Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Atthaka Nipāta
Rāgādipeyyālaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

Sutta 94

Aṭṭhamaggaŋga Suttaɱ

[94.1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Rāgassa bhikkhave pariññāya aṭṭha dhammā bhāvetabbā.|| ||

Katame aṭṭha?|| ||

Sammā-diṭṭhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

Rāgāssa bhikkhave pariññāya ime aṭṭhadhammā bhāvetabbāti.|| ||

 


 

Sutta 95

Abhibhāyatana Suttaɱ

[95.1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Rāgassa bhikkhave pariññāya aṭṭha dhamma bhāvetabbā.|| ||

Katamāni aṭṭha?|| ||

2. Ajjhattaɱ rūpasaññī eko bahiddhā rūpāni passati parittāni suvaṇṇadubbaṇṇāni.|| ||

'Tāni abhibhuyya jānāmi passāmī' ti||
evaɱ saññī hoti.|| ||

3. Ajjhattaɱ rūpasaññī eko bahiddhā rūpāni passati appamāṇāni suvaṇṇadubbaṇṇāni.|| ||

'Tāni abhibhuyya jānāmi passāmī' ti evaɱ saññi hoti.|| ||

4. Ajjhattaɱ arūpasaññī eko bahiddhā rūpāni passati parittāni suvaṇṇadubbaṇṇāni.|| ||

'Tāni abhibhuyya jānāmi passāmī' ti evaɱ saññi hoti.|| ||

5. Ajjhattaɱ arūpasaññī eko bahiddhā rūpāni passati appamāṇāni suvaṇṇadubbaṇṇāni.|| ||

'Tāni abhibhuyya jānāmi passāmī' ti evaɱ saññi hoti.|| ||

Idaɱ catutthaɱ abhibhāyatanaɱ.|| ||

6. Ajjhattaɱ arūpasaññī eko bahiddhā rūpāni passati nilāni nīlavaṇṇāni nīlanidassanāni nīlanibhāsāni.|| ||

'Tāni abhibhuyya jānāmi passāmī' ti evaɱ saññi hoti.|| ||

7. Ajjhattaɱ arūpasaññī eko bahiddhā rūpāni passati pītāni pīnatavaṇnāni pītanidassanāni pītanibhāsāni.|| ||

'Tāni abhibhuyya jānāmi passāmī' ti evaɱ saññi hoti.|| ||

8. Ajjhattaɱ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni.|| ||

'Tāni abhibhuyya jānāmi passāmī' ti evaɱ saññi hoti.|| ||

9. Ajjhattaɱ arūpasaññī eko bahiddhā rūpāni passati odātāni odavaṇṇātāni odātanidassanāni odātanibhāsāni.|| ||

'Tāni abhibhuyya jānāmi passāmī' ti evaɱ saññi hoti.|| ||

Rāgassa bhikkhave pariññāya imi aṭṭha dhamma bhāvetabbā ti.|| ||

 


 

Sutta 96

Aṭṭhavimokkha Suttaɱ

 


 

[96.1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Rāgassa bhikkhave pariññāya aṭṭha dhamma bhāvetabbā.|| ||

Katamāni aṭṭha?|| ||

2. Rūpi rūpāni passati.|| ||

2. Ajjhattaɱ arūpasaññī eko bahiddhā rūpāni passati.|| ||

3. Subhan t'eva adhimutto hoti.|| ||

4. Sabbaso rūpa-saññānaɱ samatikkamā paṭigha-saññānaɱ atthaŋgamā nānatta-saññānaɱ amanasikārā|| ||

'Anatto ākāso' ti|| ||

ākāsanañcāyatanaɱ upasampajjaviharati.|| ||

5. Sabbaso ākāsānañcāyatanaɱ samatikkamma|| ||

'Anattaɱ viññāṇan' ti|| ||

viññāṇañcāyatanaɱ upasampajja viharati.|| ||

6. Sabbaso viññāṇañcāyatanaɱ samatikkamma|| ||

'N'atthi kiñcī' ti|| ||

ākiñcaññāyatanaɱ upasampajja viharati.|| ||

7. Sabbaso ākiñcaññāyatanaɱ samatikkamma||
n'eva-saññā-nāsaññāyatanaɱ upasampajja viharati.|| ||

8. Sabbosa n'eva-saññā-nāsaññāyatanaɱ samatikkamma||
saññāvedayitaɱ nirodhaɱ upasampajja viharati.|| ||

Ime kho bhikkhave aṭṭha vimokkhā ti.|| ||

Rāgassa bhikkhave pariññāya ime aṭṭha dhamma bhāvetabbā.|| ||

 


 

[Following the pattern in the above three suttas:]

97: Aṭṭhamaggaŋga: rāgassa parikkhayāya

98: Abhibhāyatana: rāgassa parikkhayāya

99: Aṭṭhavimokkha: rāgassa parikkhayāya

100: Aṭṭhamaggaŋga: rāgassa pahānāya

101: Abhibhāyatana: rāgassa pahānāya

102: Aṭṭhavimokkha: rāgassa pahānāya

103: Aṭṭhamaggaŋga: rāgassa khayāya

104: Abhibhāyatana: rāgassa khayāya

105: Aṭṭhavimokkha: rāgassa khayāya

106: Aṭṭhamaggaŋga: rāgassa vayāya

107: Abhibhāyatana: rāgassa vayāya

108: Aṭṭhavimokkha: rāgassa vayāya

109: Aṭṭhamaggaŋga: rāgassa virāgāya

110: Abhibhāyatana: rāgassa virāgāya

111: Aṭṭhavimokkha: rāgassa virāgāya

112: Aṭṭhamaggaŋga: rāgassa nirodhāya

113: Abhibhāyatana: rāgassa nirodhāya

114: Aṭṭhavimokkha: rāgassa nirodhāya

115: Aṭṭhamaggaŋga: rāgassa cāgāya

116: Abhibhāyatana: rāgassa cāgāya

117: Aṭṭhavimokkha: rāgassa cāgāya

118: Aṭṭhamaggaŋga: rāgassa paṭinissaggaāya

119: Abhibhāyatana: rāgassa paṭinissaggaāya

120: Aṭṭhavimokkha: rāgassa paṭinissaggaāya

 


Contact:
E-mail
Copyright Statement   Webmaster's Page