Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
VIII. Aṭṭhaka Nipāta
IV. Dāna Vagga

Sutta 34

Khettupama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


[237]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Aṭṭhaŋgasamannāgate bhikkhave, khette bījaɱ vuttaɱ na mahapphalaɱ hoti||
na mahassādaɱ||
na phātiyeyyaɱ.|| ||

Kathaɱ aṭṭhaŋgasamantāgate?|| ||

2. Idha, bhikkhave, khettaɱ unnāmaninnāmī ca hoti,||
pāsāṇasakkharillañ ca hoti,||
usarañca hoti,||
na ca gambhīrasītaɱ hoti,||
aa āyasampannaɱ hoti,||
na apāyasampannaɱ hoti,||
na mātikāsampannaɱ hoti,||
na mariyādāsampannaɱ hoti.|| ||

Evaɱ aṭṭhaŋgasamannāgate bhikkhave khette bījaɱ vuttaɱ na mahapphalaɱ hoti,||
na mahassādaɱ,||
na phātiyeyyaɱ.|| ||

Evam eva kho bhikkhave aṭṭhaŋgasamannāgatesu samaṇabrāhmaṇesu dānaɱ dinnaɱ na mahapphalaɱ hoti,||
na mahānisaɱsaɱ||
na mahājutikaɱ||
na mahāvipphāraɱ.|| ||

Kathaɱ aṭṭhaŋgasamannāgatesu?|| ||

3. Idha, bhikkhave, samaṇa-brāhmaṇā,||
micchā-diṭṭhikā honti||
micchā-saŋkappā,||
micchā-vācā,||
micchā-kammantā,||
micchā-ājīvā,||
micchā-vāyāmā,||
micchā-satino,||
micchā-samādhino.|| ||

Evaɱ aṭṭhaŋgasamannāgatesu bhikkhave samaṇabrāhmaṇesu dānaɱ dinnaɱ na mahapphalaɱ hoti,||
na mahānisaɱsaɱ,||
na mahājutikaɱ,||
na mahāvipphāraɱ.|| ||

 


 

4. Aṭṭhaŋgasamannāgate bhikkhave, khette bījaɱ vuttaɱ mahapphalaɱ hoti,||
mahassādaɱ phātiyeyyaɱ.|| ||

Kathaɱ aṭṭhaŋgasamannāgate?|| ||

5. Idha, bhikkhave, khettaɱ anunnāmaninnāmī ca hoti,||
apāsāṇasakkharillañ ca hoti,||
anusarañ ca hoti,||
gambhī- [238] rasītaɱ hoti,||
āyasampannaɱ hoti,||
apāyasampannaɱ hoti,||
mātikāsampannaɱ hoti,||
mariyādāsampannaɱ hoti.|| ||

Evaɱ aṭṭhaŋgasamannāgate bhikkhave, khette bījaɱ vuttaɱ mahapphalaɱ hoti,||
mahassādaɱ phātiyeyyaɱ.|| ||

Evam eva kho bhikkhave, aṭṭhaŋgasamannāgatesu samaṇabrāhmaṇesu dānaɱ dinnaɱ mahapphalaɱ hoti,||
mahānisaɱsaɱ,||
mahājutikaɱ,||
mahāvipthāraɱ.|| ||

Kathaɱ aṭṭhaŋgasamannāgatesu?|| ||

6. Idha bhikkhave, samaṇa-brāhmaṇā||
sammā-diṭṭhikā honti,||
sammā-saŋkappā,||
sammā-vācā,||
sammā-kammantā,||
sammā-ājīvā,||
sammā-vāyāmā,||
sammā-satino,||
sammā-samādhino.|| ||

Evaɱ aṭṭhaŋgasamannāgatesu bhikkhave, samaṇabrāhmaṇesu dānaɱ dinnaɱ mahapphalaɱ hoti,||
mahānisaɱsaɱ,||
mahājutikaɱ,||
mahāvipphāranti.|| ||

Yathā pi khette sampanne - pavuttā bījasampadā,||
Deve sampādayantamhi - hoti dhaññassa sampadā|| ||

Anīti sampadā hoti - virūḷhī bhavati sampadā,||
Vepullaɱ sampadā hoti - phalaɱ ve hoti sampadā.|| ||

Evaɱ sampannasīlesu - dinnā bhojanasampadā,||
Sampadānaɱ upaneti - sampannaɱ hi'ssa taɱ kataɱ|| ||

Tasmā sampadam ākaŋkhī - sampannattho'dha puggalo,||
Sampannapaññe sevetha - evaɱ ijjhanti sampadā.|| ||

Vijjācaraṇasampanno - laddhā cittassa sampadaɱ,||
Karoti kammasampadaɱ - labhati c'atthasampadaɱ.|| ||

Lokaɱ ñatvā yathābhūtaɱ - pappuyya diṭṭhisampadaɱ,||
Maggasampadam āgamma - yāti sampannamānaso.|| ||

[239]Odhunitvā malaɱ sabbaɱ - patvā nibbāna sampadaɱ,||
Muccati sabbadukkhehi - sā hoti sabbasampadā.|| ||

 


Contact:
E-mail
Copyright Statement   Webmaster's Page