Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 21

Bhikkhu Aparihānīya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][ati] EVAṂ ME SUTAṂ.||
Ekaɱ samayaɱ Bhagavā Rājagahe viharati.|| ||

Gijjhakuṭe pabbate tatra kho Bhagavā bhikkhū āmantesi:||
satta vo bhikkhave aparihāniye dhamme desissāmi.|| ||

Taɱ suṇātha sādhukaɱ manasikarotha bhāsissāmiti.|| ||

Evaɱ bhante' ti kho te bhikkhū Bhagavato paccassosuɱ Bhagavā etad avoca:|| ||

Katame ca bhikkhave satta aparihānīyā dhammā?|| ||

(1) Yāvakīvañca bhikkhave,||
bhikkhū abhiṇhaɱ sannipātā bhavissanti sannipātabavulā,||
vuddiyeva bhikkhave,||
bhikkhūnaɱ pāṭikaŋkhā,||
no parihāni.|| ||

(2) Yāvakīvañ ca bhikkhave,||
bhikkhū samaggā sannipatissantī,||
samaggā vuṭṭhahi'ssanti,||
samaggā saŋghakaraṇīyāni karissanti,||
vuddiyeva bhikkhave,||
bhikkhūnaɱ pāṭikaŋkhā no parihāni.|| ||

(3) Yāvakīvañ ca bhikkhave,||
bhikkhū appaññattaɱ na paññāpessanti,||
paññattaɱ na samucchindissanti,||
yathā paññattesu sikkhāpadesu samādāya vattissanti,||
vuddiyeva bhikkhave,||
bhikkūnaɱ pāṭikaŋkhā no parihānī.|| ||

(4) Yāvakīvañ ca bhikkhave bhikkhū ye te bhikkhū therā rattaññucirapabbajitā saŋghapitaro saŋghaparināyakā,||
te sakkarissanti garukarissanti mānessanti pūjessanati,||
tesañca sotabbaɱ maññissanti,||
vuddhiyeva bhikkhave,||
bhikkhūnaɱ pāṭikaŋkhā no parihāni.|| ||

(5) Yāvakivañ ca bhikkhave,||
bhikkhū uppannāya taṇhāya ponobhavikāya na vasaɱ gacchi'ssanti,||
vuddhiyeva bikkhave bhikkhūnaɱ pāṭikaŋkhā,||
no parihāni.|| ||

(6) Yāvakīvañ ca bhikkhave,||
bhikkhu araññesu senāsanesu sāpekkhā bhavissanti,||
vuddiyeva bhikkhave bhikkhunaɱ pāṭikaŋkhā no parihāni.|| ||

(7) Yāvakīvañ ca bhikkhave,||
bhikkhū paccattaɱ yeva satiɱ upaṭṭhapessanti: kinti anāgatā ca pesalā sabrahmacārī āgaccheyyuɱ,||
āgatā ca pesalā sabrahmacārī phāsuɱ vihareyyunti,||
vuddiyeva bhikkhave,||
bhikkhūnaɱ pāṭikaŋkhā no parihāni.|| ||


Contact:
E-mail
Copyright Statement   Webmaster's Page