Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
VI. Mahā Vagga

Sutta 61

Majjhe Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][olds] EVAṂ ME SUTAṂ

Ekaɱ samayaɱ Bhagavā Bārāṇasiyaɱ viharati Isipatane Migadāye.|| ||

Tena kho pana samayena sambahulānaɱ therānaɱ bhikkhunaɱ pacchāhattaɱ piṇḍapāta-paṭikkantānaɱ maṇaḍalamāle sannisinnānaɱ sannipatitānaɱ ayam antarā-kathā udapādi:||
"Vuttam idaɱ āvuso Bhagavatā pārāyane Metteyyapañhe:|| ||

"Yo ubh'ante viditvāna majjhe mantā na limpati,||
taɱ brūmi mahā puriso ti, so'dha sibbanim accagā" ti|| ||

Katamo nu kho āvuso eko anto||
katamo dutiyo anto,||
kiɱ majjhe,
kā sibbanī ti?|| ||

 

[2][pts][bd] Evaɱ vutte aññataro bhikkhu there bhikkhū etad avoca:|| ||

"Phasso kho āvuso eko anto,||
phassasamudayo dutiyo [400] anto,||
phassanirodho majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinibbattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe va dhamme dukkhassa antakaro hotī, ti.|| ||

 

[3][pts][bd] Evaɱ vutte aññataro bhikkhu there bhikkhū etad avoca:||
"atītaɱ kho āvuso eko anto,||
anāgataɱ dutiyo anto,||
paccuppannaɱ majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinibbattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe va dhamme dukkhassa antakaro hotī, ti.|| ||

 

[4][pts][bd] Evaɱ vutte aññataro bhikkhu there bhikkhū etad avoca:|| ||

"sukhā kho āvuso vedanā eko anto,||
dukkhā vedanā dutiyo anto,||
adukkhamasukhā vedanā majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinibbattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe va dhamme dukkhassa antakaro hotī, ti.|| ||

 

[5][pts][bd] Evaɱ vutte aññataro bhikkhu there bhikkhū etad avoca:|| ||

"nāmaɱ kho āvuso eko anto,||
rūpaɱ dutiyo anto,||
viññāṇaɱ majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinibbattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe va dhamme dukkhassa antakaro hotī, ti.|| ||

 

[6][pts][bd] Evaɱ vutte aññataro bhikkha) there bikku etavoca:|| ||

"Cha kho āvuso ajjhattikāni āyatanāni eko anto,||
bāhirāni āyatanāni dutiyo anto,||
viññāṇaɱ majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinibbattiyā.|| ||

Ettāvatā kho avuso bhikkhu abhiñ- [401] ñeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe va dhamme dukkhassa antakaro hotī, ti.|| ||

 

[7][pts][bd] Evaɱ vutte aññataro bhikkhu there bhikkhū etad avoca:|| ||

"sakkāyo kho āvuso eko anto,||
sakkāyasamudayo dutiyo anto,||
sakkāyanirodho majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinibbattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe va dhamme dukkhassa antakaro hotī, ti.|| ||

 

[8][pts][bd] Evaɱ vutte aññataro bhikkhu there bhikkhū etad avoca:|| ||

"Vyākataɱ kho āvuso amhesi sabbeh'eva yathāsakaɱ paṭihānaɱ.|| ||

Āyāmāvuso yena Bhagavā ten'upasaŋkamissāma,||
upasaŋkamitvā Bhagavato etam atthaɱ ārovessāma.|| ||

Yathā no Bhagavā vyākarissati,||
tathā naɱ dhāressāmā" ti.|| ||

'Evam āvuso' ti kho therā bhikkhū tassa bhikkhuno paccassosuɱ.|| ||

Atha kho therā bhikkhū yena Bhagavā ten'upasaŋkamiɱsu, upasaŋkamitvā Bhagavantaɱ abhivādetvā eka-m-antaɱ nisidiɱsu.|| ||

Eka-m-antaɱ nisinnā kho therā bhikkhu yāvatako ahosi sabbeh'eva saddhiɱ kathāsallāpo, taɱ sabbaɱ Bhagavato ārocesuɱ:||
'Kassa nu kho bhante subhāsitan' ti?|| ||

'Sabbesaɱ vo bhikkhave subhāsitaɱ pariyāyena,||
api ca yaɱ mayā sandhāya bhāsitaɱ pārāyane Mettayyapañhe:|| ||

"Yo ubh'ante viditvāna majjhe mantā na lippati,||
taɱ brūmi mahā puriso ti, so'dha sibbanim accagā" ti|| ||

taɱ suṇātha sādhukaɱ manasikarotha, bhāsissāmi' ti.|| ||

'Evaɱ bhante' ti kho therā bhikkhū Bhagavato paccassosuɱ.||
Bhagavā etada voca:|| ||

Phasso kho bhikkhave eko [402] anto,||
phassasamudayo dutiyo anto.||
Phassanirodho majjhe.||
Taṇhā sibbanī.|| ||

Taṇhā hī naɱ sibbati tassa tass'eva bhavassa abhinibbattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe va dhamme dukkhassa antakaro hotī, ti.|| ||

 


Contact:
E-mail
Copyright Statement   Webmaster's Page