Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta
Mahā Vaggo

Sutta 69

Sunetta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

2. Bhūtapubbaɱ bhikkhave, Sunetto nāma satthā ahosi titthakaro kāmesu vītarāgo.|| ||

Sunettassa kho pana bhikkhave, sattuno anekāni sāvakasatāni ahesuɱ.|| ||

Sunetto nāma satthā sāvakānaɱ Brahmalokasahavyatāya dhammaɱ desesi.|| ||

Ye kho pana bhikkhave Sunettassa satthuno Brahmalokasahavyatāya dhammaɱ desentassa cittāni na pasādesuɱ,||
te kāyassa bhedā param maraṇā apāyaɱ duggatiɱ vinipātaɱ nirayaɱ upapajjiɱsu.|| ||

Ye ko pana bhikkhave Sunettassa satthuno Brahmalokasahavyatāya dhammaɱ desentassa cittāni pasādesuɱ,||
te kāyassa bhedā param maraṇā sugatiɱ saggaɱ lokaɱ upapajjiɱsu.|| ||

3. Bhūtapubbaɱ bhikkhave, Mūgapakkho[ed1] nāma satthā ahosi titthakaro kāmesu vītarāgo.|| ||

Mūgapakkhassa kho pana bhikkhave, sattuno anekāni sāvakasatāni ahesuɱ.|| ||

Mūgapakkho nāma satthā sāvakānaɱ Brahmalokasahavyatāya dhammaɱ desesi.|| ||

Ye kho pana bhikkhave Mūgapakkhassa satthuno Brahmalokasahavyatāya dhammaɱ desentassa cittāni na pasādesuɱ,||
te kāyassa bhedā param maraṇā apāyaɱ duggatiɱ vinipātaɱ nirayaɱ upapajjiɱsu.|| ||

Ye ko pana bhikkhave Mūgapakkhassa satthuno Brahmalokasahavyatāya dhammaɱ desentassa cittāni pasādesuɱ,||
te kāyassa bhedā param maraṇā sugatiɱ saggaɱ lokaɱ upapajjiɱsu.|| ||

Bhūtapubbaɱ bhikkhave, Aranemi nāma satthā ahosi titthakaro kāmesu vītarāgo.|| ||

Aranemassa kho pana bhikkhave, sattuno anekāni sāvakasatāni ahesuɱ.|| ||

Aranemi nāma satthā sāvakānaɱ Brahmalokasahavyatāya dhammaɱ desesi.|| ||

Ye kho pana bhikkhave Aranemassa satthuno Brahmalokasahavyatāya dhammaɱ desentassa cittāni na pasādesuɱ,||
te kāyassa bhedā param maraṇā apāyaɱ duggatiɱ vinipātaɱ nirayaɱ upapajjiɱsu.|| ||

Ye ko pana bhikkhave Aranemassa satthuno Brahmalokasahavyatāya dhammaɱ desentassa cittāni pasādesuɱ,||
te kāyassa bhedā param maraṇā sugatiɱ saggaɱ lokaɱ upapajjiɱsu.|| ||

Bhūtapubbaɱ bhikkhave, Kuddālo nāma satthā ahosi titthakaro kāmesu vītarāgo.|| ||

Kuddālassa kho pana bhikkhave, sattuno anekāni sāvakasatāni ahesuɱ.|| ||

Kuddālo nāma satthā sāvakānaɱ Brahmalokasahavyatāya dhammaɱ desesi.|| ||

Ye kho pana bhikkhave Kuddālassa satthuno Brahmalokasahavyatāya dhammaɱ desentassa cittāni na pasādesuɱ,||
te kāyassa bhedā param maraṇā apāyaɱ duggatiɱ vinipātaɱ nirayaɱ upapajjiɱsu.|| ||

Ye ko pana bhikkhave Kuddālassa satthuno Brahmalokasahavyatāya dhammaɱ desentassa cittāni pasādesuɱ,||
te kāyassa bhedā param maraṇā sugatiɱ saggaɱ lokaɱ upapajjiɱsu.|| ||

Bhūtapubbaɱ bhikkhave, Hatthipālo nāma satthā ahosi titthakaro kāmesu vītarāgo.|| ||

