Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 79

Satthusāsana suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][ati] Sāvatthinidānaɱ|| ||

Atha kho āyasmā Upāli, yena Bhagavā ten'upasaŋkami.||
Tenupasaŋkamitvā Bhagavantaɱ abhivādetvā eka-m-antaɱ nisīdi.||
Eka-m-antaɱ nisinno kho ayasmā Upāli||
Bhagavantaɱ etad avoca:|| ||

Sādhu me bhante,||
Bhagavā saŋkhittena dhammaɱ desetu yaɱ ahaɱ Bhagavato dhammaɱ sutvā eko vupakaṭṭho appamatto ātāpi pahitatto vihareyyanti.|| ||

Ye kho tvaɱ Upāli dhamme jāneyyāsi||
"ime dhammā na ekantanibbidāya virāgaya nirodhāya upasamāya abhiññāya sambodhāya nibbānāya saɱvattantī" ti,||
ekaɱ senUpāli dhāreyyāsi:||
neso dhammo, nese vinayo, n'etaɱ satthusāsananti.|| ||

Ye ca kho tvaɱ Upāli, dhamme jāneyyāsi:||
"ime dhammā ekantanibbidāya virāgaya nirodhāya upasamāya abhiññāya sambodhāya nibbānāya saɱvattantī" ti,||
ekaɱ senUpāli, dhāreyyāsi:||
es dhemmo, es vineyo, etaɱ satthusāsanantī|| ||

 


Contact:
E-mail
Copyright Statement   Webmaster's Page