Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 68

Aggikkhandhopama suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][bd][yaho] Ekaɱ samayaɱ Bhagavā Kosalesu cārikaɱ carati mahatā bhikkhu saŋghena saddiɱ.|| ||

Addasā kho Bhagavā addhānamaggapaṭipanno aññatarasmiɱ padese mahantaɱ aggikkhandhaɱ ādittaɱ sampajjalitaɱ sajotibhūtaɱ.|| ||

Disvāna maggā okkamma aññatarasmiɱ rukkhamūle paññattāsane nisīdi.|| ||

Nisajja kho Bhagavā bhikkhū āmantesi: passatha no tumhe bhikkhave amuɱ mahantaɱ aggikkhandhaɱ ādittaɱ sampajjalitaɱ sajotibhūtantī.|| ||

Evaɱ bhante.|| ||

Taɱ kiɱ maññatha bhikakhave,||
katamaɱ nu kho varaɱ yaɱ amuɱ mahantaɱ aggikkhandhaɱ ādittaɱ sampajjalitaɱ sajotibhūtaɱ āliŋgitvā upanisideyyavā upanipajjeyyavā yaɱ vā khattiyakaññaɱ vā brāhmaṇakaññaɱ vā,||
gahapati kañññaɱ vā mudutaluṇahatthapādiɱ āliŋgitvā upanisīdeyya vā upanipajjeyya vāti.|| ||

Etad eva bhante, caraɱ yaɱ khattiyakaññaɱ vā brāhmaṇakaññaɱ vā gahapatikaññaɱ vā mudutaluṇahatthapādiɱ āliŋgitvā upanisīdeyya vā upanipajjeyya vā.|| ||

Dukkhaɱ h'etaɱ bhante,||
yaɱ amuɱ mahantaɱ aggikkhandhaɱ ādittaɱ sampajjalitaɱ sajotibhūtaɱ āliŋgitvā upanisideyya vā upanipajjeyya vāti.|| ||

Ārocayāmi vo bhikkhave,||
paṭivedayāmi vo bhikkhave,||
yathā etad eva tassa varaɱ dussīlassa pāpaDhammassa asucisaɱkassarasamācārassa paṭicchannakammantassa assamaṇassa samaṇapaṭiññassa abrahmacārissa brāhmacārī paṭiññassa anto pūtissa avassūtassa kasambujātassa yaɱ amuɱ mahantaɱ aggikkhandhaɱ ādittaɱ sampajjalitaɱ sajotibhūtaɱ āliŋgitvā upanisīdeyya vā upanipajjeyya vā.|| ||

Taɱ kissa hetu?|| ||

Tato nidānaɱ hi so bhikkhave maraṇaɱ vā nigaccheyya,||
maraṇamattaɱ vā dukkhaɱ.|| ||

Na tv eva tappaccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjeyya.|| ||

Yañ ca kho so bhikkhave,||
dussilo pāphadhammo asucisaŋkassarasamācāro paṭicchanna kammanto assamaṇo samaṇapaṭiñño abrahmacārī brāhmacārī paṭiññassarī antopūti avassuko kasambujāto khattiya kaññaɱ vā brāhṇakaññaɱ vā gahapatikaññaɱ vā mudutaluṇahatthapādiɱ āliŋgitvā upanisīdati vā upanipajjati vā taɱ hi tassa bhikkhave,||
hoti dīgha-rattaɱ ahitāya dukkhāya.|| ||

Kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Taɱ kiɱ maññatha bhikkhave,||
katamaɱ nu kho varaɱ yaɱ balavā puriso da'ahāya vālarajjūyā ubho jaŋghā veṭhetvā ghaɱseyya,||
sā chaviɱ jindeyya,||
chaviɱ chetvā cammaɱ chindeyya,||
cammaɱ chetvā maɱsaɱ chindeyya,||
maɱsaɱ chetvā nahāruɱ chindeyya,||
nahāruɱ chetvā aṭṭhiɱ chindeyya,||
aṭṭhiɱ chetvā aṭṭhimiñjaɱ āhacca tiṭṭheyya,||
yaɱ vā khattiyamahāsālānaɱ vā brāhmaṇa mahā sālānaɱ vā gahapati mahāsālānaɱ vā abhivādanaɱ sādiyeyyāti.|| ||

Etad eva bhante,||
varaɱ yaɱ khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā abhivādanaɱ sādiyeyya.|| ||

