Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Atthaka Nipāta
Sati-Vagga

Sutta 90

Tassapāpiyyasikā Sammāvattana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tassapāpiyyasikākammakatena bhikkhave bhikkhunā aṭṭhasu dhammesu sammā vattitabbaɱ.|| ||

Na upasampādetabbaɱ,||
na nissayo dātabbo,||
na sāmaṇero upaṭṭhāpetabbo,||
na bhikkhuno vādakasammuti sāditabbā,||
sammatena pi bhikkhaniyo na ovaditabbā,||
na kāci saŋghasammuti sāditabbā,||
na kismiñci paccekaṭṭhāne ṭhapetabbo,||
na ca tenamūlena vuṭṭhāpetabbaɱ.|| ||

Tassa pāpiyyasikākammakatena bhikkhave bhikkhunā imesu aṭṭhasu dhammesu sammā vattitabban ti.|| ||

 


Contact:
E-mail
Copyright Statement   Webmaster's Page