Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Suttas 81-90

Samaṇa Vaggo

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

Sutta 81

Bhikkhūdhamma Suttaɱ

[81.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Sattannaɱ bhikkhave dhammānaɱ bhinnattā bhikkhū hoti.|| ||

Katamesaɱ sattannaɱ?|| ||

2. Sakkāyadiṭṭhi bhinnā hoti,||
vicikicchā bhinnā hoti,||
sīlabbataparāmāso bhinno hoti,||
rāgo bhinno hoti,||
doso bhinno hoti,||
moho bhinno hoti,||
māno bhinno hoti.|| ||

Imesaɱ kho bhikkhave sattannaɱ dhammānaɱ bhinnattā bhikkhū hotī ti.|| ||

 


 

Sutta 82

Samaṇadhamma Suttaɱ

[82.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Sattannaɱ bhikkhave dhammānaɱ samitattā samaṇo hoti.|| ||

Katamesaɱ sattannaɱ?[ed1]|| ||

2. Sakkāyadiṭṭhi samitā hoti,||
vicikicchā samitā hoti,||
sīlabbataparāmāso samito hoti,||
rāgo samito hoti,||
doso samito hoti,||
moho samito hoti,||
māno samito hoti.|| ||

Imesaɱ kho bhikkhave sattannaɱ dhammānaɱ samitattā samaṇo hoti ti.|| ||

 


 

Sutta 83

Brāhmaṇadhamma Suttaɱ

[83.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Sattannaɱ bhikkhave dhammānaɱ bāhitattā brāhmaṇo hoti.|| ||

Katamesaɱ sattannaɱ?|| ||

2. Sakkāyadiṭṭhi bāhitā hoti,||
vicikicchā bāhitā hoti,||
sīlabbataparāmāso bāhito hoti,||
rāgo bāhito hoti,||
doso bāhito hoti,||
moho bāhito hoti,||
māno bāhito hoti.|| ||

Imesaɱ kho bhikkhave sattannaɱ dhammānaɱ bāhitattā brāhmaṇo hotī ti.|| ||

 


 

Sutta 84

Sotthiyadhamma Suttaɱ

[84.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Sattannaɱ bhikkhave dhammānaɱ nissutattā sotthiyo hoti.|| ||

Katamesaɱ sattannaɱ?|| ||

2. Sakkāyadiṭṭhi nissutā hoti,||
vicikicchā nissutā hoti,||
sīlabbataparāmāso nissuto hoti,||
rāgo nissuto hoti,||
doso nissuto hoti,||
moho nissuto hoti,||
māno nissuto hoti.|| ||

Imesaɱ kho bhikkhave sattannaɱ dhammānaɱ nissutattā sotthiyo hotī ti.|| ||

 


 

Sutta 85

Nahātakadhamma Suttaɱ

[85.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Sattannaɱ bhikkhave dhammānaɱ nāhātattā nāhātako hoti.|| ||

Katamesaɱ sattannaɱ?|| ||

2. Sakkāyadiṭṭhi nāhātā hoti,||
vicikicchā nāhātā hoti,||
sīlabbataparāmāso nāhāto hoti,||
rāgo nāhāto hoti,||
doso nāhāto hoti,||
moho nāhāto hoti,||
māno nāhāto hoti.|| ||

Imesaɱ kho bhikkhave sattannaɱ dhammānaɱ nāhātattā nāhātako hotī ti.|| ||

 


 

Sutta 86

Vedagudhamma Suttaɱ

[86.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Sattannaɱ bhikkhave dhammānaɱ viditattā vedagu hoti.|| ||

Katamesaɱ sattannaɱ?|| ||

2. Sakkāyadiṭṭhi viditā hoti,||
vicikicchā viditā hoti,||
sīlabbataparāmāso vidito hoti,||
rāgo vidito hoti,||
doso vidito hoti,||
moho vidito hoti,||
māno vidito hoti.|| ||

Imesaɱ kho bhikkhave sattannaɱ dhammānaɱ viditattā vedagu hotī ti.|| ||

 


 

Sutta 87

Ariyadhamma Suttaɱ

[87.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Sattannaɱ bhikkhave dhammānaɱ arahattā ariyo hoti.|| ||

Katamesaɱ sattannaɱ?|| ||

2. Sakkāyadiṭṭhi arahā hoti,||
vicikicchā arahā hoti,||
sīlabbataparāmāso araho hoti,||
rāgo araho hoti,||
doso araho hoti,||
moho araho hoti,||
māno araho hoti.|| ||

Imesaɱ kho bhikkhave sattannaɱ dhammānaɱ arahattā ariyo hotī ti.|| ||

 


 

Sutta 88

Arahattadhamma Suttaɱ

[88.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Sattannaɱ bhikkhave dhammānaɱ ārakattā arahā hoti.|| ||

Katamesaɱ sattannaɱ?|| ||

2. Sakkāyadiṭṭhi ārakā hoti,||
vicikicchā ārakā hoti,||
sīlabbataparāmāso ārako hoti,||
rāgo ārako hoti,||
doso ārako hoti,||
moho ārako hoti,||
māno ārako hoti.|| ||

Imesaɱ kho bhikkhave sattannaɱ dhammānaɱ ārakattā arahā hotī ti.|| ||

 


 

Sutta 89

Asaddhamma Suttaɱ

[89.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Satt'imi bhikkhave, asddhammā.|| ||

Katame satta?|| ||

Assaddho hoti,||
ahiriko hoti,||
anottāpī hoti,||
appassuto hoti,||
kusīto hoti,||
muṭṭhassati hoti,||
duppañño hoti.|| ||

Ime kho bhikkhave, satta asaddhammā.|| ||

 


 

Sutta 90

Saddhamma Suttaɱ

[90.1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Satt'imi bhikkhave, sddhammā.|| ||

Katame satta?|| ||

Ssaddho hoti,||
hiriko hoti,||
ottappī hoti,||
bahussuto hoti,||
āraddhavirayo hoti,||
satimā hoti,||
paññavā hoti.|| ||

Ime kho bhikkhave, satta saddhammā.|| ||

 


[ed1] The BJT Pali expands the formula repeating the formula of sutta 81 for each which is clearly a mistake. The PTS Text abbreviates suttas 82-87 giving only the first line. For sutta 88 it provides the complete sutta altering the term in the formula correspondingly. I have corrected this version of the Pali altering the terms throughout.

 


Contact:
E-mail
Copyright Statement   Webmaster's Page