Dukkhaɱ h'etaɱ bhante,||
yaɱ balavā puriso da'ahāya vālarajjuyā,||
uho chaŋghā veṭhetvā ghaɱseyya,||
sā chaviɱ chindeyya,||
chaviɱ chetvā cammaɱ chindeyya,||
cammaɱ chetvā maɱsaɱ chindeyya,||
maɱsaɱ chetvā nahāruɱ chindeyya nahāruɱ chetvā aṭṭhiɱ chindeyya,||
aṭṭhiɱ chetvā aṭṭhimiñjaɱ āhacca tiṭṭheyyāti.|| ||

Ārocayāmi vo bhikakhave,||
paṭivedayāmi vo bhikkhave,||
yathā etad eva tassa varaɱ,||
dussīlassa pāpaDhammassa asūcisaɱkassarasamācārassa paṭicchannakammantassa assamaṇassa samaṇapaṭiññassa abrahmacāris brāhmacārī paṭiññassa antopūtissa avassutassa kasambujātassa yaɱ balavā puriso da'ahāya vālarajjuyā ubhe chaŋghā veṭhetvā ghaɱseyya,||
sā chaviɱ chindeyya,||
chaviɱ chetvā cammaɱ chindeyya,||
cammaɱ chetvā maɱsaɱ chindeyya,||
maɱsaɱ chetvā nahāruɱ chindeyya,||
nahāruɱ chetvā aṭṭhiɱ chindeyya,||
aṭṭhiɱ chetvā aṭṭhimiñjaɱ āhacca tiṭṭheyya.|| ||

Taɱ kissa hetu? tato nidānaɱ hi so bhikkhave,||
maraṇaɱ vā nigaccheyya maraṇamattaɱ vā dukkhaɱ.|| ||

Na tv eva tappaccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapaja*jeyya.|| ||

Yañ ca kho so bhikkhave,||
dussīlo pāpadhammo asūcisaɱkassarasamācāro paṭicchannakammanto assamaṇosamaṇapaṭiñño abrahmacārī brāhmacārī paṭiñño antopūti avassutokasambujāto khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā Abhivādanaɱ sādiyati.|| ||

Taɱ hī tassa bhikkhave,||
hoti dīgha-rattaɱ ahitāya dukkhāya.|| ||

Kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Taɱ kiɱ maññatha bhikkhave,||
katamannu kho varaɱ yaɱ balavā puriso tiṇhāya sattiyā teladhotāya paccorasmiɱ pahareyya,||
yaɱ vā khattiya mahāsālānaɱ vā brāhmaṇamahāsālānaɱ vā gahapatimahāsālānaɱ vā añjalikammaɱ sādiyeyyāti.|| ||

Etad eva bhante varaɱ yaɱ khattiyamahāsālānaɱ va brāhmaṇamahāsālānaɱ vā gahapatimahāsālānaɱ vā añjajalikammaɱ sādiyeyya.|| ||

Dukkhaɱ h'etaɱ bhante,||
yaɱ balavā puriso tiṇhāya sattiyā teladhotāya paccorasmiɱ pahareyyāti.|| ||

Ārocayāmi vo bhikkhave,||
paṭivedayāmi vo bhikkhave,||
yathā etad eva tassa varaɱ dussīlassa pāpaDhammassa asucisaɱkassarasamāvārassa paṭicchannakammantassa assamaṇassa samaṇapaṭiññassa abrahmacārissa brāhmacārī paṭiññassa antopūtissa avassutassa kasambujātassa yaɱ balavā puriso tiṇhāya sattiyā teladhotāya paccorasmiɱ pahareyya.|| ||

Taɱ kissa hetu?||
tatonidānaɱ hi so bhikkhave,||
maraṇaɱ vā nigaccheyya,||
maraṇamattaɱ vā dukkhaɱ.|| ||

Na tv eva tappaccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjeyya.|| ||

Yaɱ ca kho so bhikkhave,||
dussīlo pāpadhammo asucisaɱkassarasamāvaro paṭicchannakammanto assamaṇo samaṇapaṭiñño Abrahmacārī brāhmacārī paṭiñño antopūti avassuto kasambujāto khattiyamahāsālānaɱ vā brāhmaṇamahāsālānaɱ vā gahapati mahāsālanaɱ vā aññalikammaɱ sādiyati,||
taɱ hī tassa bhikkhave,||
hoti dīgha-rattaɱ ahitāya dukkhāya,||
kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Taɱ kiɱ maññatha bhikkhave,||
katamaɱ nū kho varaɱ yaɱ balavā puriso tattena ayopaṭṭena ādittena sampajjalitena sajotibhūtena kāyaɱ sampaliveṭheyya,||
yaɱ vā khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā saddhādeyyaɱ cīvaraɱ paribhūñjeyyāti.|| ||

