Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
VII. Devatā Vagga

Sutta 67

Mitta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "So vata bhikkhave bhikkhū pāpamitto,||
pāpasahāyo,||
pāpasampavaŋko,||
pāpamitte sevamāno bhajamāno,||
payirupāsamāno,||
tesañ ca diṭṭhānugatiɱ āpajjamāno,||
ābhisamācārikaɱ dhammaɱ paripūressatī ti||
n'etaɱ ṭhānaɱ vijjati.|| ||

Ābhisamācārikaɱ dhammaɱ aparipūretvā||
sekhaɱ dhammā paripūressatī ti||
n'etaɱ ṭhānaɱ vijjati.|| ||

Sekhaɱ dhammaɱ aparipūretvā||
sīlāni paripūressatī ti||
n'etaɱ ṭhānaɱ vijjati.|| ||

Sīlāni aparipūretvā||
kāmarāgaɱ vā||
rūparāgaɱ vā||
arūparāgaɱ vā||
pajahissatī ti||
n'etaɱ ṭhānaɱ vijjati.|| ||

 


 

So vata bhikkhave bhikkhū kalyāṇamitto||
kalyāṇasahāyo||
kalyāṇasampavaŋko,||
kalyāṇa mitte sevamano bhajamāno||
payirupāsamāno,||
tesañ ca diṭṭhānugatiɱ āpajjamāno,||
ābhisamācārikaɱ dhammaɱ paripūressatī ti||
ṭhāname taɱ vijjati.|| ||

Ābhisamācārikaɱ dhammaɱ paripūretvā||
sekhaɱ dhammaɱ paripūressatī ti||
ṭhāname taɱ vijjati.|| ||

Sekhaɱ dhammaɱ paripūretvā||
sīlāni paripūressatī ti||
ṭhāname taɱ vijjati.|| ||

Sīlāni paripūretvā||
kāmarāgaɱ vā||
rūparāgaɱ vā||
arūparāgaɱ vā||
pajahi'ssatī ti||
ṭhāname taɱ vijjati" ti.|| ||

 


Contact:
E-mail
Copyright Statement   Webmaster's Page