Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 13

Kulūpagamana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

Sattahi bhikkhave, aŋgehi samannāgataɱ kulaɱ anupaganatvā vā nālaɱ upagantuɱ,||
upagantvā vā nālaɱ upanisīdituɱ.|| ||

Katamehi sattahī?|| ||

Na manāpena paccuṭṭhenti,||
na manāpena abhivādenti,||
na manāpena āsanaɱ denti,||
santamassa pariguhanti,||
bahukam pi thokaɱ denti,||
paṇītam pi ūkhaɱ denti,||
asakkaccaɱ denti no sakkacchaɱ.|| ||

Imehi kho bhikkhave, sattahi aŋgehi samannāgataɱ kulaɱ anupaganatvā vā nālaɱ upagantuɱ,||
upagantvā vā nālaɱ upanisīdituɱ.|| ||

Sattahi bhikkhave aŋgehi samannāgataɱ kulaɱ anupaganatvā vā alaɱ upagantuɱ,||
upagantvā vā alaɱ upanisidituɱ.|| ||

Katamehi sattahī?|| ||

Manāpena paccuṭṭhenti,||
manāpena abhivādenti,||
manāpena āsanaɱ denti,||
sattamassa na pariguhanti,||
bahukam pi bahukaɱ denti,||
paṇītam pi paṇītaɱ denti,||
sakkaccaɱ denti no asakkaccaɱ.|| ||

Imehi kho bikkhave sattahi aŋgehi samannāgataɱ kulaɱ anupaganatvā vā alaɱ upagantuɱ,||
upagantvā vā alaɱ upanisīditunti.|| ||

 


Contact:
E-mail
Copyright Statement   Webmaster's Page