Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

N-O-T  Y-E-T   P-R-O-O-F-R-E-A-D

Anguttara Nikāya
Sattaka Nipāta

Sutta 62

Satta-suri-yuggamana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][edmn][bit] EVAṂ ME SUTAṂ.|| ||

Ekaɱ samayaɱ Bhagavā Vesāliyaɱ viharati ambapālivane.|| ||

Tatra kho Bhagavā bhikkhū āmantesi Bhikkhavo ti.|| ||

Bhadanteti te bhikkhu Bhagavato paccassosuɱ.|| ||

Bhagavā etad avoca:|| ||

2. Aniccā bhikkhave, saŋkārā,||
adadhuvā bhikkhave, sankhārā,||
anassāsikā bhikkhave, sankhārā.|| ||

Yāvañ c'idaɱ bhikkhave,||
alam eva sabba sankhāresu nibbindituɱ,||
alaɱ virajjituɱ,||
alaɱ vimuccituɱ.|| ||

Sineru bhikkhave,||
pabbatarājā caturāsīti jenasahassāni āyāmena,||
caturāsītiyo janasahassāni vitthārena,||
caturāsītiyojanasahassāni mahāsamudde ajjhogā'ehā||
caturāsitiyojanasahassāni mahāsamuddā accuggato.|| ||

Hoti kho so bhikkhave,||
samayo yaɱ bahūni vassāni bahūni vassasatāni bahūni vassasahassāni bahūni vassasatasahassāni devo na vassati.|| ||

Deve kho pana bhikkhave,||
avassante ye kecime bhījagāmabhūtagāmā osadhitiṇavanaspatayo te ussussanti visussanti visussanti na bhavanti.|| ||

Evaɱ aniccā bhikkhave,||
sankhārā,||
evaɱ addhuvā bhikkhave, sankhārā,||
evaɱ anassāsikā bhikkhave, sankhārā.|| ||

Yāvañ c'idaɱ bhikkhave,||
alam eva sabba sankhāresu nibbindituɱ,||
alaɱ virajjituɱ,||
alaɱ vimuccituɱ.|| ||

Hoti kho so bhikkhave,||
samayo yaɱ kadāci karahaci dīghassa addhuno accayena dutiyo suriyo pātu-bhavati.|| ||

3. Dutiyassa bhikkhave, suriyassa pātubhāvā yā kāci kunnadiso kussubbhā,||
tā ussussanti,||
visussanti,||
na [101] bhavanti.|| ||

Evaɱ aniccā bhikkhave sankhārā,||
evaɱ addhuvā bhikkhave sankhārā,||
evaɱ anassāsikā bhikkhave saŋkārā.|| ||

Yāvañ c'idaɱ bhikkhave,||
alam eva sabbasankhāresu nibbindituɱ,||
alaɱ virajjituɱ,||
alaɱ vimuccituɱ.|| ||

Hoti kho so bhikkhave samayo yaɱ kadāci karahaci dighassa addhuno accayena tatiyo sūriyo pātu-bhavati.|| ||

4. Tatiyassa bhikkhave sūriyassa pātubhāvā yā kāci mahānadiyo seyyath'idaɱ:||
Gaŋgā||
Yamunā||
Aciravatī||
Sarabhū||
Mahī,||
tā ussussanti visussanti na bhavanti.|| ||

Evaɱ anicchā bhikkhave, saŋkārā,||
evaɱ addhuvā bhikkhave sankhārā,||
evaɱ anassāsikā bhikkhave, sankhārā.|| ||

Yāvañ c'idaɱ bhikkhave,||
alam eva sabbasankhāresu nibbindituɱ,||
alaɱ virajjituɱ,||
alaɱ vimuccituɱ.|| ||

Hoti kho so bhikkhave,||
samayo yaɱ kadāci karahaci dīghassa addhuno accayena catuttho suriyo pātu-bhavati.|| ||

5. Catutthassa bhikkhave, sūriyassa pātubhāvā ye te mahāsarā yato imā mahānadiyo sambhavantī,||
seyyath'idaɱ:||
Anotattaɱ,||
Sīhapapātaɱ,||
Dathakāraɱ,||
Kaṇṇamuṇḍaɱ,||
Kuṇālaɱ,||
Chaddantaɱ||
Mandākinī.|| ||