Etad eva bhante,||
varaɱ yaɱ khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā saddhādeyyaɱ cīvaraɱ paribhūñjayya,||
dukkhaɱ h'etaɱ bhante,||
yaɱ balavā puriso tattena ayopaṭṭena ādittena sampajjalite na sajotibhūtena kāyaɱ sampaliveṭheyyāti.|| ||

Ārocayāmi vo bhikkhave,||
paṭivedayāmi vo bhikkhave,||
yathā etad eva tassavaraɱ dussīlassa pāpaDhammassa asucisaɱkassarasamāvārassa paṭicchannakammantassa assamaṇassa samaṇapaṭiññassa abrahmacārissa brāhmacārī paṭiññassa antopūtissa avassutassa kasambujātassa yaɱ balavā puriso tattena ayopaṭṭena ādittena sampajjalitena sajotibhūtena kāyaɱ sampaliveṭheyya.|| ||

Taɱ kissa hetu? tato nidānaɱ hi so bhikkhave,||
maraṇaɱ vā nigaccheyya maraṇamattaɱ vā dukkhaɱ.|| ||

Na tv eva tappaccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjeyya.|| ||

Yaɱ ca kho so bhikkhave,||
dussīlo pāpadhammo asucisaɱkassarasamāvāro paṭicchannakammanto assamaṇo samaṇapaṭiñño abrahmacārī brāhmacārī paṭiñño antopūtī avassuto kasambujāto yaɱ khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā saddhādeyya cīvaraɱ pabhūriñjati.|| ||

Taɱ hi tassa bhikkhave,||
dīgha-rattaɱ ahitāya hoti dukkhāya.|| ||

Kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Taɱ kiɱ maññatha bhikkhave,||
katamannu kho varaɱ:yaɱ balavā puriso tattena ayosaŋkunā ādittena sampajjalitena sajotibhūtena mukhaɱ vivaritvā tattaɱ lohagulaɱ ādittaɱ sampajjalitaɱ sajotibhūtaɱ mukhe pakkhipeyya,||
taɱ tassa oṭṭhampi daheyya,||
mukhampi daheyya,||
jivhampi daheyya,||
kaṇṭhampi daheyya,||
rampi daheyya,||
antampi antaguṇampi ādāya adhobhāgā nikkhameyya,||
yaɱ vā khantiyamahāsālānaɱ vā brāhmaṇa mahāsālānaɱ vā gahapatimahāsalānaɱ vā saddhādeyyaɱ piṇḍapātaɱ paribhūñjeyyāti.|| ||

Etad eva bhante,||
varaɱ yaɱ khattiyamahā sālānaɱ vā brāhmaṇa mahāsālānaɱ vā gahapati mahāsālānaɱ vā saddhādeyyaɱ piṇḍapātaɱ paribhuñjeyya.|| ||

Dukkhaɱ h'etaɱ bhante,||
yaɱ balavā puriso tattena ayosaŋkunā ādittena sampajjalitena sajotibhūtena mukhaɱ vivaritvā tattaɱ lohagulaɱ ādittaɱ sampajjalitaɱ sajotibhūtaɱ mukhe pakkhipeyya,||
taɱ tassa oṭṭhampi daheyya,||
mukhampi daheyya,||
jivhampi daheyya kaṇṭhampi daheyya,||
urampi daheyya,||
antampi antaguṇampi ādāya adhobhāgā nikkhameyyāti.|| ||

Ārovayāmi vo bhikkhave,||
paṭivedayāmi vo bhikkhave,||
yathā etad eva tassa varaɱ dussīlassa pāpadhammato asucisaɱkassarasamāvaro paṭicchannakammanto assamaṇo samaṇapaṭiñño abrahmacārī brāhmacārī paṭiñño antopūti avassuto kasambujālitena sajotibhūtena mukhaɱ vivaritvā tattaɱ lobhagulaɱ ādittaɱ sampajjalitaɱ sajotibhūtaɱ mūkhe pakkhipeyya,||
taɱ tassa oṭṭhampi daheyya mukhampi daheyya,||
jivhampi daheyya,||
kaṇṭhampi1 daheyya,||
urampi daheyya antampi antaguṇampi ādāya adhobhāgānikkhameyya.|| ||

