Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
Pañcaka-Nipāta
24. Āvāsika Vagga

Sutta 239

Paṭhama Cchariya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañcahi bhikkhave, dhammehi samannāgato āvāsiko bhikkhu yathābhataɱ nikkhitto evaɱ niraye.|| ||

Katamehi pañcahi?|| ||

Āvāsamacchari hoti;||
kulamacchari hoti;||
lābhamacchari hoti,||
vaṇṇamacchari hoti,||
saddhādeyyaɱ vinipāteti.|| ||

Imehi kho bhikkhave, pañcahi dhammehi samannāgato āvāsiko bhikkhu yathābhataɱ nikkhitto evaɱ niraye.|| ||

 


 

Pañcahi bhikkhave dhammehi samannāgato āvāsiko bhikkhu yathābhataɱ nikkhitto evaɱ sagge.|| ||

Katamehi pañcahi?|| ||

Na āvāsamacchari hoti;||
na kulamacchari hoti;||
na lābhamacchari hoti;||
na vaṇṇamacchari hoti;||
saddhādeyyaɱ na vinipāteti.|| ||

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ sagge" ti.|| ||


Contact:
E-mail
Copyright Statement   Webmaster's Page