Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
IX. Sīti Vagga

Sutta 91

Abhabba Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Cha bhikkhave dhamme abhabbo diṭṭhisampanno puggalo uppādetuɱ.|| ||

Katame cha?|| ||

Sakkāya diṭṭhiɱ,||
vicikicchaɱ,||
sīlabbataparāmāsaɱ,||
apāyagamaniyaɱ rāgaɱ,||
apāyagamaniyaɱ dosaɱ,||
apāyagamaniya mohaɱ.|| ||

Ime kho bhikkhave cha dhamme abhabbo diṭṭhisampanno puggalo uppādetun" ti.|| ||

 


Contact:
E-mail
Copyright Statement   Webmaster's Page