:
E-mail
Copyright Statement   Webmaster's Page