Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Chakkanipata
X. Ānisaɱsa Vagga

Sutta 96

Pātubhāva Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Channaɱ bhikkhave pātubhāvo dullabho lokasmiɱ.|| ||

Katamesaɱ channaɱ?|| ||

Tathāgatassa arahato sammā sambuddhassa pātubhāvo dullabho lokasmiɱ,||
Tathāgatappaveditassa dhamma-vinayassa desetā puggalo dullabho lokasmiɱ,||
ariyāyatane paccājāti dullabhā lokasmiɱ,||
indriyānaɱ avekallatā dullabhā lokasmiɱ,||
ajḷatā anelamūgatā dullabhā lokasmiɱ,||
kusaladhammacchando dullabho lokasmiɱ. Imesaɱ kho bhikkhave channaɱ pātubhāvo dullabho lokasminti." ti.|| ||

 


Contact:
E-mail
Copyright Statement   Webmaster's Page