Tā ussussanti visussanti.|| ||

Na bhavanti.|| ||

Evaɱ anicchā bhikkhave, saŋkārā,||
evaɱ addhuvā bhikkhave sankhārā,||
evaɱ anassāsikā bhikkhave, sankhārā.|| ||

Yāvañ c'idaɱ bhikkhave,||
alam eva sabbasankhāresu nibbindituɱ,||
alaɱ virajjituɱ,||
alaɱ vimuccituɱ.|| ||

Hoti kho so bhikkhave, samayo yaɱ kadāci karahaci dīghassa adadhuno accayena pañcamo sūriyo pātu-bhavati.|| ||

6. Pañcamassa bhikkhave, sūriyassa pātubhāvā yojanasatikāni pī mahāsamudde udakāni ogacchanti,||
dviyojanasatikāni pi mahāsamudde udakāni ogacchanti,||
tiyojana satikāni pi mahāsamudde udakāni ogacchanti,||
catutojana satikāni pi mahāsamudde udakāni ogacchanti,||
paɱcaojana satikāni pi mahā samudde udakāni ogacchanti,||
chaḷojana satikāni pi mahā samudde udakāni ogacchanti,||
sattayojana satikāni pi mahāsamudde udakāni ogacchanti,||
sattatālam pi mahāsamudde udakaɱ saṇṭhāti,||
chatālam pi pañcatālam pi catutālam pi titālam pi dvitālam [102] pi tālamattam pi mahāsamudde udakaɱ saṇṭhāti,||
sattaporisam pi mahāsamudde udakaɱ saṇṭhāti,||
chaporisami pi chaṭṭhaporisam pi mahāsamudde udakaɱ saṇṭhāti,||
chaporisam pi pañcaporisam pi mahāsamudde udakaɱ saṇṭhāti,||
chaporisam pi catuporisam pi mahāsamudde udakaɱ saṇṭhāti,||
chaporisami pi tiporisam pi mahāsamudde udakaɱ saṇṭhāti,||
chaporisam pi dviporisam pi mahāsamudde udakaɱ saṇṭhāti,||
chaporisam pi mahāsamudde udakaɱ saṇṭhāti,||
chaporisam pi aḍḍhaporisamattam pi mahāsamudde udakaɱ saṇṭhāti,||
chaporisam pi kaṭimattam pi mahāsamudde udakaɱ saṇṭhāti,||
chaporisam pi jaṇṇukāmattam pi mahāsamudde udakaɱ saṇṭhāti,||
chaporisami pi gopphakamattam pi mahāsamudda udakaɱ saṇṭhāti.|| ||

Seyyathā pi bhikkhave, saradasamaye thullaphusitake deve vassante tattha tattha gopadesu udakāni ṭhitāni honti,||
evam eva kho, bhikkhave,,||
tattha tattha gopadamattāni mahāsamudde udakāni ṭhitāni hontī.|| ||

Pañcamassa bhikkhave, sūriyassa pātubhāvā agalapabbatemanamattampi mahā samudde udakaɱ na hoti.|| ||

Evaɱ anicchā bhikkhave, saŋkārā,||
evaɱ addhuvā bhikkhave sankhārā,||
evaɱ anassāsikā bhikkhave, sankhārā.|| ||

Yāvañ c'idaɱ bhikkhave,||
alam eva sabbasankhāresu nibbindituɱ,||
alaɱ virajjituɱ,||
alaɱ vimuccituɱ.|| ||

Hoti kho po bhikkhave,||
samayo yaɱ kadāci karahaci dighassa addhuno accayena chaṭṭho sūriyo pātu-bhavati.|| ||

7. Chaṭṭhassa bhikkhave sūriyassa pātubhāvā ayañ ca mahāpaṭhavī sineru ca pabbatarājā dhūpāyanti sandhūpāyanti sampadhūpāyanti.|| ||

Seyyathā pi, bhikkhave,, kumbhakārapāko ālimpito paṭhamaɱ paṭhamaɱ dhūpeti sandhūpeti sampadhūpeti.|| ||

