Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 26

Sekha Aparihānīya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Satt'ime bhikkhave, dhammā sekhassa bhikkhuno parihānāya saɱvattanti.|| ||

Katame satta?|| ||

2. Kammārāmatā,||
bhassārāmatā,||
niddārāmatā,||
saŋgaṇikārāmatā,||
indriyesu aguttadvāratā,||
bhojane amattaññutā.|| ||

Santi kho pana saŋghe saŋghakaraṇīyāni,||
tatra sekho bhikkhu na iti paṭisañcikkhati|| ||

"Santi kho pana saŋgho therā rattaññū cirapabbajitā bhāravāvino,||
te tena paññāyissantī" ti, attanā voyogaɱ āpajjati.|| ||

Ime kho bhikkhave, satta dhammā sekhassa bhikkhuno parihānāya saɱvattanti.|| ||

3. Satt'ime bhikkhave dhammā sekhassa bhikkhuno aparihānāya saɱvattanti.|| ||

Katame satta?|| ||

Na kammārāmatā,||
na niddārāmatā,||
na bhassārāmatā,||
na saŋganikārāmatā,||
indrayesu guttadvāratā,||
bhojane mattaññutā.|| ||

Santi kho pana saŋghe saŋghakaraṇīyāni,||
tatra sekho bhikkhu iti paṭisañcikkhati:|| ||

"Santi kho pana saŋgho therā rattaññu cirapabbajitā bhāravāhino te tena paññāyissantī" ti, attanā na voyogaɱ āpajjati.|| ||

Ime kho bikkhave, satta dhammā sekhassa bhikkhuno aparihānāya saɱvattatti ti.

 


Contact:
E-mail
Copyright Statement   Webmaster's Page