Taɱ kissa hetu? tato nidānaɱ hi so bhikkhave maraṇaɱ vā nigaccheyya maraṇa mattaɱ vā dukkhaɱ.|| ||

Na tv eva tappaccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjeyya.|| ||

Yañ ca kho so bhikkhave,||
dussīlo pāpaDhammassato asucisaɱkassamāvaro paṭicchannakammanto assamaṇo samaṇapaṭiñño abrahmacārī brāhmacārī paṭiñdo antopūti avassuto kasambujāto khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā saddhādeyyaɱ piṇḍapātaɱ paribhuñjati,||
taɱ hi tassa bhikkhave,||
hoti dīgha-rattaɱ ahitāya dukkhāya.|| ||

Kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Taɱ kiɱ maññatha bhikkhave,||
katamannukho varaɱ yaɱ balavā puriso sīse vā gahetvā khandhe vā gahetvā tattaɱ ayo mañcaɱ vā ayo pīṭhaɱ vā ādittaɱ sampajjalitaɱ sajotibhūtaɱ ahinisīdāpeyya vā ahinipajjāpeyya vā,||
yaɱ khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā saddhādeyyaɱ mañcapīṭhaɱ paribhūñjeyyāti.|| ||

Etad eva bhante,||
varaɱ yaɱ khattīyamahāsālānaɱ vā brāhmaṇamahāsālānaɱ vā gahapatimahāsālānaɱ vā saddhādeyyaɱ mañcapīṭhaɱ paribhūñjeyya.|| ||

Dukkhaɱ h'etaɱ bhante,||
yaɱ balavā puriso sīse vā gahetvā khandhe vā gahetvā khandhe vā gahetvā tattaɱ ayo mañvaɱ vā ayo pīṭhaɱ vā ādittaɱ sampajjalitaɱ sajotibhūtaɱ abhinisīdāpeyya vā ahinipajjeyya vā.|| ||

Ārocayāmi vo bhikkhave,||
paṭivedayāmi vo bhikkhave,||
yathā etad eva tassa varaɱ dussīlassa pāpaDhammassa asucisaɱkassarasamāvārassa paṭicchannakammantassa assamaṇassa samaṇapaṭiññassa abrahmacārissa brāhmacārī paṭiññassa antopūtissa avassutassa kasambujātassa yaɱ balavā puriso sīse vā gahetvā khandhe vā gahetvā tattaɱ ayo mañcaɱ vā ayo pīṭhaɱ vā ādittaɱ sampajjalitaɱ sajotibhūtaɱ abhinisidāpeyya vā abhinipajjāpeyya vā yaɱ khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā saddhādeyyaɱ mañcapīṭh paribhūñjeyyāti.|| ||

Etad eva bhante,||
varaɱ yaɱ khattiyamahāsālānaɱ vā brāhmaṇamahāsālānaɱ vā gahapatimahā sālānaɱ vā saddhādeyyaɱ mañcapīṭh paribhūñajeyya.|| ||

Dukkhaɱ h'etaɱ bhante,||
yaɱ balavā puriso sīsevā gahetvā khandhe vā gahetvā tattaɱ ayo mañvaɱ vā ayo pīṭhaɱ vā ādittaɱ sampajjalitaɱ sajotibhūtaɱ abhinisīdāpeyya vā abhinipajjeyya vā taɱ kissa hte: tato nidānaɱ hī so bhikkhave,||
maraṇaɱ vā nigaccheyya maraṇamattaɱ dukkaɱ.|| ||

Itv eva tappaccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjeyya.|| ||

Yañ ca kho so bhikkhave dussīlo pāpadhammo asucisaɱkassarasamāvaro paṭicchannakammanto assamaṇo samaṇapaṭiñño abrahmacārī brāhmacārī paṭiñño antopūti avassuto kasambujāto khattīya mahāsālānaɱ vā brāhmaṇamahāsālānaɱ va gahapatimahāsālānaɱvā saddhādeyyaɱ mañacapīṭh paribhūñjati,||
taɱ hi tassa bhikkhave,||
hoti dīgha-rattaɱ ahitāya dukkāya.|| ||

Kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Taɱ kiɱ maññatha bhikkhave,||
katamaɱ nu kho varaɱ yaɱ balavā puriso uddhaɱ pādaɱ adho siraɱ gahetvā tattāya lohakumbhiyā pakkhipeyya ādittāya sampajjalitāya sajotibhūtāya,||
so tattha pheṇuddehakaɱ paccamāno sakimpi uddhaɱ gaccheyya sakimpi adho gaccheyya sakimpi tiriyaɱ gaccheyya.|| ||

