Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 48

Saɱyogavisaɱyoga Dhammapariyāya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][ati][upal] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Saɱyogavisaɱyogaɱ vo bhikkhave,||
dhamma-pariyāyaɱ desissāmi.|| ||

Taɱ sunātha sādhukaɱ manasikarotha bhāsissāmiti.|| ||

Evaɱ bhante' ti kho te bhikkhū Bhagavato paccassosuɱ.|| ||

Bhagavā etad avoca:|| ||

Katamo ca so bhikkhave saɱyogavisaɱyogo dhamma-pariyāyo?|| ||

Itthi bhikkhave ajjhattaɱ itthindriyaɱ manasikaroti itthikuttaɱ itthākappaɱ itthividhaɱ itthicchandaɱ itthi'ssaraɱ itthālaŋkāraɱ sā tattha rajjati, tatrābhiramati.|| ||

Sā tattha rattā tatrābhiratā bahiddhā purisindriyaɱ manasikaroti purisakuttaɱ purisākappaɱ purisavidhaɱ purisacchandaɱ purisassaraɱ purisālaŋkāraɱ.|| ||

Sā tattha rajjati tatrābhiramati.|| ||

Sā tattha rattā tatrābhiratā bahiddhā sa yogaɱ ākaŋkhati.|| ||

Yañ c'assā saɱyogapaccayā uppajjati sukhaɱ menassa, tañ ca ākaŋkhati.|| ||

Itthatte bhikkhave, abhiratā sattā purisesu saɱyogaɱ gatā.|| ||

Evaɱ kho bhikkhave, itthi itthattaɱ nātivattati.|| ||

Puriso bhikkhave, ajjhattaɱ purisindriyaɱ manasikaroti purisakuttaɱ purisākappaɱ purisavidhaɱ purisacchandaɱ purisassaraɱ purisālaŋkāraɱ.|| ||

So tattha rajjati tatrābhiramati.|| ||

So tattha ratto tatrābhirato bahiddhā itthindriyaɱ manasikaroti ittikuttaɱ itthākappaɱ itthividhaɱ itthicchandaɱ itthi'ssaraɱ itthālaŋkāraɱ.|| ||

So tattha rajjati tatrābhiramati.|| ||

So tattha ratto tatrābhirato bahiddhā saɱyogaɱ ākaŋkhati.|| ||

Yañ c'assa saɱyogapaccayā uppajjati sukhaɱ somanassaɱ, tañ ca ākaŋkhati.|| ||

Purisatte bhikkhave, abhiratā sattā itthisu saɱyogaɱ gatā.|| ||

Evaɱ kho bhikkhave, purise purisattaɱ nātivattati.|| ||

Evaɱ kho bhikkhave, saɱyogo hoti.|| ||

Kathañ ca bhikkhave, visaɱyogo hoti?|| ||

Itti bhikkhave, ajhattaɱ itthindriyaɱ na manasikaroti ittikuttaɱ itthākappaɱ itthividhaɱ itthicchandaɱ itthi'ssaraɱ itthālaŋkāraɱ.|| ||

Sā tattha na rajjati.|| ||

Tattha nābhiramati.|| ||

Sā tattha arattā tatra anabhiratā bahiddhā purisindriyaɱ na manasikaroti purisakuttaɱ purisākappaɱ purisavidhaɱ purisacchandaɱ purisassaraɱ purisālaŋkāraɱ.|| ||

Sā tattha na rajjati, tattha nābhiramati.|| ||

Sā tattha arattā tatra anabhiratā bahiddhā saɱyogaɱ nākaŋkhati.|| ||

Yaɱ vassā saɱyogapaccayāuppajjati sukhaɱ somanassaɱ, tañ ca nākaŋkhati.|| ||

Itthatte kho bhikkhave, anabhiratā sattā purisesu visaɱyogaɱ gatā.|| ||

Evaɱ kho bhikkhave, itthi itthattaɱ ativattati.|| ||

Puriso bhikkhave, ajjhattaɱ purisindriyaɱ na manasikaroti purisakuttaɱ purisākappaɱ purisavidhaɱ purisacchandaɱ purisassaraɱ purisālaŋkāraɱ.|| ||

So tattha na rajjati tatrābhiramati.|| ||

So tattha ratto tatrā anabhirato bahiddhā itthindriyaɱ namanasikaroti ittikuttaɱ itthākappaɱ itthividhaɱ itthicchandaɱ itthi'ssaraɱ itthālaŋkāraɱ.|| ||

So tattha na rajjati, tatrābhiramati.|| ||

So tattha aratto tatrābhirato bahiddhā saɱyogaɱ ākaŋkhati.|| ||

Yañ c'assa saɱyogapaccayā uppajjati sukhaɱ somanassaɱ, tañ ca nākaŋkhati.|| ||

Purisatte bhikkhave, anabhiratā sattā itthisu visaɱyogaɱ gatā.|| ||

Evaɱ kho bhikkhave, purise purisattaɱ ativattati.|| ||

Evaɱ kho bhikkhave, visaɱyogo hoti.|| ||

Ayaɱ kho bhikkhave, saɱyoga visaɱyogo dhamma-pariyāyo ti.|| ||

 


Contact:
E-mail
Copyright Statement   Webmaster's Page