Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
VIII. Arahatta Vagga

Sutta 79

Adhigama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Chahi bhikkhave dhammehi samannāgato bhikkhū abhabbo anadhigataɱ vā kusalaɱ dhammaɱ adhigantuɱ, adhigataɱ vā kusalaɱ dhammaɱ phātikatuɱ.|| ||

Katamehi chahi?|| ||

Idha, bhikkhave, bhikkhu||
na āyakusalo hoti,||
na apāyakusalo hoti,||
na upāyakusalo hoti,||
anadhigatānaɱ kusalānaɱ dhammānaɱ adhigamāya na chandaɱ janeti,||
adhigate kusale dhamme na sārakkhati,||
sātaccakiriyāya na sampādeti.|| ||

Imehi kho bhikkhave chahi dhammehi samannāgato bhikkhū abhabbo anadhigataɱ vā kusalaɱ dhammaɱ adhigantuɱ adhigataɱ vā kusalaɱ dhammaɱ phātikatuɱ.|| ||

 


 

Chahi bhikkhave dhammehi samannāgato bhikkhū bhabbo anadhigataɱ vā kusalaɱ dhammaɱ adhigantuɱ, adhigataɱ vā kusalaɱ dhammaɱ phātikatuɱ.|| ||

Katamehi chahi?|| ||

Idha, bhikkhave, bhikkhū||
āyakusalo ca hoti,||
apāyakusalo ca hoti,||
upāyakusalo ca hoti,||
anadhigatānaɱ kusalānaɱ dhammānaɱ adhigamāya chandaɱ janeti,||
adhigate kusale dhamme sārakkhati,||
sātaccakiriyāya sampādeti.|| ||

Imehi kho bhikkhave chahi dhammehi samannāgato bhikkhū bhabbo anadhigataɱ vā kusalaɱ dhammaɱ adhigantuɱ, adhigataɱ vā kusalaɱ dhammaɱ phātikattunti.|| ||

 


Contact:
E-mail
Copyright Statement   Webmaster's Page