Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
VI. Mahā Vagga

Sutta 63

Mahāvagga

Nibbedhika suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][ati][bd][1] Nibbedhikapariyāyaɱ vo bhikkhave dhamma-pariyāyaɱ desissāmi,||
taɱ suṇātha, sādhukaɱ manasikarotha,||
bhāsissāmī ti.|| ||

'Evaɱ bhante' ti kho te bhikkhū Bhagavato paccassosuɱ.|| ||

Bhagavā etad avoca:|| ||

[2][pts][ati][bd]Katamo ca so bhikkhave nibbedhikapariyāyo dhamma-pariyāyo?|| ||

Kāmā bhikkhave veditabbā,||
kāmānaɱ nidānasambhavo veditabbo,||
kāmānaɱ vemattatā veditabbā,||
kāmānaɱ vipāko veditabbo,||
kāmanirodho veditabbo,||
kāmanirodhagāminīpaṭipadā veditabbā.|| ||

Vedanā bhikkhave veditabbā,||
vedanānaɱ nidānasambhavo veditabbo,||
vedanānaɱ vemattatā veditabbā,||
vedanānaɱ vipāko veditabbo,||
vedanānirodho veditabbo,||
vedanānirodhagāminīpaṭipadā veditabbā.|| ||

Saññā bhikkhave veditabbā,||
saññānaɱ nidānasambhavo veditabbo,||
saññānaɱ vemattatā veditabbā,||
saññānaɱ vipāko veditabbo,||
saññānirodho veditabbo,||
saññānirodhagāminīpaṭipadā veditabbā.|| ||

Āsavā bhikkhave veditabbā,||
āsavānaɱ nidānasambhavo veditabbo,||
āsavānaɱ vemattatā veditabbā,||
āsavānaɱ vipāko veditabbo,||
āsavanirodho veditabbo,||
āsavanirodhagāminīpaṭipadā veditabbā.|| ||

Kammaɱ bhikkhave veditabbā,||
kammānaɱ nidānasambhavo veditabbo,||
kammānaɱ vemattatā veditabbā,||
kammānaɱ vipāko veditabbo,||
kammanirodho veditabbo,||
kammanirodhagāminīpaṭipadā veditabbā.|| ||

Dukkhaɱ bhikkhave veditabbā,||
dukkhassa nidānasambhavo veditabbo,||
dukkhassa vemattatā veditabbā,||
dukkhassa vipāko veditabbo,||
dukkhanirodho veditabbo,||
dukkhanirodhagāminīpaṭipadā veditabbā.|| ||

 

§

 

[3][pts][ati][bd]"Kāmā bhikkhave veditabbā,||
kāmānaɱ nidānasambhavo veditabbo,||
kāmānaɱ vemattatā veditabbā,||
kāmānaɱ vi- [411] pāko veditabbo,||
kāmanirodho veditabbo,||
kāmanirodhagāminīpaṭipadā veditabbā" ti.||
Iti kho pan'etaɱ vuttaɱ.||
Kiñ c'etaɱ paṭicca vuttaɱ?|| ||

Pañc'ime bhikkhave kāmaguṇā:||
cakkhuviññeyyā rūpā||
iṭṭhā kantā manāpā piyarūpā kāmūpasaɱhitā rajaniyā.||
Sotaviññeyyā saddā||
iṭṭhā kantā manāpā piya saddā kāmupasaɱhitā rajanīyā.||
Ghānaviññeyyā gandhā||
iṭṭhā kantā manāpā piya kandhā kāmūpasaɱhitā rajaniyā.||
Jivhāviññeyyā rasā||
iṭṭhā kantā manāpā piyarasā kāmupasaɱhitā rajaniyā.||
Kāyaviññeyyā phoṭṭhabbā||
iṭṭhā kantā manāpā piyarūpā kāmupasaɱhitā rajaniyā.||
Api ca kho bhikkhave n'ete kāmā,||
kāmaguṇā nām'ete ariyassa vinaye vuccanti.|| ||

