Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
Pañcaka-Nipāta
25. Duccarita Vagga

Sutta 250

Puggala-Ppasāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'ime bhikkhave ādīnavā puggalappasāde.|| ||

Katame pañca?|| ||

2. Yasmiɱ bhikkhave puggale puggalo abhippasanno hoti,||
so tathārūpaɱ āpattiɱ āpanno hoti,||
yathārūpāya āpattiyā saŋgho ukkhipati.|| ||

Tassa evaɱ hoti:|| ||

"Yo kho myāyaɱ puggalo piyo manāpo,||
so saŋghena ukkhitto" ti.|| ||

Bhikkhūsu appasāda bahulo hoti,||
bhikkhūsu appasādabahulo samāno||
aññe bhikkhu na bhajati,||
aññe bhikkhu na bhajanto saddhmmaɱ na suṇāti,||
saddhammaɱ asuṇanti,||
saddhammā parihāyati.|| ||

Ayaɱ bhikkhave paṭhamo ādīnavo puggalappasāde.|| ||

 

 

3. Puna ca paraɱ bhikkhave yasmiɱ puggale puggalo abhippasanno hoti,||
so tathārūpaɱ āpattiɱ āpanno hoti,||
yathārūpāya āpattiyā saŋgho ante nisīdāpeti.|| ||

Tassa evaɱ hoti:|| ||

"Yo kho myāyaɱ puggalo piyo manāpo, so saŋghena ante nisīdāpito" ti.|| ||

Bhikkhūsu appasāda bahulo hoti,||
bhikkhūsu appasādabahulo samāno||
aññe bhikkhu na bhajati,||
aññe bhikkhu na bhajanto saddhmmaɱ na suṇāti,||
saddhammaɱ asuṇanti,||
saddhammā parihāyati.|| ||

Ayaɱ bhikkhave dutiyo ādīnavo puggalappasāde.|| ||

 

 

4. Puna ca paraɱ bhikkhave yasmiɱ puggale puggalo abhippasanno hoti,||
so disā pakkanto hoti.|| ||

Tassa evaɱ hoti:|| ||

"Yo kho myāyaɱ puggalo piyo manāpo, so disā pakkanto 'ti ante nisīdāpito" ti.|| ||

Bhikkhūsu appasāda bahulo hoti,||
bhikkhūsu appasādabahulo samāno||
aññe bhikkhu na bhajati,||
aññe bhikkhu na bhajanto saddhmmaɱ na suṇāti,||
saddhammaɱ asuṇanti,||
saddhammā parihāyati.|| ||

Ayaɱ bhikkhave tatiyo ādīnavo puggalappasāde.|| ||

 

 

Puna ca paraɱ bhikkhave yasmiɱ puggale puggalo abhippasanno hoti,||
so vibbhanno hoti.|| ||

Tassa evaɱ hoti:|| ||

"Yo kho myāyaɱ puggalo piyo manāpo, so vibbhanto'ti ante nisīdāpito" ti.|| ||

Bhikkhūsu appasāda bahulo hoti,||
bhikkhūsu appasādabahulo samāno||
aññe bhikkhu na bhajati,||
aññe bhikkhu na bhajanto saddhmmaɱ na suṇāti,||
saddhammaɱ asuṇanti,||
saddhammā parihāyati.|| ||

Ayaɱ bhikkhave catuttho ādīnavo puggalappasāde.|| ||

 

 

Puna ca paraɱ bhikkhave yasmiɱ puggale puggalo abhippasanno hoti,||
so kālaɱkato hoti.|| ||

Tassa evaɱ hoti:|| ||

"Yo kho myāyaɱ puggalo piyo manāpo, so kālakato'ti, ante nisīdāpito" ti.|| ||

Bhikkhūsu appasāda bahulo hoti,||
bhikkhūsu appasādabahulo samāno||
aññe bhikkhu na bhajati,||
aññe bhikkhu na bhajanto saddhmmaɱ na suṇāti,||
saddhammaɱ asuṇanti,||
saddhammā parihāyati.|| ||

Ayaɱ bhikkhave pañcamo ādīnavo puggalappasāde.|| ||

Ime kho bhikkhave pañca ādīnavā puggalappasāde' ti.|| ||

Duccaritavaggo pañcamo|| ||


Contact:
E-mail
Copyright Statement   Webmaster's Page