Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
V. Dhammika Vagga

Sutta 47

Paṭhama Sandiṭṭhika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than][olds]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Atha kho Moliyasīvako paribbājako yena Bhagavā ten'upasaŋkami.|| ||

Upasaŋkamitvā Bhagavatā saddhiɱ sammodi.|| ||

Sammodanīyaɱ kathaɱ sārāṇīyaɱ vitīsāretvā eka-m-antaɱ nisidi.|| ||

Eka-m-antaɱ nisinno kho Moliyasīvako paribbājako Bhagavantaɱ etad avoca:|| ||

"Sandiṭṭhiko dhammo,||
sandiṭṭhiko dhammo,||
ti bhante vuccati.|| ||

Kittāvatā nu kho bhante sandiṭṭhiko dhammo hoti,||
akāliko ehipassiko opanayiko paccattaɱ veditabbo viñuhi" ti?|| ||

[357] 2. "Tena hi Sivaka tañ ñ'ev'ettha paṭipucchissāmi.|| ||

Yathā te khameyya,||
tathā naɱ vyākareyyāsi.|| ||

Taɱ kiɱ maññasi Sīvaka,||
santaɱ vā ajjhattaɱ lobhaɱ:||
'Atthi me ajjhattaɱ lobho' ti pajānāsi,||
asantaɱ vā ajjhattaɱ lobhaɱ||
"N'atthi me ajjhattaɱ lobho' ti pajānāsī" ti?|| ||

"Evaɱ bhante."|| ||

"Yaɱ kho tvaɱ Sīvaka santaɱ vā ajjhattaɱ lobhaɱ||
'Atthi me ajjhattaɱ lobho' ti pajānāsi,||
asantaɱ vā ajjhattaɱ lobhaɱ||
'N'atthi me ajjhattaɱ lobho' ti pajānāsi:|| ||

Evaɱ kho Sīvaka sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Taɱ kiɱ maññasi Sīvaka,||
santaɱ vā ajjhattaɱ dosaɱ:||
'Atthi me ajjhattaɱ doso' ti pajānāsi,||
asantaɱ vā ajjhattaɱ dosaɱ||
"N'atthi me ajjhattaɱ doso' ti pajānāsī" ti?|| ||

"Evaɱ bhante."|| ||

"Yaɱ kho tvaɱ Sīvaka santaɱ vā ajjhattaɱ dosaɱ||
'Atthi me ajjhattaɱ doso' ti pajānāsi,||
asantaɱ vā ajjhattaɱ dosaɱ||
'N'atthi me ajjhattaɱ doso' ti pajānāsi:|| ||

Evaɱ kho Sīvaka sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Taɱ kiɱ maññasi Sīvaka,||
santaɱ vā ajjhattaɱ mohaɱ:||
'Atthi me ajjhattaɱ moho' ti pajānāsi,||
asantaɱ vā ajjhattaɱ mohaɱ||
"N'atthi me ajjhattaɱ moho' ti pajānāsī" ti?|| ||

"Evaɱ bhante."|| ||

"Yaɱ kho tvaɱ Sīvaka santaɱ vā ajjhattaɱ mohaɱ||
'Atthi me ajjhattaɱ moho' ti pajānāsi,||
asantaɱ vā ajjhattaɱ mohaɱ||
'N'atthi me ajjhattaɱ moho' ti pajānāsi:|| ||

Evaɱ kho Sīvaka sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

 


 

Taɱ kiɱ maññasi Sīvaka,||
santaɱ vā ajjhattaɱ lobha-dhammaɱ:||
'Atthi me ajjhattaɱ lobha-dhammo' ti pajānāsi,||
asantaɱ vā ajjhattaɱ lobha-dhammaɱ||
"N'atthi me ajjhattaɱ lobha-dhammo' ti pajānāsī" ti?|| ||

"Evaɱ bhante."|| ||

"Yaɱ kho tvaɱ Sīvaka santaɱ vā ajjhattaɱ lobha-dhammaɱ||
'Atthi me ajjhattaɱ lobha-dhammo' ti pajānāsi,||
asantaɱ vā ajjhattaɱ lobha-dhammaɱ||
'N'atthi me ajjhattaɱ lobha-dhammo' ti pajānāsi:|| ||

Evaɱ kho Sīvaka sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Taɱ kiɱ maññasi Sīvaka,||
santaɱ vā ajjhattaɱ dosa-dhammaɱ:||
'Atthi me ajjhattaɱ dosa-dhammo' ti pajānāsi,||
asantaɱ vā ajjhattaɱ dosa-dhammaɱ||
"N'atthi me ajjhattaɱ dosa-dhammo' ti pajānāsī" ti?|| ||

"Evaɱ bhante."|| ||

"Yaɱ kho tvaɱ Sīvaka santaɱ vā ajjhattaɱ dosa-dhammaɱ||
'Atthi me ajjhattaɱ dosa-dhammo' ti pajānāsi,||
asantaɱ vā ajjhattaɱ dosa-dhammaɱ||
'N'atthi me ajjhattaɱ dosa-dhammo' ti pajānāsi:|| ||

Evaɱ kho Sīvaka sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Taɱ kiɱ maññasi Sīvaka,||
santaɱ vā ajjhattaɱ moha-dhammaɱ:||
'Atthi me ajjhattaɱ moha-dhammo' ti pajānāsi,||
asantaɱ vā ajjhattaɱ moha-dhammaɱ||
"N'atthi me ajjhattaɱ moha-dhammo' ti pajānāsī" ti?|| ||

"Evaɱ bhante."|| ||

"Yaɱ kho tvaɱ Sīvaka santaɱ vā ajjhattaɱ moha-dhammaɱ||
'Atthi me ajjhattaɱ moha-dhammo' ti pajānāsi,||
asantaɱ vā ajjhattaɱ moha-dhammaɱ||
'N'atthi me ajjhattaɱ moha-dhammo' ti pajānāsi:|| ||

Evaɱ kho Sīvaka sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Abhikkantaɱ bho Gotama abhikkantaɱ bho Gotama,||
seyyathā pi bho Gotama nikkujjitaɱ vā ukkajjeyya,||
paṭicchannaɱ vā vivareyya,||
mūḷhassa vā maggaɱ ācikkheyya,||
andhakāre vā telapajjotaɱ dhāreyya,||
"cakkhumanto rūpāni dakkhinti, ti,||
evam'eva'hotā Gotamena aneka-pariyāyena dhammo pakāsito.|| ||

Esāhaɱ bhavantaɱ Gotamaɱsaraṇaɱ gacchāmi dhammañ ca bhikkhu saŋghañ ca.|| ||

Upāsakaɱ maɱ bhante Bhagavā dhāretu ajjatagge pāṇupetaɱ saraṇaɱ gatan ti.|| ||

 


Contact:
E-mail
Copyright Statement   Webmaster's Page