Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Atthaka Nipāta

Sutta 86

Nāgita Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[332]

[1][pts][ati] Evaɱ me sutaɱ:|| ||

Ekaɱ samayaɱ Bhagavā Kosalesu cārikaɱ caramāno mahatā bhikkhu-saŋghena saddhiɱ yena Icchānaŋgalaɱ nāma Kosalānaɱ brāhmaṇagāmo tadavasari.|| ||

Tatra sudaɱ Bhagavā Icchānaŋgale viharati Icchānaŋgalavanasaṇḍe.|| ||

Assosuɱ kho Icchānaŋgalakā brāhmaṇa gahapatikā samaṇokhalū bho Gotamo Sakyaputto Sakyakulā pabbajito Icchānaŋgalaɱ anupatto Icchānaŋgale viharati [341]Icchānaŋgalavanasaṇḍe.|| ||

Taɱ kho pana Bhagavantaɱ Gotamaɱ evaɱ kalayāṇo kittisaddo abbhuggato;||
'Iti pi so Bhagavā arahaɱ Sammā-sambuddho vijjācaraṇāsampanno sugato loka-vidū anuttaro purisa-damma-sārathī satthā deva-manussānaɱ buddho Bhagavā' ti.|| ||

Sādhu kho pana tathārūpānaɱ arahataɱ dassanaɱ hotī ti.|| ||

Atha kho Icchānaŋgalakā brāhmaṇa gahapatikā tassā rattiyā accayena pahūtaɱ khādanīyaɱ bhojanīyaɱ ādāya yena icchānaŋgalā vanasaṇḍo ten'upasaŋkamiɱsu.|| ||

Upasaŋkamitvā bahidvārakoṭṭhake aṭṭhaɱsu uccāsaddā mahāsaddhā.|| ||

Tena kho pana samayena āyasmā Nāgito Bhagavato upaṭṭhāko hoti.|| ||

Atha kho Bhagavā āyasmantaɱ Nāgitaɱ āmantesi:||
'ke pana te Nāgita,||
uccāsaddā mahāsaddā kevaṭṭā maññe macchavilope' ti?|| ||

Ete bhante Icchānaŋgalakā brāhmaṇagahapatikā pahutaɱ khādanīyaɱ bhojanīyaɱ ādāya bahidvārakoṭṭhake ṭhitā Bhagavantaɱyeva uddissa bhikkhusaŋgañvāti.|| ||

Māhaɱ Nāgita,||
yasena samāgamaɱ,||
mā ca mayā yaso,||
yo kho Nāgita,||
nayimassa kekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī,||
yassāhaɱ nekkhamma sukhassa pavivekasukhassa upasamasukhassa sambodhasukhassa nikāmalābhī assaɱ akicchalābhi akasiralābhi.|| ||

So taɱ mī'hasukhaɱ middhasukaɱ lābhasakkārasilokasukhaɱ sādiyyoti.|| ||

Adhivāsetu'dāni bhante,||
Bhagavā,||
adhivāsetu sugato,||
adhivāsanakālodāni bhante,||
Bhagavato.|| ||

Yena yen'evadāni bhante,||
Bhagavā gamssati,||
tantinnāca bhavissati brāhmaṇagahapatikā negamā c'eva jānapadā ca.|| ||

seyyathā pi [342] bhante,||
thullaphusitake deve vassante yatā ninnaɱudakāni pavattanti,||
evam eva kho bhante,||
yena yen'evadāni Bhagavā gamissati,||
tantinnā ca bhavissati brāhmaṇā gahapatikā negamā c'eva jānapadā ca|| ||

Taɱ kissa hetu?|| ||

Tathā hi bhante, Bhagavato sīlapaññāṇanti.|| ||

Māhaɱ Nāgita, yasena samāgamaɱ,||
mā ca mayā yaso,||
yo kho Nāgita,||
nayimassa kekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī,||
yassāhaɱ nekkhamma sukhassa pavivekasukhassa upasamasukhassa sambodhasukhassa nikāmalābhī assaɱ akicchalābhi akasiralābhi.|| ||

So taɱ mī'hasukhaɱ middhasukhaɱ lābhasakkārasilokasukhaɱ sādiyeyya.|| ||

Devatā pi kho Nāgita,||
ekaccā nayimassa nekkhammasukhassa pavivekasukhassa upasamasukhassa sambodhasukhassa nikāmalābhiniyo assu akicchalābhiniyo akasiralābhiniyo.|| ||

Yassāhaɱ nekkhammasukhassa pavivekasukhassa upasamasukhassa sambodhasukhassa nikāmalābhī assaɱ akicchalābhī akasiralābhī.|| ||