Hatthipālassa kho pana bhikkhave, sattuno anekāni sāvakasatāni ahesuɱ.|| ||

Hatthipālo nāma satthā sāvakānaɱ Brahmalokasahavyatāya dhammaɱ desesi.|| ||

Ye kho pana bhikkhave Hatthipālassa satthuno Brahmalokasahavyatāya dhammaɱ desentassa cittāni na pasādesuɱ,||
te kāyassa bhedā param maraṇā apāyaɱ duggatiɱ vinipātaɱ nirayaɱ upapajjiɱsu.|| ||

Ye ko pana bhikkhave Hatthipālassa satthuno Brahmalokasahavyatāya dhammaɱ desentassa cittāni pasādesuɱ,||
te kāyassa bhedā param maraṇā sugatiɱ saggaɱ lokaɱ upapajjiɱsu.|| ||

Bhūtapubbaɱ bhikkhave, Jotipālo nāma satthā ahosi titthakaro kāmesu vītarāgo.|| ||

Jotipālassa kho pana bhikkhave, sattuno anekāni sāvakasatāni ahesuɱ.|| ||

Jotipālo nāma satthā sāvakānaɱ Brahmalokasahavyatāya dhammaɱ desesi.|| ||

Ye kho pana bhikkhave Jotipālassa satthuno Brahmalokasahavyatāya dhammaɱ desentassa cittāni na pasādesuɱ,||
te kāyassa bhedā param maraṇā apāyaɱ duggatiɱ vinipātaɱ nirayaɱ upapajjiɱsu.|| ||

Ye ko pana bhikkhave Jotipālassa satthuno Brahmalokasahavyatāya dhammaɱ desentassa cittāni pasādesuɱ,||
te kāyassa bhedā param maraṇā sugatiɱ saggaɱ lokaɱ upapajjiɱsu.|| ||

Bhūtapubbaɱ bhikkhave, Arako nāma satthā ahosi titthakaro kāmesu vītarāgo.|| ||

Arakassa kho pana bhikkhave, sattuno anekāni sāvakasatāni ahesuɱ.|| ||

Arako nāma satthā sāvakānaɱ Brahmalokasahavyatāya dhammaɱ desesi.|| ||

Ye kho pana bhikkhave Arakassa satthuno Brahmalokasahavyatāya dhammaɱ desentassa cittāni na pasādesuɱ,||
te kāyassa bhedā param maraṇā apāyaɱ duggatiɱ vinipātaɱ nirayaɱ upapajjiɱsu.|| ||

Ye ko pana bhikkhave Arakassa satthuno Brah- [136] malokasahavyatāya dhammaɱ desentassa cittāni pasādesuɱ,||
te kāyassa bhedā param maraṇā sugatiɱ saggaɱ lokaɱ upapajjiɱsu.

4. Taɱ kiɱ maññatha bhikkhave,||
yo ime satta satthāre titthakare kāmesu vītarāge anekasataparivāre sasāvakasaŋghe duṭṭhacitto akakoseyya paribhāseyya,||
bahuɱ so apuññaɱ pasaceyyā ti?|| ||

Evaɱ bhante.|| ||

Taɱ kiɱ maññatha bhikkhave,||
yo ime satta satthāre titthakare kāmesu vītarāge anekasataparivāre sasāvakasaŋghe duṭṭhacitto akakoseyya paribhāseyya,||
bahuɱ so apuññaɱ pasaceyya,||
yo ekaɱ diṭṭhisampannaɱ puggalaɱ duṭṭhacitto akkosati paribhāsati,||
ayaɱ tato bahutaraɱ apuññaɱ pasavati.|| ||

Taɱ kissa hetu?|| ||

Nāhaɱ bhikkhave, ito bahiddhā evarūpiɱ khantiɱ vadāmi,||
yathā amhaɱ sabrahmacārisu.|| ||

Tasmā ti ha bhikkhave, evaɱ sikkhitabbaɱ:|| ||

Na no sabrahmacārisu cittāni paduṭṭhāni bhavissantī ti.|| ||

Evaɱ hi ho bhikkhave, sikkhitabban ti.|| ||

 


[ed1] I am not certain that I have got the endings for the names of the following teachers correctly. PTS gives only the first case, and BJT has followed the first intoduction of a new name with the text, name and case of Mūgapakkho through to Arako.

 


Contact:
E-mail
Copyright Statement   Webmaster's Page