Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 40

Dutiya Niddasavatthu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] EVAṂ ME SUTAṂ.|| ||

Ekaɱ samayaɱ Bhagavā Kosambiyaɱ viharati Ghositārāme.|| ||

Atha ko āyasmā Ānando pubbaṇhasamayaɱ nivāsetvā pattacīvaraɱ ādāya Kosambiyaɱ piṇḍāya pāvisi.|| ||

Atha kho āyasmato Ānandassa etad ahosi:|| ||

Atippago kho tāva Kosambiyaɱ piṇḍāya carituɱ,||
yan nūnāhaɱ yena aññatittiyānaɱ paribbājakānaɱ ārāmo ten'upasaŋkameyyan' ti.|| ||

Atha kho āyasmā Ānando yena aññatittiyānaɱ paribbājakānaɱ ārāmo ten'upasaŋkami.|| ||

Upasaŋkamitvā tehi aññatittiyehi paribbājakehi saddhiɱ sammodi.

Sammodaniyaɱ kathaɱ sārāṇīyaɱ vītisāretvā eka-m-antaɱ nisidi.|| ||

Tena kho pana samayena tesaɱ aññatitthiyānaɱ paribbājakānaɱ sannisinnānaɱ sannipatitānaɱ ayam antarākathā udapādi:|| ||

'Yo hi koci āvuso, dvādasa vassāni paripuṇṇaɱ parisuddhaɱ brahmacariyaɱ carati,|| ||

"Niddaso bhikkhū," ti|| ||

alaɱ vacanāyā' ti.|| ||

Atha kho āyasmā Ānando tesaɱ aññātittiyānaɱ paribbājakānaɱ bhāsitaɱ n'eva abhinandi, na paṭikkosi.|| ||

Anabhinanditvā appaṭikkositvā uṭṭhāy āsanā pakkāmi|| ||

"Bhagavato santike etassa bhāsitassa atthaɱ ājānissāmi," ti.|| ||

4. Atho kho āyasmā Ānando Kosambiyāɱ piṇḍāya caritvā pacchābhattaɱ piṇḍapātapaṭikkanto yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

'Idhāhaɱ bhante, pubbaṇhasamayaɱ nivāsetvā pattacīvaraɱ ādāya Kosambiyaɱ piṇḍāya pāvisiɱ.|| ||

Tassa mayhaɱ bhante, etad ahosi:|| ||

'Atippago kho tāva Kosambiyaɱ pīṇḍāya carituɱ,||
yan nūnāhaɱ yana aññatittiyānaɱ paribbājakānaɱ ārāmo ten'upasaŋkameyyan' ti.|| ||

Atha khvāhaɱ bhante, yena aññatittiyānaɱ paribbājakānaɱ ārāmo ten'upasaŋkamiɱ.|| ||

Upasaŋkamitvā tehi aññatittiyehi paribbājakehi saddhiɱ sammodiɱ.|| ||

Sammodanīya kathaɱ sārāṇīyaɱ vītisāretvā eka-m-antaɱ nisīdiɱ.|| ||

Tena kho pana bhante, samayena tesaɱ aññatittiyānaɱ paribbājakānaɱ sannisinnānaɱsannipatitānam ayam antarākathā udapādi:|| ||

'Yo hi koci āvuso, dvādasa vassāni paripunṇaɱ parisuddhaɱ brahmacariyaɱ carati,|| ||

"Niddaso bhikkhū" ti|| ||

alaɱ vacanāyā' ti.|| ||

Atha khvāhaɱ bhante, tesaɱ aññatitthiyānaɱ paribbājakānaɱ bhāsitaɱ n'eva abhinandiɱ, na paṭikkosiɱ.|| ||

Anabhinanditvā appaṭikkositvā uṭṭhāy āsanā pakkamiɱ:|| ||

"Bhagavato santike etassa bhāsitassa atthaɱ ājānissāmī," ti.|| ||

Sakkā nu kho bhante, imasmiɱ dhamma-vinaye kevalaɱ vassagaṇanamattena|| ||

"Niddaso bhikkhū" ti|| ||

paññāpetun' ti?|| ||

No kho sakkā imasmiɱ dhamma-vinaye kevalaɱ vassagaṇanamattena niddaso bhikkhū paññāpetuɱ.|| ||

Satta kho imāni Ānanda,||
niddasavatthūni mayā sayaɱ abhiññā sacchikatvā paveditāni.|| ||

Katamāni satta?|| ||

5. Idh'Ānanda, bhikkhu saddho hoti||
hirimā hoti||
ottappī hoti||
bahussuto hoti||
āraddhavīriyo hoti||
satimā hoti||
paññavā hoti.|| ||

Imāni kho Ānanda satta niddasavatthuni mayā sayaɱ abhiññā sacchikatvā paveditāni.|| ||

6. Imehi kho Ānanda sattahi niddasavatthuhi samannāgato bhikkhū dvādasa ce pi vassāni paripuṇṇaɱ pirisuddhaɱ brahmacariyaɱ carati,||
"Niddaso bhikkhū" ti||
alaɱ vacanāyāi.|| ||

Catuvīsatiñ ce pi vassāni paripuṇṇaɱ parisuddhaɱ brahmacariyaɱ carati,||
"Niddaso bhikkhū" ti||
alaɱ vacanāyā.|| ||

Chattiɱsati ce pi vassāni paripuṇṇaɱ parisuddhaɱ brahmacariyaɱ carati,||
"Niddaso bhikkhū" ti||
alaɱ vacanāyā.|| ||

Aṭ vattārisañ ce pi vassāni paripuṇṇaɱ parisuddhaɱ brahmacariyaɱcarati,||
"Niddaso bhikkhū" ti||
alaɱ vacanāyā' ti.|| ||

 


Contact:
E-mail
Copyright Statement   Webmaster's Page