Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Atthaka Nipāta
Sati-Vagga

Sutta 87

Pattanikkujjana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Aṭṭhahi bhikkhave aŋgehi samannāgatassa upāsakassa ākaŋkhamāno saŋgho pattaɱ nikkujjayya.|| ||

Katamehi aṭṭhahi?|| ||

[345] 2. Bhikkhunaɱ alābhāya parisakkati,||
bhikkhunaɱ anatthāya parisakkati,||
bhikkhunaɱ anāvāsāya parisakkati,||
bhikkhunaɱ akkosati paribhāsati,||
bhikkhu bhikkhuhi vibhedeti buddhassa avaṇṇaɱ bhāsati,||
Dhammassa avaṇṇaɱ bhāsati,||
Saŋghassa avaṇṇaɱ bhāsati.|| ||

Imehi kho bhikkhave aṭṭhabaŋgehi samannāgatassa upāsakassa ākaŋkhamāno saŋgho pattaɱ nikkujjeyya.|| ||

Aṭṭhahi bhikkhave aŋgehi samannāgatassa upāsakassa ākaŋkhamāno saŋgho pattaɱ ukkujjeyya.|| ||

Katamehi aṭṭhahi?|| ||

Na bhikkhunaɱ alābhāya parisakkati,||
na bhikkhunaɱ anatthāya parisakkati,||
na bhikkhunaɱ āvāsāya parisakkati,||
na bhikkhunaɱ akkosati paribhāsati,||
na bhikkhu bhikkhuhi vibhedeti buddhassa vaṇṇaɱ bhāsati,||
Dhammassa vaṇṇaɱ bhāsati,||
Saŋghassa vaṇṇaɱ bhāsati.|| ||

Imehi kho bhikkhave aṭṭhabaŋgehi samannāgatassa upāsakassa ākaŋkhamāno saŋgho pattaɱ ukkujjeyyāti.|| ||

 


Contact:
E-mail
Copyright Statement   Webmaster's Page