Aṅguttara Nikāya


[Home]  [Sutta Indexes]  [Glossology]  [Site Sub-Sections]


 

Aṅguttara-Nikāya
Pañcaka-Nipāta
24. Āvāsika Vagga

Sutta 236

Paṭhama Avaṇṇāraha Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[264]

[1][pts] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.

Bhagavā etad avoca:|| ||

"Pañcahi bhikkhave, dhammehi samannāgato āvāsiko bhikkhu||
yath'ābhataṃ nikkhitto evaṃ Niraye.|| ||

Katamehi pañcahi?|| ||

Ananuvicca apariyogāhetvā avaṇṇārahassa vaṇṇaṃ bhāsati;|| ||

ananuvicca apariyogāhetvā vaṇṇārahassa avaṇṇaṃ bhāsati;|| ||

ananuvicca apariyogāhetvā a-p-pasādanīye ṭhāne pasādaṃ upadaṃ-seti;|| ||

ananuvicca apariyogāhetvā pasādanīye ṭhāne a-p-pasādaṃ upadaṃ-seti;|| ||

saddhādeyyaṃ vinipāteti.|| ||

Imehi kho bhikkhave, pañcahi dhammehi samannāgato āvāsiko bhikkhu||
yath'ābhataṃ nikkhitto evaṃ Niraye.|| ||

 

§

 

Pañcahi bhikkhave dhammehi samannāgato āvāsiko bhikkhu||
yath'ābhataṃ nikkhitto evaṃ sagge.|| ||

Katamehi pañcahi?|| ||

Anuvicca pariyogāhetvā avaṇaṇārahassa avaṇaṇaṃ bhāsati;|| ||

anuvicca pariyogāhetvā vaṇaṇārahassa vaṇaṇaṃ bhāsati;|| ||

anuvicca pariyogāhetvā a-p-pasādanīye ṭhāne a-p-pasādaṃ upadaṃ-seti;|| ||

anuvicca pariyogāhetvā pasādaniye ṭhāne pasādaṃ upadaṃ-seti;|| ||

saddhādeyyaṃ na vinipāteti.|| ||

Imehi kho bhikkhave pañcahi dhammehi samannāgato āvāsiko bhikkhu||
yath'ābhataṃ nikkhitto evaṃ sagge" ti.|| ||


Contact:
E-mail
Copyright Statement