Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta

Sutta 2

Nissayasampanna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][upal] Evaɱ me sutaɱ ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisidi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

'Nissayasampanno nissayasampanno' ti bhante vuccati.|| ||

Kittāvatā nu kho bhante bhikkhu nissayasampanno hotī ti?|| ||

2. Saddhañ ce bhikkhu, bhikkhu nissāya.|| ||

Akusalaɱ pajahati kusalaɱ bhāveti pahīnam ev'assa taɱ akusalaɱ hoti.|| ||

Hiriñ ce bhikkhu, bhikkhu nissāya.|| ||

Akusalaɱ pajahati kusalaɱ bhāveti pahīnam ev'assa taɱ akusalaɱ hoti.|| ||

Ottappañ ce bhikkhu, bhikkhu nissāya.|| ||

Akusalaɱ pajahati kusalaɱ bhāveti pahīnam ev'assa taɱ akusalaɱ hoti.|| ||

Viriyañ ce bhikkhu, bhikkhu nissāya.|| ||

Akusalaɱ pajahati kusalaɱ bhāveti pahīnam ev'assa taɱ akusalaɱ hoti.|| ||

Paññañ ce bhikkhu, bhikkhu nissāya.|| ||

Akusalaɱ pajahati kusalaɱ bhāveta pahīnam ev'assa taɱ akusalaɱ hoti.|| ||

Taɱ hī'ssa bhikkhuno akusalaɱ pahīnaɱ hoti suppahīnaɱ,||
yaɱsa ariyāya paññāya disvā pahīnaɱ.|| ||

Tena ca pana bhikkhū, bhikkhunā imesu pañcasu dhammesu patiṭṭhāya cattāro dhammā upanissāya vihātabbā.|| ||

Katame cattāro?|| ||

Idha bhikkhu, bhikku||
saŋkhāyekaɱ paṭisevati,||
saŋkhāyekaɱ adhivāseti,||
saŋkhāyekaɱ parivajjeti,||
saŋkhāyekaɱ vinodeti.|| ||

Evaɱ kho bhikkhu bhikkhu nissayasampanno hotī ti.|| ||

 


Contact:
E-mail
Copyright Statement   Webmaster's Page