Evam eva kho bhikkhave, chaṭṭhassa sūriyassa pātubhāvā ayañ ca mahāpaṭhavi sineru ca pabbatarājā dhūpāyanti sandhūpāyanti sampadhūpāyanti.|| ||

Evaɱ anicchā bhikkhave, saŋkārā,||
evaɱ addhuvā bhikkhave sankhārā,||
evaɱ anassāsikā bhikkhave, sankhārā.|| ||

Yāvañ c'idaɱ bhikkhave,||
alam eva sabbasankhāresu nibbindituɱ,||
alaɱ virajjituɱ,||
alaɱ vimuccituɱ.|| ||

Hoti kho po bhikkhave,||
samayo yaɱ kadāci karahaci dighassa addhuno accayena chaṭṭho sūriyo pātu-bhavati.|| ||

8. Sattamassa bhikkhave sūriyassa pātubhāvā ayañ ca mahāpaṭhavī sineru ca pabbatarājā ādippanti,||
pajjalanti,||
ekajālā bhavanti.|| ||

Imissā ca bhikkhave, mahāpaṭhaviyā sinerussa ca pabbatarājassa jhāyamānānaɱ ḍayhamānānaɱ aggī vātena khittā yāva brahmalokāpi gacchanti.|| ||

Sinerussa ca bhikkhave,||
pabbatarājassa jhāyamānassa ḍayhamānassa vinassamānassa mahatā tejokhandhena abhibhutassa yojanasatikānipi kūṭāni palujjanti,||
dviyojanasatikāni pi kūṭāni palujjanti,||
tiyojanasatikāni pi kūṭāni palujjanti,||
catuyojanasatikāni pi kūṭāni palujjanti,||
pañcayojanasatikāni pi kuṭāni palujjanti.|| ||

Imissā ca bhikkhave, māpaṭhaviyā sinerussa ca pabbatarājassa jhāyamānānaɱ ḍayhamānānaɱ n'eva chārikā paññāyati na masī seyyatāpi bhikkhave,||
sappissa vā telassa vā jhāyamānassa ḍayhamānassa n'eva chārikā paññāyati na masi,||
evam eva kho, bhikkhave,,||
imissā ca mahā paṭhaviyā sinerussa ca pabbatarājassa jhāyamānānaɱ ḍayhamānānaɱ n'eva chārikā paññāyati na masī.|| ||

Evaɱ anicchā bhikkhave, saŋkārā,||
evaɱ addhuvā bhikkhave sankhārā,||
evaɱ anassāsikā bhikkhave, sankhārā.|| ||

Yāvañ c'idaɱ bhikkhave,||
alam eva sabbasankhāresu nibbindituɱ,||
alaɱ virajjituɱ,||
alaɱ vimuccituɱ.|| ||

Tatra, bhikkhave,, ko mantā,||
ko saddhātā ayañ ca mahāpaṭhavi sineru ca pabbatarājā ḍayha ssanti,||
vinassissanti,||
na bhavissantiti aññatra diṭṭhapadehi.|| ||

9. Bhūtapubbaɱ bhikkhave,||
Sunetto nāma satthā ahosi titthakaro kāmesu vītarāgo.|| ||

Sunettassa kho pana bhik- [104] khave,||
satthuno anekāni sāvakasatāni ahesuɱ.|| ||

Sunetto bhikkhave satthā sāvakānaɱ brahmalokasabhavyatāya dhammaɱ deseti.|| ||

Ye kho pana bhikkhave,||
sunetta ssa satthuno brahmalokasabhavyatāya dhammaɱ desentassa sabbena sabbaɱ sāsanaɱ ājāniɱsa,||
te kāyassa bhedā param maraṇā gatiɱ brahmalokaɱ upapajji su.|| ||

Ye na sabbena sabbaɱ sāsanaɱ ājānīɱsu.|| ||

Te kāyassa bhedā param maraṇā appekacce paranimmitavasavattīnaɱ de vānaɱ sahavyataɱ upapajjiɱsu.|| ||