Saŋkapparāgo purisassa kāmo.||
N'ete kāmā yāni citrāni loke.||
Saŋkapparāgo purisassa kāmo.||
Tiṭṭhanti citrāni tath'eva loke.||
Ath'ettha dhīrā vinayanti chandan ti.|| ||

[4][pts][ati][bd]Katamo ca bhikkhave kāmānaɱ nidānasambhavo?|| ||

Phasso bhikkhave kāmānaɱ nidānasambhavo.|| ||

Katamā ca bhikkhave kāmānaɱ vemattatā?|| ||

Añño bhikkhave kāmo rūpesu,||
añño kāmo saddesu,||
añño kāmo gandhesu,||
añño kāmo rasesu,||
añño kāmo phoṭṭhabbesu.|| ||

Ayaɱ vuccati bhikkhave kāmānaɱ vemattatā.|| ||

Katamo ca bhikkhave kāmānaɱ vipāko?|| ||

Yaɱ kho bhikkhave kāmayamāno tajjaɱ tajjaɱ attabhāvaɱ abhinibbatteti puññabhāgiyaɱ vā apuññabhāgiyaɱ vā.|| ||

Ayaɱ vuccati bhikkhave kāmānaɱ vipāko.|| ||

Katamo ca bhikkhave kāmanirodho?|| ||

Phassanirodho bhikkhave kāmanirodho.|| ||

Ayam'eva ariyo āṭṭhaŋgiko maggo kāmanirodhagāminīpaṭipadā, seyyath'idaɱ:||
sammādiṭṭhi||
sammāsaŋkappo||
sammāvācā||
sammā- [412] kammanto||
sammā ājivo||
sammāyāmo||
sammāsati||
sammāsamādhi.|| ||

Yato ca kho bhikkhave ariyasāvako evaɱ kāme pajānāti,||
evaɱ kāmānaɱ nidānasambhavaɱ pajānāti,||
evaɱ kāmānaɱ vemattataɱ pajānāti,||
evaɱ kāmānaɱ vipāka pajānāti,||
evaɱ kāmānaɱ nirodhaɱ pājānāti,||
evaɱ kāmānaɱ nirodhagāminipaṭipadaɱ pajānāti,||
so imaɱ nibbedhikaɱ brahmacariyaɱ pajānāti kāmanirodhaɱ.|| ||

"Kāmā bhikkhave veditabbā,||
kāmānaɱ nidānasambhavo veditabbo,||
kāmānaɱ vemattatā veditabbā,||
kāmānaɱ vipāko veditabbo,||
kāmanirodho veditabbo,||
kāmanirodhagāminīpaṭipadā veditabbā ti.||
Iti yan taɱ vuttaɱ.||
Idam etaɱ paṭicca vuttaɱ.|| ||

 

§

 

[5][pts][ati][bd]"Vedanā bhikkhave veditabbā,||
vedanānaɱ nidānasambhavo veditabbo,||
vedanānaɱ vemattatā veditabbā,||
vedanānaɱ vipāko veditabbo,||
vedanānirodho veditabbo,||
vedanānirodhagāminīpaṭipadā veditabbā" ti.||
Iti kho pan'etaɱ vuttaɱ.||
Kiñ c'etaɱ paṭicca vuttaɱ?|| ||

Tisso imā bhikkhave vedanā,||
sukhā vedanā||
dukkhā vedanā||
adukkhamasukhā vedanā.|| ||

[6][pts][ati][bd]Katamo ca bhikkhave vedanānaɱ nidānasambhavo?|| ||

Phasso bhikkhave vedanānaɱ nidānasambhavo.|| ||

Katamā ca bhikkhave vedanānaɱ vemattatā?|| ||

Atthi bhikkhave sāmisā sukhā vedanā,||
atthi nirāmisā sukhā vedanā,||
atthi sāmisā dukkhā vedanā||
atthi nirāmisā dukkhā vedanā,||
atti sāmisā adukkhamasukhā vedanā,||
atthi nirāmisā adukkhamasukhā vedanā.|| ||

