Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
V. Dhammika Vagga

Sutta 48

Dutiya Sandiṭṭhika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][olds]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Atha kho Moliyasīvako paribbājako yena Bhagavā ten'upasaŋkami.|| ||

Upasaŋkamitvā Bhagavatā saddhiɱ sammodi.|| ||

Sammodanīyaɱ kathaɱ sārāṇīyaɱ vitīsāretvā eka-m-antaɱ nisidi.|| ||

Eka-m-antaɱ nisinno kho Moliyasīvako paribbājako Bhagavantaɱ etad avoca:|| ||

"Sandiṭṭhiko dhammo,||
sandiṭṭhiko dhammo,||
ti bho Gotama vuccati.|| ||

Kittāvatā nu kho bho Gotama [358] sandiṭṭhiko dhammo hoti,||
akāliko ehipassiko opanayiko paccattaɱ veditabbo viñuhi" ti?|| ||

2. "Tena hi brāhmaṇa tañ ñ'ev'ettha paṭipucchissāmi.|| ||

Yathā te khameyya,||
tathā naɱ vyākareyyāsi.|| ||

Taɱ kiɱ maññasi brāhmaṇa,||
santaɱ vā ajjhattaɱ rāgaɱ:||
'Atthi me ajjhattaɱ rāgao' ti pajānāsi,||
asantaɱ vā ajjhattaɱ rāgaɱ||
"N'atthi me ajjhattaɱ rāgao' ti pajānāsī" ti?|| ||

"Evaɱ bho Gotama."|| ||

"Yaɱ kho tvaɱ brāhmaṇa santaɱ vā ajjhattaɱ rāgaɱ||
'Atthi me ajjhattaɱ rāgao' ti pajānāsi,||
asantaɱ vā ajjhattaɱ rāgaɱ||
'N'atthi me ajjhattaɱ rāgao' ti pajānāsi:|| ||

Evaɱ kho brāhmaṇa sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Taɱ kiɱ maññasi brāhmaṇa,||
santaɱ vā ajjhattaɱ dosaɱ:||
'Atthi me ajjhattaɱ doso' ti pajānāsi,||
asantaɱ vā ajjhattaɱ dosaɱ||
"N'atthi me ajjhattaɱ doso' ti pajānāsī" ti?|| ||

"Evaɱ bho Gotama."|| ||

"Yaɱ kho tvaɱ brāhmaṇa santaɱ vā ajjhattaɱ dosaɱ||
'Atthi me ajjhattaɱ doso' ti pajānāsi,||
asantaɱ vā ajjhattaɱ dosaɱ||
'N'atthi me ajjhattaɱ doso' ti pajānāsi:|| ||

Evaɱ kho brāhmaṇa sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Taɱ kiɱ maññasi brāhmaṇa,||
santaɱ vā ajjhattaɱ mohaɱ:||
'Atthi me ajjhattaɱ moho' ti pajānāsi,||
asantaɱ vā ajjhattaɱ mohaɱ||
"N'atthi me ajjhattaɱ moho' ti pajānāsī" ti?|| ||

"Evaɱ bho Gotama."|| ||

"Yaɱ kho tvaɱ brāhmaṇa santaɱ vā ajjhattaɱ mohaɱ||
'Atthi me ajjhattaɱ moho' ti pajānāsi,||
asantaɱ vā ajjhattaɱ mohaɱ||
'N'atthi me ajjhattaɱ moho' ti pajānāsi:|| ||

Evaɱ kho brāhmaṇa sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

 


 

Taɱ kiɱ maññasi brāhmaṇa,||
santaɱ vā ajjhattaɱ kāya-sandosaɱ:||
'Atthi me ajjhattaɱ kāya-sandoso' ti pajānāsi,||
asantaɱ vā ajjhattaɱ kāya-sandosaɱ||
"N'atthi me ajjhattaɱ kāya-sandoso' ti pajānāsī" ti?|| ||

"Evaɱ bho Gotama."|| ||

"Yaɱ kho tvaɱ brāhmaṇa santaɱ vā ajjhattaɱ lobha-dhammaɱ||
'Atthi me ajjhattaɱ kāya-sandoso' ti pajānāsi,||
asantaɱ vā ajjhattaɱ kāya-sandosaɱ||
'N'atthi me ajjhattaɱ kāya-sandoso' ti pajānāsi:|| ||

Evaɱ kho brāhmaṇa sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Taɱ kiɱ maññasi brāhmaṇa,||
santaɱ vā ajjhattaɱ vacī-sandosaɱ:||
'Atthi me ajjhattaɱ vacī-sandoso' ti pajānāsi,||
asantaɱ vā ajjhattaɱ vacī-sandosaɱ||
"N'atthi me ajjhattaɱ vacī-sandoso' ti pajānāsī" ti?|| ||

"Evaɱ bho Gotama."|| ||

"Yaɱ kho tvaɱ brāhmaṇa santaɱ vā ajjhattaɱ lobha-dhammaɱ||
'Atthi me ajjhattaɱ vacī-sandoso' ti pajānāsi,||
asantaɱ vā ajjhattaɱ vacī-sandosaɱ||
'N'atthi me ajjhattaɱ vacī-sandoso' ti pajānāsi:|| ||

Evaɱ kho brāhmaṇa sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Taɱ kiɱ maññasi brāhmaṇa,||
santaɱ vā ajjhattaɱ mano-sandosaɱ:||
'Atthi me ajjhattaɱ mano-sandoso' ti pajānāsi,||
asantaɱ vā ajjhattaɱ mano-sandosaɱ||
"N'atthi me ajjhattaɱ mano-sandoso' ti pajānāsī" ti?|| ||

"Evaɱ bho Gotama."|| ||

"Yaɱ kho tvaɱ brāhmaṇa santaɱ vā ajjhattaɱ lobha-dhammaɱ||
'Atthi me ajjhattaɱ mano-sandoso' ti pajānāsi,||
asantaɱ vā ajjhattaɱ mano-sandosaɱ||
'N'atthi me ajjhattaɱ mano-sandoso' ti pajānāsi:|| ||

Evaɱ kho brāhmaṇa sandiṭṭhiko dhammo hoti,||
akāliko ehipassiko opanayiko paccattaɱ veditabbo viññūhī ti.|| ||

Abhikkantaɱ bho Gotama abhikkantaɱ bho Gotama,||
seyyathā pi bho Gotama nikkujjitaɱ vā ukkajjeyya,||
paṭicchannaɱ vā vivareyya,||
mūḷhassa vā maggaɱ ācikkheyya,||
andhakāre vā telapajjotaɱ dhāreyya,||
"cakkhumanto rūpāni dakkhinti, ti,||
evam'eva'hotā Gotamena aneka-pariyāyena dhammo pakāsito.|| ||

Esāhaɱ bhavantaɱ Gotamaɱsaraṇaɱ gacchāmi dhammañ ca bhikkhu saŋghañ ca.|| ||

Upāsakaɱ maɱ bho Gotama Bhagavā dhāretu ajjatagge pāṇupetaɱ saraṇaɱ gatan ti.|| ||

 


Contact:
E-mail
Copyright Statement   Webmaster's Page