1. Tumbhākampi kho Nāgita,||
saŋgamma samāgamma saŋgaṇikavihāraɱ anuyuttānaɱ viharataɱ evaɱ hoti:||
nahanūna me āyasmanto imassa nekkhammasukhassa pavivekasukhassa upasamasukhassa sambodhasukhassa nikāmalābhino assu,||
akicchalābhino akasiralābhino,||
yassāhaɱ nekkhammasukhassa pavivekasukhassa upasamasukhassa sambodhasukhassa nikāmalābhī assaɱ akicchalābhī akasiralābhī.|| ||

Tathā hi paname āyasmanto [343] saŋgamma samāgamma saŋa+gaṇika vihāraɱ anuyuttā viharanti.|| ||

2. Idhāhaɱ Nāgita,||
bhikkhu passāmi aññamaññaɱ aŋa+gilapatodakehi sañjagghante saŋkī'ante.|| ||

Tassa mayhaɱ Nāgita,||
evaɱ hoti:||
nahanūname.|| ||

Āyasmanto imassa nekkhammasukhassa pavivekasukhassa upasamasukhassa sambodhasukhassa nikāmalābhino akicchalābhino assu akasiralābhino yassāhaɱ nekkhammasukhassa pavivekasukhassa upasamasukhassa sambodhasukhassa nikāmalābhī assaɱ akicchalābhī akasiralābhī tathā hi paname.|| ||

Āyasmanto aññamaññaɱ aŋgulipatodakehi sañjagghanti saŋkī'anti.|| ||

3. Idhāhaɱ Nāgita,||
bhikkhu passāmi yāvaatthaɱ udarāvadehakaɱ bhuñjitvā seyyasukhaɱ passasukhaɱ.|| ||

Middhasukhaɱ anuyutte viharante.|| ||

Tassa mayhaɱ Nāgita,||
evaɱ hoti:||
nahanūna me.|| ||

Āyasmanto imassa nekkhammasukhassa pavivekasukhassa upasama sukhassa sambodhasukhassa nikāmalābhino assu akicchalābhino akāralābhino yassāhaɱ nekkhamma sukhassa pavivekasukhassa upasamasukhassa sambodhasukhassa nikāmalābhī assaɱ,||
akicchalābhī akasiralābhī tathā hi me āyasmanto yāvadatthaɱ udarāvadehakaɱ bhuñjitvā seyyasukhaɱ passasukhaɱ.|| ||

Middhasukhaɱ anuyuttā viharanti.|| ||

4. Idhāhaɱ Nāgita,||
bhikkhuɱ passāmi gāmantavihāriɱ samāhitaɱ nisinnaɱ,||
tassa mayhaɱ Nāgita evaɱ hoti:|| ||

Idāni imaɱ āyasmantaɱ ārāmiko vā paccessati samaṇuddeso vā,||
taɱ tamhā samādhimhā vācessatī ti.|| ||

Tenāhaɱ [344] Nāgita tassa bhikkhuno na attamano homi gāmantavihārena.|| ||

5. Idha panāhaɱ Nāgita bhikkhuɱ passāmi āññakaɱ āraññe pavalāyamānaɱ nisinnaɱ.|| ||

Tassa mayhaɱ Nāgita evaɱ hoti:||
idāni ayaɱ āyasmā imaɱ niddākilamathaɱ paṭivinodetvā araññasaññaɱ yeva manasikarissati ekattanti:||
tenāhaɱ Nāgita tassa bhikkhuno attamano homi araññavihārena.|| ||

6. Idha panāhaɱ Nāgita bhikkhuɱ passāmi āraññakaɱ araññe asamāhitaɱ nisinnaɱ.|| ||

Tassa mayhaɱ Nāgita evaɱ hoti:||
idāni āyamāyasmā asamāhitaɱ vā cittaɱ samādahi'ssati,||
samāhitaɱ vā cittaɱ anurakkhi'ssatī ti.|| ||

Tenāhaɱ Nāgita tassa bhikkhuno attamano homi araññavihārena.|| ||

7. Idha panāhaɱ Nāgita bhikkhuɱ passāmi āraññakaɱ araññe samāhitaɱ nisinnaɱ.|| ||

Tassa mayhaɱ Nāgita evaɱ hoti:||
idāni āyasmāyasmā avimuttaɱ vā cittaɱ vimuccissati,||
vimuttaɱ vā cittaɱ anurakkhi'ssatī ti.|| ||

Tenāhaɱ Nāgita tassa bhikkhuno attamano homi araññavihārena.|| ||

8. Yasmāhaɱ Nāgita samaye addhānamaggapaṭipanno na kañci passāmi purato vā pacchato vā,||
phāsu me Nāgita tasmiɱ samaye hoti annamaso uccārapassāvakammāyāti.|| ||

 


Contact:
E-mail
Copyright Statement   Webmaster's Page