Ayaɱ vuccati bhikkhave vedanānaɱ vemattatā.|| ||

Katamo ca bhikkhave vedanānaɱ vipāko?|| ||

Yaɱ bhikkhave vediyamāno tajjaɱ tajjaɱ attabhāvaɱ abhinibbatteti puññabhāgiyaɱ vā apuññabhāgiyaɱ vā.|| ||

Ayaɱ vuccati bhikkhave vedanānaɱ vipāko.|| ||

Katamo ca bhikkhave vedanānirodho?|| ||

Phassanirodho bhikkhave vedanānirodho.|| ||

Ayam'eva ariyo āṭṭhaŋgiko maggo vedanānirodhagāminīpaṭipadā, seyyath'idaɱ:||
sammādiṭṭhi||
sammāsaŋkappo||
sammāvācā||
sammā-kammanto||
sammā ājivo||
sammāyāmo||
sammāsati||
sammāsamādhi.|| ||

Yato ca kho bhikkhave ariyasāvako evaɱ vedanaɱ pajānāti,||
evaɱ vedanānam nidānasambhavaɱ pajānāti,||
evaɱ veda- [413] nānaɱ vemattataɱ pajānātiɱ,||
evaɱ vedanānaɱ vipākaɱ pajānāti,||
evaɱ vedanānaɱ nirodhaɱ1 pājānāti,||
evaɱ vedanānirodhagāminiɱ paṭipadaɱ pajānāti,||
so imaɱ nibbedhikaɱ brahmacariyaɱ pajānāti vedanānirodhaɱ.|| ||

"Vedanā bhikkhave veditabbā,||
vedanānaɱ nidānasambhavo veditabbo,||
vedanānaɱ vemattatā veditabbā,||
vedanānaɱ vipāko veditabbo,||
vedanānirodho veditabbo,||
vedanānirodhagāminīpaṭipadā veditabbā ti.||
Iti yan taɱ vuttaɱ.||
Idam etaɱ paṭicca vuttaɱ.|| ||

 

§

 

[7][pts][ati][bd]"Saññā bhikkhave veditabbā,||
saññānaɱ nidānasambhavo veditabbo,||
saññānaɱ vemattatā veditabbā,||
saññānaɱ vipāko veditabbo,||
saññānirodho veditabbo,||
saññānirodhagāminīpaṭipadā veditabbā" ti.||
Iti kho pan'etaɱ vuttaɱ.||
Kiñ c'etaɱ paṭicca vuttaɱ?|| ||

Cha yimā bhikkhave saññā:||
rūpasaññā||
saddasaññā||
gandhasaññā||
rasasaññā||
phoṭṭhabbasaññā||
dhammāsaññā.|| ||

[8][pts][ati][bd]Katamo ca bhikkhave saññānaɱ nidānasambhavo?|| ||

Phasso bhikkhave saññānaɱ nidānasambhavo.|| ||

Katamā ca bhikkhave saññānaɱ vemattatā?|| ||

Aññā bhikkhave saññā rūpesu,||
aññā saññā saddesu,||
aññā saññā gandhesu,||
aññā saññā rasesu,||
aññā saññā phoṭṭhabbesu,||
aññā saññā dhammesu.|| ||

Ayaɱ vuccati bhikkhave saññānaɱ vemattatā.|| ||

Katamo ca bhikkhave saññānaɱ vipāko?|| ||

Vohāra cepakkāhaɱ bhikkhave saññaɱ vadāmi.||
Yathā yathā naɱ sañjānāti,||
tathā tathā voharati evaɱ saññi ahosinti.|| ||

