Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta

Sutta 7

Sutavāparibbājaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


[369]

[1][ati][pts][upal][olds] Evaɱ me sutaɱ.|| ||

Ekaɱ samayaɱ Bhagavā Rājagahe viharati Gijjhakūṭepabbate.|| ||

Atha kho Sutavā paribbājako yena Bhagavā ten'upasaŋkami,||
upasaŋkamitvā Bhagavatā saddhiɱ sammodi,||
sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho Sutavā paribbājako Bhagavantaɱ etad avoca:|| ||

2. Ekam idaɱ bhante,||
samayaɱ Bhagavā idh'eva Rājagahe viharati Giribbaje.|| ||

Tatra me bhante,||
Bhagavato sammukhā sutaɱ||
sammukhā paṭiggahītaɱ:|| ||

'Yo so Sutavā Bhikkhu arahaɱ khīṇāsavo||
vusitavā||
katakaraṇīyo ohita- [370] bhāro||
anuppatta-sadattho||
parikkhīṇabhava-saɱyojano||
sammadaññā-vimutto,||
abhabbo so pañca ṭhānāni ajjhācarituɱ:|| ||

Abhabbo khīṇāsavo bhikkhu sañcicca pāṇaɱ jīvitā voropetuɱ.|| ||

Abhabbo khīṇāsavo bhikkhu adinnaɱ theyysankhātaɱ ādātuɱ.|| ||

Abhabbo khīṇāsavo bhikkhu methunaɱ dhammaɱ paṭisevitūɱ.|| ||

Abhabbo khīṇāsavo bhikkhu sampajānamusā bhāsituɱ.|| ||

Abhabbo khīṇāsavo bhikkhu sannidhikārakaɱ kāme paribhuñjituɱ seyyathā pi pubbe agārikabhuto' ti.|| ||

Kacci me taɱ bhante,||
Bhagavato sussutaɱ suggahītaɱ sumanasikataɱ sūpadhāritan ti?|| ||

3. Taggha te taɱ Sutavā,||
sussutaɱ suggahītaɱ sumanasikataɱ supadhāritaɱ.|| ||

Pubbe cāhaɱ Sutavā, etarahi ca evaɱ vadāmi:|| ||

"Yo so bhikkhu arahaɱ khīṇāsavo vusitavā katakaraṇīyo ohitabhāro anuppatta-sadattho parikkīṇabhavasaññojano sammadaññā-vimutto,||
abhabbo so nava ṭhānāni ajajhācarituɱ:|| ||

Abhabbo khīṇāsavo bhikkhu sañcicca pāṇaɱ jīvitā voropetuɱ.|| ||

Abhabbo khīṇāsavo bhikkhū adinnaɱ theyyasaŋkhātaɱ ādātuɱ.|| ||

Abhabbo khīṇāsavo bhikkhu methunaɱ dhammaɱ patisevītuɱ.|| ||

Abhabbo khīṇāsavo bhikkhu sampajānamusā bhāsituɱ.|| ||

Abhabbo khīṇāsavo bhikkhu sannidhikārake kāme paribhuñjituɱ seyyathā pi pubbe agāriyabhuto.|| ||

Abhabbo khīṇāsavo bhikkhu chandāgatiɱ gatuɱ.|| ||

Abhabbo khīṇāsavo bhikkhu dosāgatiɱ gatuɱ.|| ||

Abhabbo khīṇāsavo bhikkhu mohāgatiɱ gantuɱ.|| ||

Abhabbo khīṇāsavo bhikkhu bhayā- [371] gatim gantum.|| ||

Pubbe cāhaɱ Sutavā,||
etarahi ca evaɱ vadāmi.|| ||

Yo so bhikkhu arahaɱ vūsitavā katakaraṇīyo ohitahāro anuppatta-sadattho parikkhiṇabhavasaññojano sammadaññā vimutto||
abhabbo so imāni navaṭhānāni ajjhācaritun ti.|| ||

 


Contact:
E-mail
Copyright Statement   Webmaster's Page