Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
VI. Mahā Vagga

Sutta 59

Dārukammika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Nādike viharati Giñjakāvasathe.|| ||

Atha kho dārukammiko gahapati yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisidi.|| ||

Eka-m-antaɱ nisinnaɱ kho dārukammikaɱ gahapati Bhagavā etad avoca:|| ||

2. "Api nu te gahapati kule dānaɱ diyatī" ti?|| ||

"Diyati me bhante kule dānaɱ.|| ||

Taɱ ca kho,||
ye te bhikkhū āraññakā,||
piṇḍapātikā,||
paɱsukulikā,||
arahanto vā||
arahatta-maggaɱ vā samāpannā,||
tathārūpesu me bhante bhikkhūsu dānaɱ diyatī" ti.|| ||

3. Dujjānaɱ kho etaɱ gahapati tayā gihinā kāmabhoginā puttasambodhasayanā ajajhāvasantena Kāsikacandanaɱ paccanuhontena mālāgandhavilepanaɱ dhārayantena jātarūparajataɱ sādiyantena:|| ||

"Ime vā arahanto,||
ime vā arahanta-maggaɱ samāpannā"|| ||

Araññako ce pi gahapati bhikkhu hoti||
uddhato,||
unnalo,||
capalo,||
mukharo,||
vikiṇṇavāco,||
muṭṭhassati,||
asampajāno,||
asamāhīto,||
vibbhantacitto,||
pākatinadriyo,||
evaɱ so tenaŋgena gārayho.|| ||

Āraññako ce pi gahapati bhikkhu hoti||
anuddhato,||
anunnalo,||
acapalo,||
amukharo,||
avikiṇṇavāco,||
upaṭṭhitasati,||
sampajāno,||
samāhito,||
ekaggacitto,||
saɱvutindriyo,||
evaɱ so tenaŋgena pāsaɱso.|| ||

Gāmantavihārī ce pi gahapati bhikkhu hoti||
uddhato,||
unnalo,||
capalo,||
mukharo,||
vikiṇṇavāco,||
muṭṭhassati,||
asampajāno,||
asamāhīto,||
vibbhantacitto,||
pākatinadriyo,||
evaɱ so tenaŋgena gārayho.|| ||

Gāmantavihārīko ce pi gahapati bhikkhu hoti||
anuddhato,||
anunnalo,||
acapalo,||
amukharo,||
avikiṇṇavāco,||
upaṭṭhitasati,||
sampajāno,||
samāhito,||
ekaggacitto,||
saɱvutindriyo,||
evaɱ so tenaŋgena pāsaɱso.|| ||

Piṇḍapātiko ce pi gahapati bhikkhu hoti||
uddhato,||
unnalo,||
capalo,||
mukharo,||
vikiṇṇavāco,||
muṭṭhassati,||
asampajāno,||
asamāhīto,||
vibbhantacitto,||
pākatinadriyo,||
evaɱ so tenaŋgena gārayho.|| ||

Piṇḍapātiko ce pi gahapati bhikkhu hoti||
anuddhato,||
[392] anunnalo,||
acapalo,||
amukharo,||
avikiṇṇavāco,||
upaṭṭhitasati,||
sampajāno,||
samāhito,||
ekaggacitto,||
saɱvutindriyo,||
evaɱ so tenaŋgena pāsaɱso.|| ||

Nemantaniko ce pi gahapati bhikkhu hoti||
uddhato,||
unnalo,||
capalo,||
mukharo,||
vikiṇṇavāco,||
muṭṭhassati,||
asampajāno,||
asamāhīto,||
vibbhantacitto,||
pākatinadriyo,||
evaɱ so tenaŋgena gārayho.|| ||

Nemantaniko ce pi gahapati bhikkhu hoti||
anuddhato,||
anunnalo,||
acapalo,||
amukharo,||
avikiṇṇavāco,||
upaṭṭhitasati,||
sampajāno,||
samāhito,||
ekaggacitto,||
saɱvutindriyo,||
evaɱ so tenaŋgena pāsaɱso.|| ||

Paɱsūkūliko ce pi gahapati bhikkhu hoti||
uddhato,||
unnalo,||
capalo,||
mukharo,||
vikiṇṇavāco,||
muṭṭhassati,||
asampajāno,||
asamāhīto,||
vibbhantacitto,||
pākatinadriyo,||
evaɱ so tenaŋgena gārayho.|| ||

Paɱsukuliko ce pi ce pi gahapati bhikkhu hoti||
anuddhato,||
anunnalo,||
acapalo,||
amukharo,||
avikiṇṇavāco,||
upaṭṭhitasati,||
sampajāno,||
samāhito,||
ekaggacitto,||
saɱvutindriyo,||
evaɱ so tenaŋgena pāsaɱso.|| ||

Gahapati cīvaradharo ce pi gahapati bhikkhu hoti||
uddhato,||
unnalo,||
capalo,||
mukharo,||
vikiṇṇavāco,||
muṭṭhassati,||
asampajāno,||
asamāhīto,||
vibbhantacitto,||
pākatinadriyo,||
evaɱ so tenaŋgena gārayho.|| ||

Gahapati cīvaradharo ce pi gahapati bhikkhu hoti||
anuddhato,||
anunnalo,||
acapalo,||
amukharo,||
avikiṇṇavāco,||
upaṭṭhitasati,||
sampajāno,||
samāhito,||
ekaggacitto,||
saɱvutindriyo,||
evaɱ so tenaŋgena pāsaɱso.|| ||

Iŋgha tvaɱ gahapati saŋghe dānaɱ dehi.|| ||

Saŋghe te dānaɱ dadato cittaɱ pasīdissati||
so tvaɱ pasannacitto kāyassa bhedā param maraṇā sugatiɱ saggaɱ lokaɱ upapajjissasī" ti.|| ||

"Esāhaɱ bhante ajja-t-agge saŋghe dānaɱ dassāmi" ti.

 


Contact:
E-mail
Copyright Statement   Webmaster's Page