Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 70

Araka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][than] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Bhutapubbaɱ bhikkhave, Arako nāma satthā ahosi,||
titthakaro kāmesu vītarāgo:|| ||

Arakassa kho pana bhikkhave,||
satthuno anekānī sāvakasatāni ahesuɱ.|| ||

Arako satthā sāvakānaɱ evaɱ dhammaɱ deseti:|| ||

2. Appakaɱ brāhmaṇā, jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhab- [137] baɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇaɱ.|| ||

Seyyathā pi brāhmaṇā, tiṇagge ussāvabindu suriye uggacchante khippam yeva paṭivigacchati na ciraṭṭhitikaɱ hoti,||
evam eva kho brāhmaṇā, ussāvabinadupamaɱ,||
jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇaɱ.|| ||

Seyyathā pibrāhmaṇā, thullaphusitake deve vassante udake udakabubbulaɱ khippam yeva paṭivigacchati na ciraṭṭhitikaɱ hoti,||
evam eva kho brāhmaṇā, udakabubbūpāpamaɱ,||
jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇaɱ.|| ||

Seyyathā pi brāhmaṇā, udake daṇḍarāji khīppaɱ yeva paṭivigacchati,||
na ciraṭṭhitikā hoti,||
evam eva kho brāhmaṇā, udake daṇḍarājūpamaɱ,||
jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇaɱ.|| ||

Seyyathā pi brāhmaṇā, nadī pabbateyyā dūraŋgamā sīghasotā hārahārīnī||
n'atthi so khaṇo vā layo vā muhutto vā||
yaɱ sā aramati,||
atha ko sā gacchat'eva vattat'eva sandat'eva,||
evam eva kho brāhmaṇā, nadīpabbateyyupamaɱ,||
jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇaɱ.|| ||

Seyyathā pi brāhmaṇā, balavā puriso jivhagge kheḷapiṇḍaɱ saññuhitvā appakasiren'eva vameyya,||
evam eva kho brāhmaṇā kheḷapiṇḍūpamaɱ,||
jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇaɱ.|| ||

Seyyathā pi brāhmaṇā, divasasaɱtatte [138] ayokaṭāhe maɱsapesī pakkhittā khippaɱ yeva paṭivigacchati,||
na ciraṭṭhitikā hoti,||
evam eva kho brāhmaṇā, maɱsasūpemaɱ,||
jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇaɱ.|| ||

Seyyathā pi brāhmaṇā, gāvī vajjhā āghātanaɱ nīyamānā yañ ñad eva pādaɱ uddharati santike'va hoti vadhassa santike'va maraṇassa,||
evam eva kho brāhmaṇa, govajjhūpamaɱ,||
jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇaɱ.|| ||

3. Tena kho pana bhikkhave samayena manussānaɱ saṭṭhivassasahassāni āyuppamāṇaɱ ahosi.|| ||

Pañcavassasatikā kumārikā alampateyyā ahosi.|| ||

Tena kho pana bhikkhave,||
samayena manussānaɱ chaḷ eva ābādhā ahesuɱ:||
sītaɱ,||
uṇhaɱ,||
jigacchā,||
pipāsā,||
uccāro,||
passāvo.|| ||

So hi nāma bhikkhave,||
arako sattā evaɱ dīghāyukesu manussesu evaɱ ciraṭṭitikesu evaɱ appābādhesu sāvakānaɱ evaɱ dhammaɱ desessati:|| ||

"Appakaɱ brāhmaṇā,||
jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇan' ti.|| ||

Etarahi kho taɱ bhikkhave,||
sammā vadamāno vadeyya
'appakaɱ, jīvitaɱ manussānaɱ parittaɱ lahukaɱ bahudukkhaɱ bahupāyāsaɱ.|| ||

Mantāya boddhabbaɱ.|| ||

Kattabbaɱ kusalaɱ,||
caritabbaɱ brahmacariyaɱ.|| ||

N'atthi jātassa amaraṇan' ti.|| ||

Etarahi kho bhikkhave, yo ciraɱ jivati,||
so vassasataɱ appaɱ vā bhīyyo.|| ||

Vassasataɱ kho pana bhikkhave,||
jīvanto tīṇīyeva utusatāni jīvati:||
utusataɱ hemantānaɱ,||
utusataɱ gimhānaɱ,||
utusataɱ vassānaɱ.|| ||

Tīṇi kho pana bhikkhave,||
utusatāni jivanto dvādasa yeva māsasatāni jīvati:||
cattāri māsa satāni [139] hemantānaɱ,||
cattāri māsa satāni gimhānaɱ,||
cattāri māsa satāni vassānaɱ.|| ||

Dvādasaɱ kho, pana bhikkhave,||
māsasatāni jivanto catuvīsatiɱ yeva addhamāsa satāni jīvati:||
aṭṭhaddha māsa satāni hemantānaɱ,||
aṭṭhaddha māsa satāni gimhānaɱ,||
aṭṭhaddha māsa satāni vassānaɱ.|| ||

Catuvisatiɱ kho pana bhikkhave,||
aṭṭhaddha māsa satāni jivanto chattiɱsaɱ yeva ratti sahassāni jīvati:||
dvādasa rattisahassāni hemantānaɱ,||
dvādasa rattisahassāni gimhānaɱ,||
dvādasa rattisahassāni gimhānaɱ,||
dvādasa rattisahassāni vasānaɱ.|| ||

Chattiɱsaɱ kho paṇa bhikkhave,||
ratti sahassāni jīvanto dvesattatiñ ñeva bhattasahassāni bhuñjati:||
catuvīsati bhattasahassāni hemantānaɱ,||
catuvīsati bhattasahassāni gimhānaɱ,||
catuvīsati bhattasahassāni vassānaɱ saddhiɱ mātuthaññāya,||
saddhiɱ bhattantarāya.|| ||

Tatr'ime bhattantarāyā:||
kupito pi bhattaɱ na bhuñjati,||
dukkhito pi bhattaɱ na bhuñajati,||
vyādhito pi bhattaɱ na bhūñjati,||
uposathiko pi bhattaɱ na bhūñjati,||
alābhakena pi bhattaɱ na bhuñjati.|| ||

Iti kho bhikkhave, mayā vassasatāyukassa manussassa āyu pi saŋkhātaɱ,||
āyuppamāṇam pi saŋkhātaɱ,||
utu pi saŋkhātā,||
saɱvaccharā pi saŋkhātā,||
māsā pi saŋkhātā,||
addhamāsā pi saŋkhātā,||
ratti pi saŋkhātā,||
divā pi saŋkhātā,||
bhattā pi saŋkhātā,||
bhattantarāyā pi saŋkhātā.|| ||

4. Yaɱ bhikkhave satthārā karaṇīyaɱ sāvakānaɱ hitesinā anukampakena anukampaɱ upādāya,||
kataɱ vo taɱ mayā.|| ||

Etāni bhikkhave,||
rukkhamūlāni,||
etāni suññāgārāni.|| ||

Jhāyatha bhikkhave,||
māpamādattha,||
mā pacchā vippaṭisārino ahuvattha.|| ||

Ayaɱ vo amhākaɱ anusāsanī ti.|| ||

 


Contact:
E-mail
Copyright Statement   Webmaster's Page