Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
VIII. Aṭṭhaka Nipāta
III: Gahapati-Vagga

Sutta 24

Hatthaka-Āḷavaka Saŋgahavatthu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


[218]

[1][pts][than][bodh] Ekaɱ samayaɱ Bhagavā Āḷaviyaɱ viharati Aggālave cetiye.|| ||

Atha kho Hatthako Āḷavako pañca-mattehi upā- [219] sakasatehi parivuto yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho Hatthakaɱ Āḷavakaɱ Bhagavā etad avoca:|| ||

2. Mahatī kho tyāyaɱ Hatthaka, parisā,||
kathaɱ pana tvaɱ Hatthaka,||
imaɱ mahatiɱ parisaɱ saŋgaṇhāhī ti?|| ||

'Yān'imāni bhante,||
Bhagavatā desitāni cattāri saŋgahavatthūni,||
tenāhaɱ imaɱ parisaɱ saŋgaṇhāmi.|| ||

Ahaɱ bhante, yaɱ jānāmi,||
"ayaɱ dānena saŋgahetabbo" ti,||
taɱ dānena saŋgaṇhāmi;||
yaɱ jānāmi||
"ayaɱ peyyavajjena saŋgahetabbo" ti,||
taɱ peyyavajjena saŋgaṇhāmi;||
yaɱ jānāmi||
"ayaɱ atthacariyāya saŋgahetabbo" ti||
taɱ atthacariyāya saŋgaṇhāmi;||
yaɱ jānāmi||
"ayaɱ samānattatāya saŋgahetabbo" ti||
taɱ samānattatāya saŋgaṇhāmi.|| ||

Saɱvijjanti kho pana me bhante, kule bhogā,||
daliddassa kho no tathā sotabbaɱ maññantī' ti.|| ||

3. Sādhu sādhu Hatthaka,||
yoni kho tyāyaɱ Hatthaka,||
mahatiɱ parisaɱ saŋgahetuɱ.|| ||

Ye hi keci Hatthaka,||
atītam addhānaɱ parisaɱ saŋgahesuɱ,||
sabbe te imeh'eva catūhi saŋgahavatthūhi mahatiɱ parisaɱ saŋgahesuɱ.|| ||

Ye pi hi keci Hatthaka,||
anāgatam addhānaɱ mahatiɱ parisaɱ saŋgahessanti,||
sabbe te imeh'eva catūhi saŋgahavatthuhi mahatiɱ parisaɱ saŋgahi'ssanti.|| ||

Ye pi hi keci Hatthaka,||
etarahi mahatiɱ parisaɱ saŋgaṇhanti,||
sabbe te imeh'eva catūhi saŋgahavatthūhi mahatiɱ parisaɱ saŋgaṇhantī ti.|| ||

4. Atha kho Hatthako Āḷavako Bhagavatā dhammiyā kathāya sandassito samādapito samuttejito sampahaɱsito uṭṭhāy āsanā Bhagavantaɱ abhivādetvā padakkhiṇaɱ katvā [220] pakkāmi.|| ||

Atha kho Bhagavā acirapakkante hatthake Āḷavake bhikkhū āmantesi:|| ||

5. Aṭṭhahi bhikkhave, acchariyehi abbhutehi dhammehi samannāgataɱ Hatthakaɱ Āḷavakaɱ dhāretha.|| ||

Katamehi aṭṭhahi?|| ||

6. Saddho bhikkhave, Hatthako Āḷavako,||
sīlavā bhikkhave, Hatthako Āḷavako,||
hirimā bhikkhave, Hatthako Āḷavako,||
ottappī bhikkhave, Hatthako Āḷavako,||
bahussuto bhikkhave, Hatthako Āḷavako,||
cāgavā bhikkhave, Hatthako Āḷavako,||
paññavā bhikkhave, Hatthako Āḷavako.|| ||

Imehi kho bhikkhave, aṭṭhahi acchariyehi abbhutehi dhammehi samannāgataɱ Hatthakaɱ Āḷavakaɱ dhārethā ti.|| ||

 


Contact:
E-mail
Copyright Statement   Webmaster's Page