Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 25

Pañcama Bhikkhū Aparihānīya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Satta vo bhikkhave,||
aparihānīye dhamme desissāmi.|| ||

Taɱ sunātha||
sādhukaɱ||
manasikarotha||
bhāsissāmi ti.

'Evaɱ bhante' ti kho te bhikkhū Bhagavato paccassosuɱ.|| ||

Bhagavā etad avoca:|| ||

2. Katame ca bhikkhave, satta aparihānīyā dhammā?|| ||

Yāvakīvañ ca bhikkhave, bhikkhū aniccasaññaɱ bhāvessantī,||
vuddhi yeva bikkhave,||
bhikkhūnaɱ pāṭikaŋkhā||
no parihānīti.|| ||

Yāvakīvañ ca bhikkhave, bhikkhū anattasaññaɱ bhāvessanti,||
vuddhi yeva bikkhave,||
bhikkhūnaɱ pāṭikaŋkhā||
no parihānīti.|| ||

Yāvakīvañ ca bhikkhave, bhikkhu asubhasaññaɱ bhāvessanti,||
vuddhi yeva bikkhave,||
bhikkhūnaɱ pāṭikaŋkhā||
no parihānīti.|| ||

Yāvakīvañ ca bhikkhave, bhikkhū ādīnavasaññaɱ bhāvessanti,||
vuddhi yeva bikkhave,||
bhikkhūnaɱ pāṭikaŋkhā||
no parihānīti.|| ||

Yāvakīvañ ca bhikkhave, bhikkhū pahānasaññaɱ bhāvessanti,||
vuddhi yeva bikkhave,||
bhikkhūnaɱ pāṭikaŋkhā||
no parihānīti.|| ||

Yāvakīvañ ca bhikkhave bhikkhu virāgasaññaɱ bhāvessanti,||
vuddhi yeva bikkhave,||
bhikkhūnaɱ pāṭikaŋkhā||
no parihānīti.|| ||

Yāvakīvañ ca bhikkhave, bhikkhū nirodhasaññaɱ bhāvessanti, vuddhi yeva bhikkhave, bhikkhūnaɱ pāṭikaŋkhā no parihānī.|| ||

Yāvakīvañ ca bhikkhave, ime satta aparihānīyā dhammā bhikkhusu ṭhassanti.|| ||

Imesu ca sattasu aparihānīyesu dhammesu bhikkhū sandissanti,||
vuddhi yeva bhikkhave,||
bhikkhūnaɱ pāṭikaŋkhā||
no parihānī ti.

 


Contact:
E-mail
Copyright Statement   Webmaster's Page