Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
VIII. Arahatta Vagga

Sutta 76

Arahatta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Cha bhikkhave dhamme appahāya abhabbo arahattaɱ sacchikātuɱ.|| ||

Katame cha?|| ||

Mānaɱ,||
omānaɱ,||
atimānaɱ,||
adhimānaɱ,||
thambhaɱ,||
atīnipātaɱ[1].|| ||

Ime kho bhikkhave cha dhamme appahāya abhabbo arahattaɱ sacchikātuɱ.|| ||

 


 

Cha bhikkhave dhamme pahāya bhabbo arahattaɱ sacchikātuɱ.|| ||

Katame cha?|| ||

Mānaɱ,||
omānaɱ,||
atimānaɱ,||
adhimānaɱ,||
thambhaɱ,||
atinipātaɱ.[2]|| ||

Ime kho bhikkhave cha dhamme pahāya bhabbo arahattaɱ sacchikātunti.|| ||

 


[1] Ph. anipātaɱ; T. ativinipātaɱ; M7. avinipātaɱ.

Ati-nipāta: m., self-underrating, AN III 430.5 [this sutta] (māna + ; = bīnassa hīno'ham asmī ti māno, Mp).
C.P.D.

p.p. explains it all — p.p.

[2] Ph. anipātam; T. M6. M7. avinipātaɱ.

 


Contact:
E-mail
Copyright Statement   Webmaster's Page