Ayaɱ vuccati bhikkhave saññānaɱ vipāko.|| ||

Katamo ca bhikkhave saññānirodho?|| ||

Phassanirodho bhikkhave saññānirodho.|| ||

Ayam'eva ariyo āṭṭhaŋgiko maggo saññānirodhagāminīpaṭipadā, seyyath'idaɱ:||
sammādiṭṭhi||
sammāsaŋkappo||
sammāvācā||
sammākammanto||
sammā ājivo||
sammāyāmo||
sammāsati||
sammāsamādhi.|| ||

Yato ca kho bhikkhave ariyasāvako evaɱ saññaɱ pajānāti,||
evaɱ saññānaɱ nidānasambhavaɱ pajānāti,||
evaɱ saññānaɱ [414] vemattataɱ pajānāti,||
evaɱ sañañonaɱ vipākaɱ pajānāti,||
evaɱ saññānīrodhaɱ pajānāti,||
evaɱ saññānirodhagāminiɱ paṭipadaɱ pajānāti,||
so imaɱ nibbodhikaɱ brahmacariyaɱ pajānāti saññānirodhaɱ.|| ||

"Saññā bhikkhave veditabbā,||
saññānaɱ nidānasambhavo veditabbo,||
saññānaɱ vemattatā veditabbā,||
saññānaɱ vipāko veditabbo,||
saññānirodho veditabbo,||
saññānirodhagāminīpaṭipadā veditabbā ti.||
Iti yan taɱ vuttaɱ.||
Idam etaɱ paṭicca vuttaɱ.|| ||

 

§

 

[9][pts][ati][bd]"Āsavā bhikkhave veditabbā,||
āsavānaɱ nidānasambhavo veditabbo,||
āsavānaɱ vemattatā veditabbā,||
āsavānaɱ vipāko veditabbo,||
āsavanirodho veditabbo,||
āsavanirodhagāminīpaṭipadā veditabbā" ti.||
Iti kho pan'etaɱ vuttaɱ.||
Kiñ c'etaɱ paṭicca vuttaɱ?|| ||

Tayo me bhikkhave āsavā:||
kāmāsavo||
bhavāsavo||
avijjāsavo.|| ||

[10][pts][ati][bd]Katamo ca bhikkhave asavānaɱ nidāna sambhavo?|| ||

Avijjā bhikkhave āsavānaɱ nidānasambhavo.|| ||

Katamā ca bhikkhave āsavānaɱ vemattatā?|| ||

Atthi bhikkhave āsavā nirayagāminiyā,||
atthi āsavā tiracchānayonigāminiyā,||
atthi āsavā pettivisayagāminiyā,||
atthi āsavā manussalokagāminiyā,||
atthi āsavā devalokagāminiyā.|| ||

Ayaɱ vuccati bhikkhave āsavānaɱ vemattatā.|| ||

Katamo ca bhikkhave āsavānaɱ vipāko?|| ||

Yaɱ kho bhikkhave avijjāgato tajjaɱ tajjaɱ attabhāvaɱ abhinibbatteti puññabhāgiyaɱ vā apuññabhāgiyaɱ vā.|| ||

Ayaɱ vuccati bhikkhave āsavānaɱ vipāko.|| ||

Katamo ca bhikkhave āsavanirodho?|| ||

Avijjānirodho bhikkhave āsavanirodho.|| ||

Ayam'eva ariyo āṭṭhaŋgiko maggo āsavanirodhagāminīpaṭipadā, seyyath'idaɱ:||
sammādiṭṭhi||
sammāsaŋkappo||
sammāvācā||
sammākammanto||
sammā ājivo||
sammāyāmo||
sammāsati||
sammāsamādhi.|| ||

Yato ca ko bhikkhave ariyasāvako evaɱ āsave pajānāti,||
evaɱ āsavanaɱ nidānasambhavaɱ pajānāti,||
evaɱ asavānaɱ vemattataɱ pajānāti,||
evaɱ evaɱ āsavānaɱ vemattataɱ pajānāti,||
evaɱ āsavānaɱ vipākaɱ pajānāti,||
evaɱ āsavanirodhaɱ pajānāti,||
evaɱ āsavanirodhagāminiɱpaṭipadaɱ pajānāti,||
so imaɱ nibbadhikaɱ brahmacariyaɱ pajānāti āsavanirodhaɱ.|| ||

