Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
VIII. Aṭṭhaka Nipāta
IV. Dāna Vagga

Sutta 40

Apāyasaɱvattanika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


[247]

[1][pts][than][olds][bodh] Sāvatthinidānaɱ|| ||

1. Pāṇātipāto bhikkhave, āsevito bhāvito bahulīkato nirayasaɱvattaniko tiracchānayonisaɱvattaniko pettivisayasaɱvattaniko.|| ||

Yo sabbalahuso pāṇātipātassa vipāko manussabhutassa appāyukasaɱvattaniko hoti.|| ||

2. Adinnādānaɱ bhikkhave, āsevitaɱ bhāvitaɱ bahulīkataɱ nirayasaɱvattanikaɱ tiracchānayonisaɱvattanikaɱ pettivisayasaɱvattanikaɱ.|| ||

Yo sabbalahuso adinnādānassa vipāko manussabhutassa bhogavyasana saɱvattaniko hoti.|| ||

3. Kāmesu micchācāro bhikkhave, āsevito bhāvito bahulīkato nirayasaɱvattaniko tiracchānayonisaɱvattaniko pettivisayasaɱvattaniko.|| ||

Yo sabbalahuso kāmesu micchācārassa vipāko manussa bhutassa verasapattasaɱvattaniko hoti.|| ||

4. Musāvādo bhikkhave, āsevito bhāvito bahulīkato nirayasaɱvattaniko tiracchānayonisaɱvattaniko pettivisayasaɱvattaniko.|| ||

Yo sabbalahuso musāvādassa vipāko manussabhutassa abhūtabyākkhānasaɱvattaniko hoti.|| ||

5. Pisuṇā bhikkhave, vācā āsevitā bhāvitā bahulīkatā nirayasaɱvattaniko tiracchānayonisaɱvattanikā pettivisayasaɱvattanikā.|| ||

Yo sabbalahuso pisuṇāya vācāya vipāko manussa bhutassa mittehi bhedanasaɱvattaniko hoti.|| ||

6. Pharusā [248] bhikkhave, vācā āsevitā bhāvitā bahulīkatā nirayasaɱvattaniko tiracchānayonisaɱvattanikā pettivisayasaɱvattanikā.|| ||

Yo sabbalahuso pharusāya vācāya vipāko manussabhutassa amanāpasaddasaɱvattaniko hoti.|| ||

7. Samphappalāpo bhikkhave, āsevito bhāvito bahulīkato nirayasaɱvattaniko tiracchānayonisaɱvattaniko pettivisayasaɱvattaniko.|| ||

Yo sabbalahuso samphappalāpassa vipāko manussa bhutassa anādeyya vācāsaɱvattaniko hoti.|| ||

8. Surāmerayapānaɱ bhikkhave, āsevitaɱ bhāvitaɱ bahulīkataɱ nirayasaɱvattanikaɱ tiracchānayonisaɱvattanikaɱ pettivisayasaɱvattanikaɱ.|| ||

Yo sabbalahuso surāmerayapānassa vipāko manussa bhutassa ummattaka saɱvattaniko hoti.|| ||

 


Contact:
E-mail
Copyright Statement   Webmaster's Page