Yaɱ vā khattiyamahā sālānaɱ vā brāhmaṇamahāsālānaɱ vā,||
gahapatimahāsālānaɱ vā saddhādeyyaɱ vihāraɱ paribhuñjeyyāti.|| ||

Etad eva bhante,||
varaɱ yaɱ khattiyamahāsālānaɱ vā brāhmaṇamahāsālānaɱ vā gahapatimahāsālānaɱ vā saddhādeyyaɱ vihāraɱ paribhuñjeyya.|| ||

Dukkaɱ h'etaɱ bhante,||
yaɱ balavā puriso uddhaɱ pādaɱ adho siraɱ gahetvā tattāya lohakumbhiyā pakkhipeyya ādittāya sampajjalitāya sajotibhūtāya,||
so tattha pheṇuddehakaɱ paccamāno sakimpi uddhaɱ gaccheyya,||
sakimpi adho gaccheyya,||
sakimpi tiriyaɱ gaccheyyāti.|| ||

Ārocayāmi vo bhikkhave,||
paṭivedayāmi vo bhikkhave,||
yathā etad eva tassavaraɱ dussīlassa pāpaDhammassa asucisaɱkassarasamāvārassa paṭicchannakammantassa assamaṇassa samaṇapaṭiññassa abrahmacārissa brāhmacārīpaṭiññassa antopūtissa avassutassa kasambujātassa yaɱ balavā puriso uddhaɱ pādaɱ adho siraɱ gahetvā tattāya lohakumbhiyā pakkhipeyya ādittāya sampajjalitāya sajotibhūtāya,||
so tattha pheṇuddehakaɱ paccamāno sakimpi tiriyaɱ gaccheyya sakimpi adho gaccheyya,||
sakimpi tiriyaɱ gaccheyyāti taɱ kissa hte: tato nidānaɱ hi so bhikkhave,||
maraṇaɱ vā nigaccheyya,||
maraṇamattaɱ vā dukkhaɱ.|| ||

Na tv eva tappaccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Yañ ca kho so bhikkhave,||
dussīlo pāpadhammo asucisaɱkassavaro paṭicchannakammanto assamaṇo samaṇapaṭiñño abrahmacārī brāhmacārī paṭiñño antopūti avassuto kasambujāto Khattiya mahāsālānaɱ vā brāhmaṇamahāsālānaɱ vā gahapati mahāsālānaɱ vā saddhādeyyaɱ vihāraɱ paribhūñjati,||
taɱ hi tassa bhikkhave,||
hoti dīgha-rattaɱ ahitāya dukkhāya.|| ||

Kāyassa bhedā param maraṇā apāyaɱ duggatiɱ vinipātaɱ Nirayaɱ upapajjati.|| ||

Tasmā ti ha bhikkhave,||
evaɱ sikkhitabbaɱ:yesañca mayaɱ paribhūñjāma cīvarapiṇḍapātasenāsanagilānappaccayabhesajjaparikkhāraɱ tesaɱ te kārā mahapphalā bhavissanti,||
mahānisaɱsā.|| ||

Ambhākaɱ cevāyaɱ pabbajjā avañjhā bhavissati saphalā saudrayāti evaɱhi vo bhikkhave,||
sikkhitabbaɱ.|| ||

Attatthaɱ vā bhikkhave,||
sampassamānena alam eva appamādena sampādetuɱ,||
paratthaɱ vā bhikkhave sampassamānena alam eva appamādena sampādetuɱ.|| ||

Ubhayatthaɱ vā bhikkhave sampassamānena alam eva appamādena sampādetunti. Idam avoca Bhagavā.|| ||

Imasmiñ ca pana veyyākara-ṇasmiɱ bhaññamāne saṭṭimattānaɱ bhikkhūnaɱ uṇhaɱ lohitaɱ mukhato uggañji.|| ||

Saṭṭhi mattā bhikkhū sikkhaɱ paccakkhāya hīnāyāvattīɱsu dukkaraɱ Bhagavā,||
sudukkaraɱ Bhagavāti.|| ||

Saṭṭimattānaɱ bhikkhunaɱ anupādāya āsavehi cittāni vimucciɱsū ti.|| ||

 


Contact:
E-mail
Copyright Statement   Webmaster's Page