[415] "Āsavā bhikkhave veditabbā,||
āsavānaɱ nidānasambhavo veditabbo,||
āsavānaɱ vemattatā veditabbā,||
āsavānaɱ vipāko veditabbo,||
āsavanirodho veditabbo,||
āsavanirodhagāminīpaṭipadā veditabbā ti.||
Iti yan taɱ vuttaɱ.||
Idam etaɱ paṭicca vuttaɱ.|| ||

 

§

 

[11][pts][ati][bd]"Kammaɱ bhikkhave veditabbā,||
kammānaɱ nidānasambhavo veditabbo,||
kammānaɱ vemattatā veditabbā,||
kammānaɱ vipāko veditabbo,||
kammanirodho veditabbo,||
kammanirodhagāminīpaṭipadā veditabbā" ti.||
Iti kho pan'etaɱ vuttaɱ.||
Kiñ c'etaɱ paṭicca vuttaɱ?|| ||

Cetanāhaɱ bhikkhave kammaɱ vadāmi,||
cetayitvā kammaɱ karoti kāyena vācāya manasā.|| ||

[12][pts][ati][bd]Katamo ca bhikkhave kammānaɱ nidānasambhavo?|| ||

Phasso bhikkhave kammānaɱ nidānambhavo.|| ||

Katamā ca bhikkhave kammānaɱ vemattatā?|| ||

Atthi bhikkhave kammaɱ nirayavedaniyaɱ,||
atthi kammaɱ tiracchānayonigāminiyā,||
atti kammaɱ pettivisayavedaniyaɱ,||
atthi kammaɱ manussalokavedaniyaɱ,||
atthi kammaɱ devalokavedaniyaɱ.|| ||

Ayaɱ vuccati bhikkhave kammānaɱ vemattatā.|| ||

Katamo ca bhikkhave kammānaɱ vipāko?|| ||

Tividhāhaɱ bhikkhave kammānaɱ vipākaɱ vadāmi:||
diṭṭhevā dhamme,||
upajje vā,||
apare vā pariyāye.|| ||

Ayaɱ vuccati bhikkhave kammānaɱ vipāko.|| ||

Katamo ca bikkhave kammanirodho?|| ||

Phassanirodho bhikkhave kammanirodho.|| ||

Ayam'eva ariyo āṭṭhaŋgiko maggo kammanirodhagāminīpaṭipadā, seyyath'idaɱ:||
sammādiṭṭhi||
sammāsaŋkappo||
sammāvācā||
sammākammanto||
sammā ājivo||
sammāyāmo||
sammāsati||
sammāsamādhi.|| ||

Yato ca kho bhikkhave ariyasāvako evaɱ kammaɱ pajānāti,||
evaɱ kammāna nidānasambhavaɱ pajānāti,||
evaɱ kammānaɱ vemattataɱ pajānāti,||
evaɱ kammānaɱ vipākaɱ pajānāti,||
evaɱ kammanirodhaɱ pajānāti,||
evaɱ kammanirodhagāmini paṭipadaɱ pajānāti,||
so imaɱ nibbodhikaɱ brahmacariyaɱ pajānāti kammanirodhaɱ.|| ||

"Kammaɱ bhikkhave veditabbā,||
kammānaɱ nidānasambhavo veditabbo,||
kammānaɱ vemattatā veditabbā,||
kammānaɱ vipāko veditabbo,||
kammanirodho veditabbo,||
[416] kammanirodhagāminīpaṭipadā veditabbā ti.||
Iti yan taɱ vuttaɱ.||
Idam etaɱ paṭicca vuttaɱ.|| ||

 

§

 