Appekacce nimmānaratīnaɱ devānaɱ sahavyataɱ upapajjiɱsu.|| ||

Appekacce tusitānaɱ devānaɱ sahavyataɱ upapajjiɱsu.|| ||

Appekacce yāmānaɱ devānaɱ sa vyataɱ upapajjiɱsu.|| ||

Appekacce Tāvatiɱsānaɱ devānaɱ sahavyataɱ upapajjiɱsu appekacce cātummahārājikānaɱ devānaɱ sahavyataɱ uppajjiɱsu.|| ||

Appekacce khattiyamahāsālānaɱ sa havyataɱ upajjiɱsu.|| ||

Appekacce brāhmaṇamahāsālānaɱ sahavyataɱ upapajjiɱsu.|| ||

Appekacce gahapatimahāsālānaɱ sahavyataɱ upapajji su.|| ||

10. Atha kho bhikkhave sunettassa satthuno etad ahosi.|| ||

Na kho pan'etaɱ paṭirūpaɱ yohaɱ sāvakānaɱ samasamagatiyo assaɱ abhisamparāyaɱ yannūnāhaɱ uttariɱ mettaɱ bhāveyyantī.|| ||

Atha kho bhikkhave,||
Sunetto satthā sattavassāni mettaɱ cittaɱ bhāvesi.|| ||

Satta vassāni mettaɱ cittaɱ bhāvetvā satta saɱvaṭṭa-vivaṭṭakappe na yimaɱ lokaɱ punar āgamāsi.|| ||

Saɱvaṭṭamāne sudaɱ [105] bhikkhave,||
loke ābhassarūpago hoti,||
vivaṭṭamāne loke suññaɱ Brahma-vimānaɱ upapajjati.|| ||

Tatra sudaɱ bhikkhave,||
brahma hoti Mahā-Brahmā abhibhū anabhibhūto aññadatthu daso vasavatti.|| ||

Chattiɱsakkhattuɱ kho pana bhikkhave,||
Sakko ahosi devānam indo.|| ||

Anekasatakkhattuɱ rājā ahosi cakkavatti dhammiko dhammarājā cāturanto vijitāvī janapadatthāvariyappatto sattaratanasamannāgato.|| ||

Parosahassaɱ kho panassa puttā ahesuɱ surā vīraŋgarūpā parasenappamaddanā.|| ||

So imaɱ paṭhaviɱ sāgarapariyan taɱ adaṇḍana asatthena dhammena abhivijiya ajjhāvasī.|| ||

So hi nāma bhikkhave,||
Sunetto satthā evaɱ dīghāyuko samāno evaɱ ciraṭṭhitiko aparimutto ahosi jātiyā jarāmaraṇena sokehi paridevehi dukkhehi domanassehi upāyāsehi.|| ||

Aparimutto dukkhasmāti vadāmi.|| ||

Taɱ kissa hetu?|| ||

Catunnaɱ dhammānaɱ ananubodhā appaṭivedhā.|| ||

Katamesaɱ catunnaɱ?|| ||

11. Ariyassa, bhikkhave, sīlassa ananubodhā appaṭivedhā,||
ariyassa samādhi'ssa,||
ariyāya paññāya,||
ariyāya vimuttiyā ananubodhā appaṭivedhā.|| ||

Ta-y-idaɱ, bhikkhave, ariyaɱ sīlaɱ anuBuddhaɱ paṭividdhaɱ paṭividdhaɱ,||
ariyo samādi anubuddho paṭividdho,||
ariyā paññā anubuddhā paṭividdhā,||
1 ariyā vimuttī anubuddhā paṭividdhā,||
ucchinnā bhavataṇhā,||
khīṇā bhavanetti,||
n'atthidāni punabbhavoti.|| ||

[106] Idam avoca Bhagavā,||
idaɱ vatvā sugato athāparaɱ etad avoca satthā:|| ||

 

Sīlaɱ samādhi paññā ca vimutti ca anuttarā,||
Anubuddhā ime dhammā Gotamena yasassinā.|| ||

Iti buddho abhiññāya dhammakkhāsi bhikkhunā,||
Dukkhassantakaro satthā cakkhumā parinibbuto|| ||

 


Contact:
E-mail
Copyright Statement   Webmaster's Page