[13][pts][ati][bd]"Dukkhaɱ bhikkhave veditabbā,||
dukkhassa nidānasambhavo veditabbo,||
dukkhassa vemattatā veditabbā,||
dukkhassa vipāko veditabbo,||
dukkhanirodho veditabbo,||
dukkhanirodhagāminīpaṭipadā veditabbā" ti.||
Iti kho pan'etaɱ vuttaɱ.||
Kiñ c'etaɱ paṭicca vuttaɱ?|| ||

Jāti pi dukkhā||
jarā pi dukkhā||
vyādhi pi dukkho||
maraṇam pi dukkhaɱ||
soka paridevadukkhadomanassupayāsā pi dukkhā||
yamp'icchaɱ na labhati tam pi dukkhaɱ,||
saŋkhittena pañcupādānakkhandhā dukkhā.|| ||

[14][pts][ati][bd]Katamo ca bhikkhave dukkhassa nidānasambhavo?|| ||

Taṇhā bhikkhave dukkhassa nidānasambhavo.|| ||

Katamā va bhikkhave dukkhassa vemattatā?|| ||

Atthi bhikkhave dukkhaɱ adhimattaɱ,||
atthi parittaɱ,||
atthi dandhavirāgī||
atti khippavirāgī.|| ||

Ayaɱ vuccati bhikkhave dukkhassa vemattatā.|| ||

Katamo ca bhikkhave dukkhassa vipāko?|| ||

Idha, bhikkhave, ekacco yena dukkhena ahibhūto pariyādinnaCitto socati kilamati paridevati urattā'i kandati sammohaɱ āpajjati,||
yena vā pana dukkhena abhibhūto pariyādinnaCitto bahiddhā pariyeṭṭhiɱ āpajjati||
"Ko ekapadaɱ dvipadaɱ jānāti imassa dukkhassa nirodhāyā" ti.|| ||

Sammohavepakkaɱ vāhaɱ bhikkhave||
dukkhaɱ vadāmi pariyeṭṭhivepakkaɱ vā.|| ||

Ayaɱ vuccati bhikkhave dukkhassa vipāko.|| ||

Katamo ca bhikkhave dukkhanirodho?|| ||

Taṇhānirodho bhikkhave dukkhanirodho.|| ||

Ayam'eva ariyo āṭṭhaŋgiko maggo dukkhanirodhagāminīpaṭipadā, seyyath'idaɱ:||
sammādiṭṭhi||
sammāsaŋkappo||
sammāvācā||
sammākammanto||
sammā ājivo||
sammāyāmo||
sammāsati||
sammāsamādhi.|| ||

Yato ca kho bhikkhave ariyasāvako evaɱ dukkhaɱ pajānāti,||
[417] evaɱ dukkhassa nidāna Sambhavaɱ pajānāti,||
evaɱ dukkhassa vemattataɱ pajānāti,||
evaɱ dukkhassa vipākaɱ pajānāti,||
evaɱ dukkhanirodhaɱ pajānāti,||
evaɱ dukkhanirodhagāminiɱ paṭipadaɱ pajānāti,||
so imaɱ nibbedhikaɱ brahmacariyaɱ pajānāti dukkhanirodhaɱ.|| ||

"Dukkhaɱ bhikkhave veditabbā,||
dukkhassa nidānasambhavo veditabbo,||
dukkhassa vemattatā veditabbā,||
dukkhassa vipāko veditabbo,||
dukkhanirodho veditabbo,||
dukkhanirodhagāminīpaṭipadā veditabbā" ti.||
Iti yan taɱ vuttaɱ,||
Idam etaɱ paṭicca vuttaɱ.|| ||

Ayaɱ so kho bhikkhave nibbadhikapariyāyo dhamramapariyāyo ti.|| ||

 


[1]No nidana in PTS. The previous sutta is located in Kosala, BJT has it as given in Savatthi.

 


Contact:
E-mail
Copyright Statement   Webmaster's Page